DANIEL 9:5 - Khasi CL Bible (BSI)

⁵ “Ngi la leh pop, ngi la long kiba sniew, ngi la leh bakla. Ngi la kyntait ïa kaei kaba me la hukum ïa ngi ban leh bad ngi la phai noh na kaei kaba me la pyn-i ha ngi ba ka long kaba dei.

KA BAIBL

⁵ ngi la leh pop, bad ngi la leh mutlop, bad ngi la leh bymman, bad ngi la ïaleh pyrshah, da kaba phai noh na ki hukum jong me bad na ki jingbishar jong me:

DANIEL 9:5 ပူးပေါင်းရင်းမြစ်များ

2 SYIEM 18:12

Ka Samaria ka kyllon noh namar ki Israel kim shym kohnguh ïa U Trai U Blei jong ki, hynrei ki pynkheiñ ïa ka jutang kaba u la pynlong bad ki bad kim kohnguh ïa baroh ki aiñ ba la ai da u Moses, u shakri jong U Trai. Kim shahshkor bad kim kohnguh.

2 SYIEM 21:15

Ngan leh ïa kane ha ki briew jong nga, namar ki la leh pop pyrshah ïa nga bad pynkhih bitar ïa nga naduh ka por ki kpa tymmen jong ki, ki la mihnoh na Ijipt haduh kane ka sngi.”

ESRA 9:6

Nga ong, “A Blei, nga sngewlehrain haduh katta katta ban rah ïa la ka khlieh ha ka jingdon jong me. Ki pop jong ngi ki la kynton palat ïa ki khlieh jong ngi; ki la poi shaduh sha bneng.

SALM 106:6

Ngi la leh pop kumba ki kpa tymmen jong ngi ki la leh; ngi la long bymman bad sniew.

SALM 119:102

Ngam shym la leh lyndet ïa ki jingbthah jong me, namar ma me hi me long u nonghikai jong nga.

SALM 119:176

Nga ïaid sakma kum ka langbrot kaba la jah noh, kumta to wan bad wad ïa nga, u shakri jong me, namar ngam shym leh klet ïa ki aiñ jong me.

SALM 18:21

Nga la kohnguh ïa ka hukum jong U Trai; ngam shym la phai noh na U Blei jong nga.

ISAÏAH 53:6

Ngi baroh ngi la long kum ki langbrot ba la sakma, uwei pa uwei na ngi u leit ha la ka jong ka lynti. Hynrei U Trai u la pynlong ba ka jingpynshitom kan hap halor jong u, ka jingpynshitom kaba baroh ngi dei hok ban ïoh.

ISAÏAH 59:13

Ngi la ïeng ïaleh pyrshah ïa me, kyntait ïa me, bad ngim treh ban bud ïa me. Ngi la banbeiñ ïa kiwei bad phai lyndet na me. Ki jingmut jong ngi ki long kiba bakla; ki ktien jong ngi ki long kiba lamler.

ISAÏAH 64:4

Ym pat ju don ba ïohi lane ïohsngew ïa U Blei uba kum ma me, uba leh ïa kiba kum kita ki kam na ka bynta kito kiba ap kyrmen ha u.

JEREMAÏAH 14:20

Ngi la leh pop pyrshah ïa me, A Trai; ngi phla ïa la ki pop bad ïa ki pop jong ki kpa tymmen jong ngi.

JEREMAÏAH 14:7

Ki briew jong nga ki kyang jam sha nga, ‘Wat la ki pop jong ngi ki pynrem ïa ngi, to ïarap ïa ngi, A Trai, kumba me la kular. Ngi la phai dien noh na me bun bunsien; ngi la leh pop pyrshah ïa me.

JEREMAÏAH 3:25

Ngi dei ban shah ha ka jinglehrain bad ai ba ka jingjahburom kan tap ïa ngi. Ma ngi bad ki kpa tymmen jong ngi, ngi la ïai leh pop pyrshah ïa U Trai U Blei jong ngi; ngim shym la kohnguh ïa ki hukum jong u.”

JEREMAÏAH 30:14

Baroh ki nongleh-ieit jong phi ki la klet noh ïa phi; kim salia shuh ïa phi. Nga la tur ïaleh ïa phi kum u nongshun; ka jingshah pynshitom jong phi ka la long kaba eh namar ki pop jong phi ki long kiba bun bad ka jingbymman jong phi ka long kaba khraw.

SNGEWSYNEI 1:18

“Hynrei U Trai u long uba hok, namar ngam shym la kohnguh ïa u. To shahshkor ïa nga, ko ki briew hangno hangno; to khmih ïa nga ha ka jingpang jong nga. Ki samla shynrang bad kynthei jong nga ki la shah ringmraw noh.

SNGEWSYNEI 1:20

“Ha khmih, A Trai, ha ka jingkordit jong nga, ha ka jingjynjar sat ka mynsiem jong nga! Ka dohnud jong nga ka pait ha ka jingsngewsih na ka bynta ki pop jong nga. Ka don ka jingpynïap ha ki lynti bah; wat hapoh ïing ka don ka jingïap.

SNGEWSYNEI 3:42

“Ngi la leh pop bad ïeng ïaleh pyrshah, bad ma me A Trai, mem pat shym map ïa ngi.

ESEKIEL 5:6

Hynrei ka Jerusalem ka la ïaleh pyrshah ïa ki hukum jong nga, ka da pynpaw ba ka long kaba kham sniew ban ïa kiwei pat ki ri, ka la long bymkohnguh kham palat ïa ki ri kiba don sawdong jong ka. Ka Jerusalem ka la kyntait ïa ki hukum jong nga bad kam kohnguh satia ïa ki aiñ jong nga.

ESEKIEL 6:9

Hangta kin sa kynmaw ïa nga bad tip ba nga la pynshitom ïa ki bad pynlehrain ïa ki, namar ki dohnud bymngeit jong ki, ki la kylla dien na nga bad ki la jied ïa ki bleithaw ban ïa nga. Bad kin sa isih hi ïa lade namar ki kam ba-bymman bad bajahburom ba ki la leh.

DANIEL 9:11

Ki Israel baroh ki la pynkheiñ ïa ki aiñ jong me bad ki kyntait ban shahshkor ïa kaei kaba me la ong. Ngi la leh pop pyrshah ïa me, bad kumta me la wallam ha ngi ïa ki jingtim kiba la thoh ha Ka Aiñ u Moses, u shakri jong me.

DANIEL 9:15

“A Trai U Blei jong ngi, me la pyn-i ïa ka bor jong me da kaba wallam noh ïa ki briew jong me na ri Ijipt, bad ïa ka bor jong me la ïai kynmaw. Ngi la leh pop; ngi la leh bakla.

DANIEL 9:9

Me long uba dap da ka jingisynei bad uba map, wat la ngi la ïeng ïaleh pyrshah ïa me.

HOSIA 1:2

Haba U Trai u la kren nyngkong eh ïa ki Israel lyngba u Hosia, U la ong ïa u Hosia, “Khie leit bad shongkurim, ka tnga jong me kan long ka bymïaineh, bad ki khun jong me kin long kum ma ka hi. Ha kajuh ka rukom, ki briew jong nga ki la ieh ïa nga bad ki la long ki bymïaineh.”

MALAKHI 3:7

Ma phi, kum ki kpa tymmen jong phi ha shuwa jong phi, phi la phai noh na ki aiñ jong nga bad phim shym la sumar ïa ki. To phai pat sha nga, bad ngan phai sha phi. Hynrei phi kylli, ‘Kaei ba ngi dei ban leh ban phai pat sha me?’

HEBRU 3:12

Ko parabangeit jong nga, to sumar ïoh ba uno uno na phi u don ka dohnud kaba sniew eh bad bymngeit kat haduh ba un da phai dien noh na U Blei uba im.