DANIEL 9:21 - Khasi CL Bible (BSI)

²¹ Mynba nga dang duwai, u Gabriel, uba nga la lah ïohi ha ka jingïohipaw mynshuwa, u la wan her sha tbian sha ka jaka ha kaba nga don. Ka la long ha ka por ban ai ïa ka jingkñia janmiet.

KA BAIBL

²¹ shisha keiñ, katba nga la dang kren ha ka jingduwai, uta u rangbah u Gabriel, ïa uba nga la ïohi ha kata ka jingithuhpaw ha kaba nyngkong, ïa uba la pynher stet, u la ktah ïa nga hamar ka por kata ka jingainguh janmiet.

DANIEL 9:21 ပူးပေါင်းရင်းမြစ်များ

1 SYIEM 18:29

Ki la ïai duwai lynñiar bad kumba lamwir haduh palat shiteng sngi; hynrei ym shym don jingjubab, ne ïohsngew ïa kano kano ka sur.

1 SYIEM 18:36

Ha ka kynta jong ka jingainguh ha ka por nohphai sngi, u Elijah nongïathuhlypa u wan sha ka duwan bad u duwai, “Ko Trai, U Blei u Abraham, u Isaak bad u Jakob, pynshisha mynta ba me long U Blei ki Israel bad ba nga long u shakri jong me bad ba nga la leh ïa kane baroh kat kum ka hukum jong me.

SALM 103:20

Ïaroh ïa U Trai, ma phi ki angel bakhlaiñ bad badonbor, kiba kohnguh ïa ki hukum jong u, kiba shahshkor ïa kaei kaba u ong.

SALM 104:4

Me pyndonkam ïa ki lyer kum ki nonglamktien jong me bad ki jingthaba leilieh kum ki shakri jong me.

SALM 141:2

To pdiang ïa ka jingduwai jong nga kum ka jingiwbih, ki kti ba la rah jong nga kum ka jingkñia janmiet.

EKSODOS 29:39

Kñia uwei u khunlangbrot mynstep bad uwei pat ynda janmiet.

ISAÏAH 6:2

Sawdong jong u ki seraph ki ïeng, uwei uwei na ki u don hynriew tylli ki thapniang. Uwei uwei u seraph u tap ïa la ka durkhmat da ki ar tylli ki thapniang, bad ïa la ka met da ki ar tylli, bad la pyndonkam ïa ki ar tylli kiwei pat ban her.

ESEKIEL 1:11

Ïa ki ar tylli ki thapniang jong uwei pa uwei u jingthaw la rah shajrong kumta ba ki dei ïa ki khmut thapniang jong ki jingthaw ba-marsyndah, bad ki ar tylli ki thapniang ki tap ïa ki met jong ki.

ESEKIEL 1:14

Kita ki jingthaw hi ki phet shane bad shatai bad ki stet la kum ka jingthaba ka leilieh.

ESEKIEL 14:14

Wat lada kito ki lai ngut ki rangbah, u Noah, u Daniel bad u Job ki don hangta, ka jingbha jong ki kan pynim tang ïa ka jingim jong ki hi.” U Trai Nongsynshar u la kren.

DANIEL 10:10

Nangta ka kti ka la shim ïa nga bad ka la pynkhie joit ïa nga; nga dang khynñiuh hi.

DANIEL 10:16

Nangta u angel, uba syriem ïa u briew, u la kner ïa la ka kti bad u la ktah ïa ki rmiang shyntur jong nga. Nga la ong ha u, “Ko rangbah, kane ka jingïohipaw ka pyntlot ïa nga haduh katta katta ba ngam lah ban sangeh ban khynñiuh.

DANIEL 10:18

Sa shisien pat u la bat ïa nga, bad nga la kham sngew ïohbor.

DANIEL 8:16

Nga la ïohsngew ïa ka sur kaba pyrta na shiliang ka wah Ulai, “Ko Gabriel, to batai ïa u ïa ka jingmut jong kaei kaba u la ïohi.”

DANIEL 8:18

Mynba u dang kren, nga la kyllon ha madan khlem tipbriew. Hynrei u la bat ïa nga, u la khyllie pynïeng ïa nga,

MATHAÏOS 27:46

Ha ka por lai baje U Jisu u la pyrta da ka jingpyrta bajam, “Eli, Eli, lema Sabakhthani?” kaba mut “U Blei jong nga, U Blei jong nga, balei ba me iehnoh ïa nga?”

LOUKAS 1:19

“Nga long u Gabriel,” u angel u la jubab. “Nga ïeng ha ka jingdon ryngkat jong U Blei, uba la phah ïa nga ban kren ha me bad ïathuh ha me ïa kane ka khubor babha.

LOUKAS 1:26

Ha u bnai bahynriew jong ka jingpunkhun jong ka Elisabeth, U Blei u la phah ïa u angel Gabriel sha ka shong ha Galilaïa kaba kyrteng ka Nasareth.

KI KAM 10:3

Ka la long ha kawei ka sngi kumba lai baje nohphai sngi mynba u la ïoh ka jingïohipaw, ha kaba u la ïohi da kaba shai kdar ïa u angel jong U Blei uba wan shapoh bad ong ha u, “Kornelios!”

KI KAM 10:9

Ha ka sngi kaba bud, katba ki dang don ha lynti bad ba ki la jan poi hajan Joppa, u Petros u la leit sha ka tnum jong ka ïing ha ka por shiteng sngi ban duwai.

KI KAM 12:7

Kynsan u angel jong U Trai u la ïeng hangta, bad ka jingshai ka la thaba hapoh ka kamra byndi. U angel u la pynkhih ïa u Petros na ka tyrpeng, u la kyrsiew ïa u, bad u la ong, “Pynkloi! Khie joit!” mar kumta hi ki kynjri ki la hap na ki kti jong u Petros.

KI KAM 3:1

Ha kawei ka sngi, u Petros bad u Ïoannis ki la leit sha ka Templ ha ka por lai baje nohphai sngi, kaba long ka kynta jingduwai.

HEBRU 1:14

Ki angel ki dei kiei, te? Ki dei ki mynsiem kiba shakri ïa U Blei bad ïa ki la phah da u ban ïarap ïa kito kiba dei ban ïohpdiang ïa ka jingpynim.

HEBRU 1:7

Hynrei shaphang kita ki angel U Blei u la ong, “U Blei u la pynlong ïa la ki angel kum ki lyer, bad ïa ki shakri jong u kum ki thylliej ding.”

JINGPYNPAW 9:17

Bad ha ka jingïohipaw jong nga, nga la ïohi ïa ki kulai bad ïa ki nongshong kulai jong ki: Ki don ki jingïada shadem kiba saw kum ka ding, kiba jngum kum u Sapphir, bad kiba stem kum u kyndok. Ki khlieh jong ki kulai ki la long kum ki khlieh sing, bad na ki shyntur jong ki la mih ka ding, ka tdem bad u kyndok.