DANIEL 9:6 - Khasi CL Bible (BSI)

⁶ Ngim shym la shahshkor ïa ki nongïathuhlypa, ki shakri jong me, kiba la kren ha ka kyrteng jong me sha ki syiem jong ngi, ki nongsynshar jong ngi, ki kpa tymmen jong ngi, bad ka jaitbynriew jong ngi baroh kawei.

KA BAIBL

⁶ lymne ngim shym la shahshkor ha ki shakri jong me ki nongïathuhlypa, kiba la kren ha ka kyrteng jong me ha ki syiem jong ngi, ha ki rangbah jong ngi, bad ha ki kpa jong ngi, bad ha ki briew baroh jong kata ka ri.

DANIEL 9:6 ပူးပေါင်းရင်းမြစ်များ

2 SYIEM 18:12

Ka Samaria ka kyllon noh namar ki Israel kim shym kohnguh ïa U Trai U Blei jong ki, hynrei ki pynkheiñ ïa ka jutang kaba u la pynlong bad ki bad kim kohnguh ïa baroh ki aiñ ba la ai da u Moses, u shakri jong U Trai. Kim shahshkor bad kim kohnguh.

2 KHRONIKL 33:10

Wat la U Trai u la maham ïa u Manasseh bad ïa ki briew jong u, ki kyntait ban shahshkor.

ESRA 9:7

Naduh ki sngi jong ki kpa tymmen jong ngi haduh mynta, ma ngi, ki briew jong me, ngi la leh pop palat. Namar ki pop jong ngi, ma ngi, ki syiem jong ngi, bad ki lyngdoh jong ngi, ngi la hap noh ha ki kti jong ki syiem nongwei, bad ïa ngi la pynïap, la lute bad la ïalam noh kum ki koidi. Ngi la long baroh kiba shah lehrain, kumba ngi long ruh mynta ka sngi.

NEHEMAÏAH 9:30

Na kawei ka snem sha kawei pat, ha ka jingïaishah me la maham ïa ki. Me pyrsad mynsiem ïa ki nongïathuhlypa jong me ban kren, hynrei ki briew jong me ki long kyllut, kumta me shah ïa kiwei pat ki jaitbynriew ban jop ïa ki.

NEHEMAÏAH 9:32

“A Blei, U Blei jong ngi, katno me long uba khraw! Katno me long uba shyrkhei bad uba donbor! Me batskhem ïa ki kular ka jingïateh jutang. Naduh ka por ba ki syiem Assyria ki banbeiñ ïa ngi, wat haduh kane ka por, haduh katno ngi shahshitom! Ki syiem jong ngi, ki nongïalam jong ngi, ki lyngdoh jong ngi bad ki nongïathuhlypa, ki kpa tymmen jong ngi, bad baroh ki briew jong ngi ki shitom. To kynmaw haduh katno ngi la shahshitom!

NEHEMAÏAH 9:34

Ki kpa tymmen jong ngi, ki syiem jong ngi, ki nongïalam jong ngi bad ki lyngdoh Kim shym la sumar ïa ka Hukum jong me. Kim shym la sngap ïa ki hukum bad ki jingmaham jong me.

JEREMAÏAH 26:5

bad da kaba pynshahshkor ïa ki kyntien jong ki nongïathuhlypa, ki shakri jong nga, kiba nga la ju ïai phah sha phi. Phim pat ju kohnguh ïa kaei kaba ki la ong.

JEREMAÏAH 29:19

Kane kan jia ha ki namar kim shym la kohnguh ïa ka khubor kaba nga ju ïai phah sha ki lyngba ki nongïathuhlypa, ki shakri jong nga. Ki la kyntait ban shahshkor.

JEREMAÏAH 44:16

“Ngi kyntait ban shahshkor ïa kaei kaba phi la ïathuh ha ka kyrteng jong U Trai.

JEREMAÏAH 7:13

Phi la leh ïa kine ki pop baroh, bad wat la nga la kren ïa phi bad ïai kren, phi la kyntait ban shahshkor. Phin ym jubab haba nga la khot ïa phi.

JEREMAÏAH 7:24

Hynrei kim shym kohnguh lane pynshahshkor ei ei. Pynban, ki la leh ïa kaei kaei kaba ka dohnud ba-mutlop bad basniew jong ki ka ong ïa ki ban leh, bad ki la nang kham sniew ha ka jaka ban kham bha.

DANIEL 9:10

Ngim shym la shahshkor ïa me, A Trai U Blei jong ngi, mynba me la ong ïa ngi ban im kat kum ki aiñ kiba me la ai ha ngi lyngba ki nongïathuhlypa ki shakri jong me.

DANIEL 9:9

Me long uba dap da ka jingisynei bad uba map, wat la ngi la ïeng ïaleh pyrshah ïa me.

MATHAÏOS 23:37

“A Jerusalem, Jerusalem! Pha pynïap ïa ki nongïathuhlypa bad lynthem maw ïa ki nonglamktien kiba U Blei u la phah ha pha! Katno sien nga la kwah ban kdup ha ki ksang'ti jong nga ïa ki briew jong pha baroh, kumba ka syiar ka lumlang ïa la ki khun hapoh ki thapniang jong ka, hynrei pham shym la shah ïa nga.

KI KAM 13:27

Naba ki briew kiba shong ha Jerusalem bad ki nongsynshar jong ki kim tip ba u long U Nongpynim, lymne ba ki la shemphang ïa ki kyntien jong ki nongïathuhlypa ïa kiba la pule man ka sngi Sabbaton. Pynban ki la pynlong ïa ki kyntien jong ki nongïathuhlypa ban urlong shisha da kaba pynrem ïa U Jisu.