DANIEL 9:9 - Khasi CL Bible (BSI)

⁹ Me long uba dap da ka jingisynei bad uba map, wat la ngi la ïeng ïaleh pyrshah ïa me.

KA BAIBL

⁹ Ïa U Trai U Blei jong ngi ki dei ki jingisynei bad ki jingmap; namar ngi la ïaleh pyrshah ïa u;

DANIEL 9:9 ပူးပေါင်းရင်းမြစ်များ

2 SAMUEL 24:14

U Dabid u jubab, “Nga don ha ka khim khait! Hynrei ngam kwah ba ngan shah pynshitom ha ki briew. Ai ba U Trai da lade hi un dei uta u ban pynshitom ïa ngi, namar u long uba dap da ka jingisynei.”

1 SYIEM 8:30

Shahshkor ïa ka jingkyrpad jong nga bad ki jingduwai jong ki briew jong me haba ki phai khmat sha kane ka jaka bad ki duwai. Na ka ïing jong me ha bneng to shahshkor ïa ngi bad to map ruh ïa ngi.

NEHEMAÏAH 9:31

Bad pynban, namar ka jingkhraw ka jingisynei jong me, mem shym iehnoh ne pynjot ïa ki. Me long U Blei ka jingaiei bad ka jingisynei!

SALM 130:4

Hynrei me map ei ïa ngi, khnang ba ngi dei ban tiengburom ïa me.

SALM 130:7

Ko Israel, to shaniah ha U Trai, namar ka jingieit jong u ka long kaba ïaineh, bad u long borabor uba mon ban pynim.

SALM 62:12

bad ba ka jingieit jong u ka long kaba neh. Ma me hi, A Trai, me ainong ha uwei pa uwei kat kum ki jingleh jong u.

SALM 86:15

Hynrei ma me, ko Trai, me long U Blei uba isynei bad uba ieit, uba ïaishah borabor, uba ïai lehsbun bad uba ïaineh.

SALM 86:5

Me long uba bha ïa ngi bad uba map ei, uba shlei da ka jingieit baneh ïa kito baroh kiba duwai sha me.

ISAÏAH 55:7

To ai ba ki bymman kin iehnoh ïa la ka rukom im bad ban kylla ïa ka rukom pyrkhat. To ai ba kin phai sha U Trai. U Blei jong ngi u long uba dap da ka jingisynei bad uba kloi ban map ei.

ISAÏAH 63:7

Ngan ïathuh ïa ka jingieit baïaineh jong U Trai; ngan ïaroh ïa u ïa baroh kaba u la leh na ka bynta jong ngi. U la kyrkhu kyrhai ïa ki paid Israel namar ka jingisynei bad ka jingieit baneh jong u.

JEREMAÏAH 14:7

Ki briew jong nga ki kyang jam sha nga, ‘Wat la ki pop jong ngi ki pynrem ïa ngi, to ïarap ïa ngi, A Trai, kumba me la kular. Ngi la phai dien noh na me bun bunsien; ngi la leh pop pyrshah ïa me.

ESEKIEL 20:13

Hynrei wat ha ka ri shyiap ki la ïaleh pyrshah ïa nga. Ki la pynkheiñ ïa ki aiñ jong nga bad ki la kyntait ïa ki hukum jong nga, kiba wallam jingim ïa uno uno uba kohnguh ïa ki. Ki la pyntngit khoit ïa ka Sabbaton. Nga la kloi ban shah ïa ki ban sngew ïa ka jingbitar jong nga hangta ha ka ri shyiap bad ban pynjot ïa ki.

DANIEL 9:5

“Ngi la leh pop, ngi la long kiba sniew, ngi la leh bakla. Ngi la kyntait ïa kaei kaba me la hukum ïa ngi ban leh bad ngi la phai noh na kaei kaba me la pyn-i ha ngi ba ka long kaba dei.

DANIEL 9:6

Ngim shym la shahshkor ïa ki nongïathuhlypa, ki shakri jong me, kiba la kren ha ka kyrteng jong me sha ki syiem jong ngi, ki nongsynshar jong ngi, ki kpa tymmen jong ngi, bad ka jaitbynriew jong ngi baroh kawei.

DANIEL 9:7

Ma me ko Trai, me leh borabor ïa kaba dei, hynrei borabor ngi la wallam ka jingjahburom ha lade hi. Kane ka long kaba shisha ïa baroh na ngi kiba shong basah ha Judia bad ha Jerusalem bad jong baroh ki khun Israel ïa kiba me la pynsakma ha ki ri kiba jan bad kiba jngai namar ki la long ki bymïaineh ha me.

DANIEL 9:8

Ki syiem jong ngi, ki nongsynshar jong ngi, bad ki kpa tymmen jong ngi ki la pynlehrain bad ki la leh pop pyrshah ïa me a Trai.

JONAH 4:2

Kumta u la duwai, “A Trai, hato ngam la ong shuwa ba ngan mih na ïing ba kane ka dei kaei kaba men leh? Dei na kata ka daw ba nga la pyrshang tyngeh ban phet noh sha Spain! Nga la tip ba me long U Blei ka jingieit bad ka jingisynei, uba ïaishah slem, uba sbun borabor, bad uba kloi borabor ban kylla ïa la ka jingmut ban ym pynshitom.