DANIEL 9:24 - Khasi CL Bible (BSI)

²⁴ “Hynñiew sien ki hynñiewphew snem ki long ka jingjlan jong ka por ba U Blei u la buh na ka bynta ban pyllait im ïa ki briew jong me bad ïa ka nongbah bakhuid jong me na ka pop bad ka jingsniew. Ïa ka pop yn map bad yn seng ïa ka jingbishar hok bymjukut, khnang ba ka jingïohipaw bad ka jingïathuhlypa kin wan urlong shisha, bad ïa ka Templ bakhuid yn pynkyntang biang.

KA BAIBL

²⁴ “Hynñiewphew taïew la pynkut halor ki briew jong me bad halor kata ka nongbah bakhuid jong me, ïa ka ban pyndep ïa ka jingpalat, bad ban pynwai noh ïa ki pop, bad ban pynlong ka jingpynïasuk na ka bynta ka jingbymhok, bad ban wallam noh ïa ka hok bymjukut, bad ïa ka ban pyndait laha ïa ka jingithuhpaw bad ïa ka jingïathuhlypa, bad ban pynsleh ïa U Bakhuid Tam Eh.

DANIEL 9:24 ပူးပေါင်းရင်းမြစ်များ

2 KHRONIKL 29:24

Nangta ki lyngdoh ki la pynïap ïa ki blang, bad theh ïa ka snam jong ki halor ka duwan kum ka jingkñia ban weng noh ïa ka pop jong ki briew baroh. Namar u syiem u la hukum ban pynlong ki jingkñia ainguh thang bad ki jingkñia sait pop na ka bynta ki Israel baroh.

SALM 2:6

“Ha Seïon, u lum bakyntang jong nga,” u ong, “nga la thung ïa u syiem jong nga.”

SALM 45:7

Me ieit ïa kata kaba dei bad me isih ïa kata kaba sniew. Dei na kata ka daw ba U Blei, U Blei jong me, u la jied ïa me bad u la theh ha me ïa ka jingkmen palat ban ïa uno uno uwei pat u syiem.

ISAÏAH 42:4

Un ym duh jingkyrmen ne jingshlur; un pynlong ka jingbishar hok ha ka pyrthei. Ki ri bajngai ki ap kmang ïa ka jinghikai jong u.”

ISAÏAH 51:6

Khmih sha ki bneng; peit ha ka pyrthei! Ki bneng kin jah noh kum ka tdem; ka pyrthei kan jot noh kum ki jaiñ ba la rim, bad ki briew jong ka baroh kin ïap kum ki skain. Hynrei ka jingpyllait kaba nga wallam kan neh junom; ka jingjop jong nga kan long kaba kut.

ISAÏAH 51:8

kin jah noh kum ki jaiñ ba la bam khñiang! Hynrei ka jingpyllait kaba ngan wallam kan neh junom; ka jingjop jong nga kan neh ha ki por baroh.”

ISAÏAH 56:1

U Trai u ong ha ki briew jong u, “Leh ïa kaei kaba hok bad kaba dei, naba shen ngan pynim ïa phi.

ISAÏAH 61:1

U Trai Nongsynshar u la pyndap ïa nga da U Mynsiem jong u. U la jied ïa nga bad phah ïa nga ban wallam ïa ka khubor babha sha kiba duk, ban pynkhiah ïa kiba la pait dohnud, ban pynbna ka jingpyllait ïa ki mraw bad ka jinglaitluid ïa kito kiba ha ka byndi.

SNGEWSYNEI 4:22

Ka Seïon ka la siew na ka bynta ka pop jong ka; U Trai un ym buh shuh ïa ngi ha ka jingshah ringmraw. Hynrei ko Edom, U Trai un pynshitom ïa pha; un pynpaw ïa ki kam bymman jong pha.

ESEKIEL 28:12

“Ko khun u briew,” u la ong, “to sngewsih ïa ka kupar kaba ap ïa u syiem ka Tyros. Ïathuh ha u ïa kaei kaba ma nga, U Trai Nongsynshar nga ong: Shisien me la long u nuksa jong ka jingjanai. Katno uba stad bad uba bhabriew me la long!

ESEKIEL 4:6

Haba me la dep ïa kata, phai pyrshing pat sha ka krung kamon jong me bad shahshitom sawphew sngi namar ki kam bymman ka ïing Judah — kawei ka sngi namar kawei kawei ka snem jong ka jingshah pynshitom jong ki.

LEBITIKOS 25:8

Kheiñ hynñiew sien ki hynñiew snem, kata baroh kan long sawphew khyndai snem.

LEBITIKOS 8:15

U Moses u pynïap ïa u, u shim khyndiat ka snam, bad u pyndei ïa ka da la ka shynriah'ti ha ki reng kiba don ha ki dong jong ka duwan, khnang ban pynkyntang ïa ka. Nangta u theh ïa ka snam kaba sah baroh ha trai ka duwan. Ha kane ka rukom u pynkyntang ïa ka bad u pynkhuid ïa ka.

SEKHARAÏAH 4:14

Nangta u la ong, “Kine ki long ki ar ngut ki rangbah kiba U Blei u la jied bad pynsleh ba kin shakri ïa u, U Trai jong ka pyrthei baroh kawei.”

JINGKHEIÑ 14:34

Phin shah jynjar sawphew snem namar ka pop jong phi, kawei kawei ka snem na ka bynta kawei pa kawei ka sngi na kita ki sawphew sngi ba phi la pynlut ha kaba swar ïa ka ri. Te phin sa sngewthuh ka long kumno haba nga ïeng pyrshah ïa phi!

MATHAÏOS 1:21

Kan kha i khun shynrang, bad men khot kyrteng ïa u, U Jisu — namar un pyllait im ïa ki briew jong u na ki pop jong ki.”

MATHAÏOS 11:13

Haduh ka por jong u Ïoannis baroh ki nongïathuhlypa bad ka Hukum u Moses ki la kren shaphang ka Hima;

MATHAÏOS 4:5

Nangta u Soitan u la ïalam ïa U Jisu sha Jerusalem, ka Nongbah Bakhuid, bad u la buh ïa U ha ka kliar kaba jrong tam jong ka Templ,

MARKOS 1:24

“Kaei kaba me kwah na ngi, ko Jisu na Nasareth? Hato me la wan hangne ban pynjot ïa ngi? Nga tip me long uei — me long u nonglamktien bakhuid jong U Blei!”

LOUKAS 1:35

U angel u la jubab, “U Mynsiem Bakhuid un sa wan ha pha, bad ka bor jong U Blei kan shong halor jong pha. Na kane ka daw, ïa i khunlung bakhuid yn khot U Khun U Blei.

LOUKAS 21:22

Naba kito kin long ‘Ki Sngi ka Jingpynshitom,’ ban pynlong ïa baroh kaba ki Jingthoh Bakhuid ki ong ban urlong shisha.

ÏOANNIS 1:41

Mar kumta u la shem ïa u Simon, u para jong u bad u la ong ha u, “Ngi la shem ïa u Messaïah.” (Kane ka kyntien ka mut “U Khrist”.)

ÏOANNIS 3:34

Uta ïa uba U Blei u la phah, u kren ïa ki ktien jong U Blei, namar ba U Blei u ai ha u ïa ka jingdap jong U Mynsiem jong u.

KI KAM 3:14

U la long uba khuid bad uba bha, hynrei phi la kyntait ïa u, bad pynban phi la kyrpad ïa u Pilat ban leh na ka bynta jong phi ban pyllait ïa u nongpynïap briew.

KI KAM 3:22

Naba U Moses u la ong, ‘U Trai uba U Blei jong phi un phah ha phi ïa u nongïathuhlypa, kumba u la phah ïa nga, bad un long uwei na ki briew jong phi hi. Phi dei ban kohnguh ïa kaei kaei baroh kaba u ong ïa phi ban leh.

KI KAM 4:26

Ki syiem jong ka pyrthei ki la pynkhreh ïa lade, bad ki nongsynshar ki la ïakynduh lang pyrshah ïa U Trai bad ïa U Messaïah jong u.’

Ka Shithi U Paul Sha Ki Nong Rom 5:10

Ngi la long ki nongshun jong U Blei, hynrei u la pynlong ïa ngi ki paralok jong u lyngba ka jingïap U Khun jong u. Mynta ba ngi long ki paralok jong U Blei, katno tam ba yn pynim ïa ngi da ka jingim U Khrist!

1 KORINTH 1:30

Hynrei U Blei u la wallam ïa phi ha U Khrist Jisu, bad U Blei u la pynlong ïa U Khrist ban long ka jingstad jong ngi. Da u, la pynïasuk ïa ngi bad U Blei; ngi long ki briew bakhuid jong U Blei bad la pyllaitluid ïa ngi.

PHILIPPI 3:9

Na ka bynta jong u, nga la bret noh ïa kiei kiei baroh; nga ñiew ïa ka baroh tang kum ka synrum, khnang ba ngan ïoh ïa U Khrist, bad ba yn pynïasoh pura bad u. Ngam long shuh uba don ka hok ka jong nga hi, ka bynta kaba nga ïoh da kaba kohnguh ïa ka hukum. Nga mynta, nga ïoh ïa ka hok kaba la ai da ka jingngeit ha U Khrist, ka hok kaba wan na U Blei bad kaba pynshong nongrim ha ka jingngeit.

KOLOSSAI 1:20

Da U Khun, te, U Blei u la kut jingmut ban wallam pat ïa ka jingpynlong baroh kawei sha lade hi. U Blei u la pynïasuk da ka jingïap U Khun jong u kum ka jingkñia halor ka diengphna bad kumta u la wallam pat sha lade hi ïa kiei kiei baroh, kiba ha ka pyrthei bad kiba ha bneng.

KOLOSSAI 2:14

U Blei u la map ïa ngi ïa ki pop jong ngi baroh; u la pyndam noh ïa ka jingbuh jingthoh ka bymsngewtynnat ïa ki ram jong ngi lem bad ki kyndon jong ka kiba teh bad weng noh syndon ïa ka da kaba sah preg ïa ka ha ka diengphna.

HEBRU 10:14

Te da kawei ka jingkñia, u la pynjanai ha la ka rta ïa kito kiba la pynkhuid na ka pop.

HEBRU 2:17

Kane ka mut, ba u dei ban long uba syriem kum ki para jong u ha kiei kiei baroh, ba un ïoh long u rangbah lyngdoh uba lah ban shaniah bad uba sngewsynei ha ka jingshakri ïa U Blei, kumta ba yn ïohmap noh ïa ki pop ki briew.

HEBRU 7:26

U Jisu, te, u long U Rangbah Lyngdoh uba pynbiang ïa ki jingdonkam jong ngi. U long uba khuid; um shym don kano kano kaba bakla lane ka pop ha u; la pynkyrpang ïa u na ki nongpop bad la kyntiew ïa u sha ki bneng.

HEBRU 9:26

Lymda kumta ka la dei ïa u ban shah bunsien naduh myn dang long ka pyrthei. Pynban, mynta haba ka por baroh ka la jan poi sha kaba kut, u la paw tang shisien hi, ban pyndam noh ïa ka pop da kaba kñia ïa lade.

2 PETROS 1:1

Na u Simon Petros, u shakri bad u Apostol jong U Jisu Khrist — Sha kito ha kiba da ka hok jong U Blei jong ngi bad U Jisu Khrist U Nongpynim la ai ïa ka jingngeit kaba kordor kum ka jong ngi:

1 ÏOANNIS 3:8

Uno uno uba ïai leh ïa ka pop, u long jong u Soitan, namar u Soitan u la leh pop naduh kaba mynnyngkong eh. U Khun U Blei u la paw na ka bynta kane hi ka daw, ban pynjot noh ïa kaei kaba la leh da u Soitan.

JINGPYNPAW 14:6

Nangta nga la ïohi ïa uwei pat u angel uba her shajrong eh ha suiñ, lem bad ka khubor bymjukut jong ka Khubor Babha ban pynbna ha ki briew ka pyrthei, ha kawei pa kawei ka jaitbynriew, ka jait, ka ktien bad ka kynja bynriew.

JINGPYNPAW 3:7

“Thoh ha u angel jong ka balang ha Philadelphia: “Kane ka long ka khubor na uta uba khuid bad uba shisha. U don u shabi jong u Dabid, bad haba u plie ïa ka jingkhang, ym don uba lah ban khang ïa ka, bad haba u khang ïa ka, yn ym don uba lah ban plie ïa ka.