DANIEL 9:27 - Khasi CL Bible (BSI)

²⁷ Uta u nongsynshar un don ka jingïateh kular kaba skhem bad kiba bun ki briew haduh hynñiew snem, bad haba shiteng na kane ka por ka la leit, un pynkut ïa ki jingkñia bad ki jingainguh. Ïa ka Jingshyrkhei Ba-ijli yn buh ha ka jaka bajrong tam jong ka Templ bad kan sah hangta tad haduh ba uta uba buh ïa ka hangta u ïashem ïa kaba kut kaba U Blei u la lah pynkhreh na ka bynta jong u.”

KA BAIBL

²⁷ Bad shi taïew un pynlong ïa ka jutang baskhem bad kiba bun: bad hamar kaba shiteng jong kata ka taïew, un pynduh noh ïa kata ka jingkñia bad ïa kata ka jingainguh bam; bad halor ka thapniang jong ki jingijli, un wan uwei uba pynjot; te wat haduh ka bakut, bad ïa kata ruh ba la thmu, yn theh noh ïa ka jingbitar halor uta u nongpynjot.”

DANIEL 9:27 ပူးပေါင်းရင်းမြစ်များ

ISAÏAH 28:15

Phi sarong ba phi la pynlong ïa ka jingïateh bad ka jingïap bad poi sha ka jingïakut bad ka pyrthei kiba ïap. Phi sngewthikna ba phin lait na ka jingjot haba kan wan, namar phi shaniah ha ki jinglamler bad ki jingshukor ban pyllait ïa phi.

ISAÏAH 28:22

Wat rkhiebeiñ ïa ka jingmaham ba nga ai ïa phi! Lada phi leh kumta, kan long kaba kham eh ïa phi ban lait im. Nga la ïohsngew ïa ka jingrai jong U Trai Badonbor Baroh ban pynjot ïa ka ri baroh kawei.

ISAÏAH 42:6

“Nga, U Trai, nga la khot bad ai bor ïa phi, ban khmih ba ka jingbishar hok la pyndep ha pyrthei. Lyngba jong phi ngan pynlong ïa ka jutang bad ki briew baroh; lyngba jong phi ngan wanrah ka jingshai sha ki jaitbynriew.

ISAÏAH 53:11

Hadien ka jingim ba la shahshitom, un ïoh pat ïa ka jingkmen; un tip ba um shym la shahshitom lehnoh-ei. U shakri ba la aiti lut jong nga, ha uba nga sngewbha, un shah ïa ka jingpynshitom jong kiba bun bad na ka bynta jong u ngan map ïa ki.

ISAÏAH 55:3

“To shahshkor mynta, ko ki briew jong nga, bad to wan sha nga; to wan sha nga, bad phin ïoh jingim! Ngan pynlong ka jutang baneh bad phi bad ngan ai ha phi ïa ki jingkyrkhu kiba nga la kular ha u Dabid.

JEREMAÏAH 7:30

“Ki briew ka Judah ki la leh ïa kaba sniew. Ki la buh ïa ki bleithaw jong ki, kiba nga ijli, hapoh ka Templ jong nga bad ki la pyntngit ïa ka.

DANIEL 11:31

Katto katne na ki shipai jong u kin pyntngit ïa ka Templ. Kin pynsangeh ïa ki jingkñia ba man ka sngi bad kin pynïeng ïa ka Jingshyrkhei Ba-ijli.

DANIEL 11:36

“U syiem ka Syria un leh kat kaba u sngewbha. Un kob ba u long kham khraw ban ïa uno uno u blei, kham halor wat ïa U Blei Bahakhlieh Tam Eh. Un lah ban leh ïa kane tad haduh ha ka por haba U Blei un pynshitom ïa u. U Blei un leh thik ïa kaei kaba u la thmu.

DANIEL 12:11

“Naduh ka por ba ki jingkñia ba man ka sngi ki sangeh, kata, naduh ka por jong ka Jingshyrkhei Ba-ijli, shihajar arspah khyndaiphew tylli ki sngi kin ïaid.

DANIEL 7:25

Un kren pyrshah ïa U Blei Bahakhlieh Tam Eh bad banbeiñ ïa ki briew jong U Blei. Un pyrshang ban pynkylla ïa ki aiñ niam bad ïa ki Jingkhawai Niam jong ki, bad ki briew jong U Blei kin long hapoh ka bor jong u haduh lai snem shiteng.

DANIEL 8:13

Nangta nga la ïohsngew ïa uwei u angel uba kylli ïa uwei pat, “Haduh katno kine kiei kiei kiba la ïohi ha ka jingïohipaw kin ïailong? Haduh katno ka pop ba-ijli kan bujli ïa ki jingkñia ba man ka sngi? Haduh katno ïa ka kynhun shipai ba kynja bneng bad ïa ka Templ yn kyrdem?”

HOSIA 3:4

Ha kane kajuh ka rukom ki briew ka Israel kin hap ban ap slem khlem ki syiem ne ki nongïalam, khlem jingkñia lane rishot mawkyntang, khlem bleithaw lane dur ban pyndonkam ha kaba khan blei.

MATHAÏOS 24:15

“Phin ïohi ïa ‘Ka Jingijli Bashyrkhei’ ïa kaba u Daniel u nongïathuh lypa u la kren. Kan ïeng ha ka jaka bakhuid.” (Ka jingkynthoh ïa u nongpule: Da pynthikna ban shemphang aïu kane ka kit jingmut!)

MATHAÏOS 26:28

“kane ka long ka snam jong nga, kaba pynskhem ïa ka jutang jong U Blei, ka snam jong nga ïa kaba la theh noh na ka bynta kiba bun ïa ka ban map ïa ki pop.

MATHAÏOS 27:51

Nangta ïa ka pyrda kaba la wah hapoh ka Templ la kad arliang naduh khlieh haduh tbian. Ka khyndew ka la khynñiuh, ki mawsiang ki pra la ka jong ka jong,

MARKOS 13:14

“Phin sa ïohi ïa ka ‘Jingijli Bashyrkhei’ kaba ïeng ha ka jaka kaba kam dei ban don.” (Ka jingpynkynmaw ïa uba pule: da pynthikna ban sngewthuh ka mut aïu kane!) “Te kito kiba don ha Judia ki dei ban phet sha ki lum.

LOUKAS 21:20

“Haba phi ïohi ba la kerkut ïa ka Jerusalem da ki kynhun shipai, te phin tip ba shen yn sa pynjot noh ïa ka.

LOUKAS 21:24

Katto katne ngut kin shah pynïap da ka waitlam, bad kiwei pat kin shah rah kum ki koidi sha ki ri baroh; bad ki bymngeit blei kin ïuh ïa ka Jerusalem tad ynda ka por jong ki ka la kut.

Ka Shithi U Paul Sha Ki Nong Rom 11:26

Bad kane ka long kumno ba ïa baroh ki Israel yn pynim. Kumba ka Jingthoh Bakhuid ka ong, “U Nongpynim un wan na Seïon bad un weng noh ïa baroh ka jingbymman na ki khun ki ksiew u Jakob.

Ka Shithi U Paul Sha Ki Nong Rom 5:15

Hynrei kine ar kim long kumjuh, namar ka jingai sngewbha jong U Blei kam long kum ka pop u Adam. Ka long kaba shisha ba bun ki briew ki la ïap namar ka pop jong uta uwei u briew. Hynrei ka jingaiei U Blei ka long kham khraw, bad kumta ruh ka jingai sngewbha ïa kiba bun ki briew lyngba ka jingaiei jong uta uwei u briew, U Jisu Khrist.

Ka Shithi U Paul Sha Ki Nong Rom 5:19

Bad kumba ïa baroh ki briew la pynlong ki nongpop na ka daw jong ka jingbymkohnguh jong uwei u briew, ha kajuh ka rukom yn pynïasuk ïa ki baroh bad U Blei na ka daw jong ka jingkohnguh jong uwei u briew.

HEBRU 9:28

Ha kajuh ka rukom, U Khrist ruh u la kñia ainguh tang shisien ban bah noh ïa ki pop jong kiba bun. Un sa paw ha ka sien kaba ar, ym ban weng noh ïa ka pop, hynrei ban pynim ïa kita kiba ap khmih lynti ïa u.