DANIEL 9:7 - Khasi CL Bible (BSI)

⁷ Ma me ko Trai, me leh borabor ïa kaba dei, hynrei borabor ngi la wallam ka jingjahburom ha lade hi. Kane ka long kaba shisha ïa baroh na ngi kiba shong basah ha Judia bad ha Jerusalem bad jong baroh ki khun Israel ïa kiba me la pynsakma ha ki ri kiba jan bad kiba jngai namar ki la long ki bymïaineh ha me.

KA BAIBL

⁷ A Trai, ka hok ka long ka jong me, hynrei, ïa ngi ka jinglehrain ka khmat, kumba ha kane ka sngi; ïa ki briew jong u Judah, bad ïa kiba shong ha Jerusalem, bad ïa ki Israel baroh, kiba jan bad kiba jngai, ha ki ri baroh sha kiba me la beh noh ïa ki, namar ka jingpalat jong ki kaba ki la palat ïa me.

DANIEL 9:7 ပူးပေါင်းရင်းမြစ်များ

ESRA 9:13

Wat hadien kiei kiei kiba la jia ïa ngi da ka jingpynshitom na ka bynta ki pop bad ki jingleh bymdei jong ngi, ngi tip ba ma me, U Blei jong ngi, mem shym la pynshitom than ïa ngi kumba ka dei ïa ngi bad me la shah ïa ngi ban ïoh im.

ESRA 9:15

A Trai U Blei ki Israel, me long uba hok, hynrei me la shah ïa ngi ban im. Ngi phla ïa ki pop jong ngi ha me; ngim don hok shuh ban wan ha ka jingdon ryngkat jong me.”

NEHEMAÏAH 9:33

Me leh ïa kaba dei ban pynshitom ïa ngi; Me long uba ïaineh, wat la ngi la leh pop.

SALM 119:137

Me long uba hok, A Trai, bad ki aiñ jong me ki long kiba hok.

SALM 44:15

Nga la don borabor hapdeng ka jingjahburom; la tap ïa nga da ka jinglehrain na kaba ïohsngew

SALM 51:14

To pynsah ïa ka jingim jong nga, A Blei, bad pyllait im ïa nga, bad ngan pynbna da kaba kmen ïa ka hok jong Me.

SALM 51:4

Nga la leh pop pyrshah ïa me — pyrshah tang ïa me hi — bad leh ïa kaei kaba me ñiew kaba bymman. Te me la leh kaba dei ha ka jingbishar jong me; me lehhok haba me pynrem ïa nga.

ISAÏAH 11:11

Haba kata ka sngi ka wan, U Trai sa shisien pat un pyndonkam ïa ka bor jong u bad un wallam pat sha ïing ïa kito kiba na ki briew jong u kiba la shah iehnoh ha Assyria bad Ijipt, ha ki ri jong ka Pathros, ka Sudan, ka Elam, ka Babilonia bad ka Hamath, bad ha ki rud duriaw bad halor ki dewlynnong jong ki duriaw.

ISAÏAH 45:16

Kito kiba shna bleithaw baroh kin shah lehrain; baroh na ki kin jahburom.

JEREMAÏAH 12:1

“A Trai, lada nga ïasaid ïa ka kam jong nga bad me, men pynshisha ba me long ha kaba dei. Pynban nga dei ban kylli ïa me shaphang ki bynta ka jingbishar hok. Balei ba ki rangbah basniew ki manbha katta katta? Balei ba ki rangbah bymhok ki jop?

JEREMAÏAH 23:6

Haba u long syiem, ki paid Judah kin shongshngain bad ki paid Israel kin im ha ka jingsuk. Yn khot ïa u, ‘U Trai ka jingpynim jong ngi.’

JEREMAÏAH 24:9

Ngan sa pynngat ha ki ka jinglanot ha kaba ki jaitbynriew ka pyrthei baroh kin da sngewshyrkhei, ki briew kin rkhiebeiñ ïa ki; kin ïakren kai ïa ki, kin ïakynshi ïa ki, bad kin pyndonkam ïa ka kyrteng jong ki kum ka jingtim kylleng kat shaba nga pynsakma ïa ki.

JEREMAÏAH 3:25

Ngi dei ban shah ha ka jinglehrain bad ai ba ka jingjahburom kan tap ïa ngi. Ma ngi bad ki kpa tymmen jong ngi, ngi la ïai leh pop pyrshah ïa U Trai U Blei jong ngi; ngim shym la kohnguh ïa ki hukum jong u.”

JEREMAÏAH 32:32

Nga la kut jingmut ban pynjot ïa ka namar baroh kaba sniew ba la leh da ki paid ka Judah bad ka Jerusalem, ryngkat bad ki syiem bad ki nongïalam jong ki, ki lyngdoh bad ki nongïathuhlypa jong ki.

JEREMAÏAH 33:16

Ïa ki briew ka Judah bad ka Jerusalem yn pyllait im bad kin im hapdeng ka jingshngain. Ïa ka nongbah yn khot ‘U Trai ka Jingpynim jong ngi.’

JEREMAÏAH 4:17

bad yn kerkut ïa ka Jerusalem kumba ki rangbah ki ap phira ïa ka lyngkha, namar ki briew jong ka ki la ïeng ïaleh pyrshah ïa U Trai. U Trai u la kren.

JEREMAÏAH 7:19

Hato nga long shisha ma nga uta uba ki pynmong? Em, ki ïa pynmong ïa lade hi bad ki wallam ka jinglehrain ha lade hi.

ESEKIEL 16:63

Ngan map ïa ki jingbakla baroh kiba pha la leh, hynrei phan kynmaw ïa ki bad sngewlehrain palat ban ang ïa la ka shyntur.” U Trai Nongsynshar u la kren.

ESEKIEL 36:31

Phin sa kynmaw ïa ki jingleh bymman jong phi bad ïa ki jingbakla ba phi la leh, bad phin sa isih ïa lade namar ki pop jong phi bad ki jingleh palat jong phi.

ESEKIEL 5:10

Kaba mih nangta kan long ba ki kmie ki kpa ha Jerusalem kin bam ïa la ki khun, bad ki khun pat kin bam ïa la ki kmie ki kpa. Ngan pynshitom ïa pha bad ngan pynsakma kylleng ïa kino kino kiba dang im.

ESEKIEL 6:12

Kito kiba sha jngai bah kin ïohpang bad ïap noh; kito kiba hajan kin ïap ha ka thma; kito kiba lait im kin ïapthngan. Kin sngew ïa ka jingbitar jong nga kaba nga la pynmih lut.

DANIEL 9:14

Ma me, A Trai U Blei jong ngi, me la pynkhreh ban pynshitom ïa ngi, bad me la leh kumta, namar borabor me ju ïai leh ïa kaei kaba dei, bad ngim shym la pynshahshkor ïa me.

DANIEL 9:18

To shahshkor ïa ngi, A Blei; to khmih sha ngi, bad peit ïa ka jingjynjar kaba ngi don bad ïa ka jingshah shitom jong ka nongbah kaba kit ïa ka kyrteng jong me. Ngi duwai ha me namar ba me long uba dap da ka jingisynei, ym namar ba ngi la leh ïa kaba dei.

DANIEL 9:8

Ki syiem jong ngi, ki nongsynshar jong ngi, bad ki kpa tymmen jong ngi ki la pynlehrain bad ki la leh pop pyrshah ïa me a Trai.

AMOS 9:9

“Ngan ai ka hukum, bad ngan kyrsih ïa ki paid Israel kum ïa u kew. Ngan kyrsih ïa ki hapdeng ki jaitbynriew ban weng ïa kita baroh ki bymdondor.

Ka Shithi U Paul Sha Ki Nong Rom 6:21

Kaei kaba phi la ïoh jingmyntoi na kaba leh ïa kiei kiei kiba phi la sngewlehrain mynta? Ka jingmih jong kita kiei kiei ka long ka jingïap!

DEUTERONOMI 32:4

“U Trai u long u nongïada bakhlaiñbor jong phi, ki lynti jong u ki long kiba janai, bad bahok; U Blei jong phi u long uba ïaineh bad uba shisha; u leh ïa kaba hok bad kaba beit.

DEUTERONOMI 4:27

U Trai un pynsakma ïa phi hapdeng kiwei pat ki jaitbynriew, bad hangta tang khyndiat eh na phi phin lait im.