DANIEL 9:20 - Khasi CL Bible (BSI)

²⁰ Nga la bteng ban duwai, da kaba phla ïa ki pop jong nga bad ïa ki pop jong ki briew jong nga ki Israel, bad da kaba ïasaid bad U Trai U Blei jong nga ban pynbha pat ïa ka Templ bakhuid jong u,

KA BAIBL

²⁰ Te katba nga la dang kren, bad duwai, bad phla ïa la ka pop bad ïa ka pop ki briew jong nga ki Israel, bad dang pynmih noh ïa la ka jingkyrpad ha khmat U Trai U Blei jong nga na ka bynta uta u lum bakyntang U Blei jong nga;

DANIEL 9:20 ပူးပေါင်းရင်းမြစ်များ

ESRA 10:1

Katba u Esra u dang dem ha ka jingduwai ha khmat ka Templ, da kaba ïam bad phla ïa kine ki pop, shi kynhun bah ki Israel — ki rangbah, ki kynthei bad ki khynnah — ki ïalum sawdong ïa u, ki da ïam pait dohnud.

NEHEMAÏAH 1:6

Khmih ïa nga, ko Trai, bad to sngew ïa ka jingduwai jong nga, katba nga duwai mynsngi bad mynmiet na ka bynta ki shakri jong me, ki briew ka Israel. Nga phla ba ma ngi, ki briew ka Israel, ngi la leh pop. Ki kpa tymmen jong nga bad ma nga, ngi la leh pop.

SALM 145:18

U long hajan kito kiba khot kyrpad ïa u, kiba khot kyrpad ïa u da ka dohnud kaba beit.

SALM 32:5

Te nga la phla ïa la ki pop ha me, ngam shym la buhrieh ïa la ki jingleh bymdei, nga la kut jingmut ban phla ïa ki ha me bad me la map ïa ki pop jong nga baroh.

EKLESIASTIS 7:20

Ym don uno uno ha ka pyrthei uba leh ïa kaba bha ha ki por baroh bad u bym ju leh bakla.

ISAÏAH 56:7

“Ngan ïalam ïa phi sha Seïon, sha u lum bakyntang jong nga, ngan ai ha phi ka jingkmen ha ka ïing jingduwai jong nga; bad pdiang ïa ki jingkñia kiba phi ai ha ka duwan jong nga. Ïa ka ïing jong nga yn khot ka ïing jingduwai na ka bynta ki briew jong ki ri baroh.”

ISAÏAH 58:9

Haba phi duwai, ngan jubab ïa phi. Haba phin khot ïa nga ngan jubab. “Lada phi pynkut noh ïa ka jingbanbeiñ, na man la ka jingleh ibeiñ, bad na man la ka ktien sniew,

ISAÏAH 6:5

Nga la ong, “Ym don jingkyrmen ïa nga! Nga long ba la tim namar kawei pa kawei ka kyntien kaba mih na ki rmiang shyntur jong nga ka long kaba pop, bad nga shong nga sah hapdeng ki briew kiba kawei pa kawei ka kyntien ka long kaba pop. Bad pynban, da la ki jong ki khmat nga la ïohi ïa U Syiem, U Trai Badonbor Baroh.”

ISAÏAH 65:24

Wat ha shuwa ba kin dep duwai ha nga, ngan jubab ïa ki jingduwai jong ki.

DANIEL 10:12

Nangta u la ong, “Ko Daniel, to wat sheptieng. U Blei u la shahshkor ïa ki jingduwai jong me naduh ka sngi kaba nyngkong ba me la kut jingmut ban pynrit ïa lade khnang ban ïoh ïa ka jingshemphang. Nga la wan ban ai jubab ïa ka jingduwai jong me.

DANIEL 10:2

Ha kata ka por, nga la ïambriew haduh lai taïew.

DANIEL 11:45

Un pynïeng ruh ïa ki ïingjaiñ syiem kiba heh hapdeng ki duriaw bad ki lumbah ha kaba ka Templ ka ïeng. Hynrei un ïap, khlem don mano mano hangta ban ïarap ïa u.”

DANIEL 9:16

Me la ïada ïa ngi ha kaba mynshuwa, kumta te to wat bitar shuh ïa ka Jerusalem. Ka long ka nongbah jong me, u lum bakyntang jong me. Baroh ki briew ha ki ri ba-marjan ki khmih beiñ ïa ka Jerusalem bad ïa ki briew jong me namar ki pop jong ngi bad ka jingbymman ba ki kpa tymmen jong ngi ki la leh.

SEKHARAÏAH 8:3

Ngan wan phai pat sha Jerusalem, ka nongbah bakhuid jong nga, bad ban shong ban sah hangta. Ïa ka yn tip kum ka nongbah baïaineh, bad ïa u lum jong U Trai Badonbor Baroh yn khot u lum bakyntang.

KI KAM 4:31

Haba ki la dep duwai, ka jaka ha kaba ki la ïakynduh ka la khynñiuh. La pyndap ïa ki baroh da U Mynsiem Bakhuid bad ki la sdang ban pynbna ïa ka khubor U Blei da ka jingshlur.

Ka Shithi U Paul Sha Ki Nong Rom 3:23

baroh ki la leh pop bad ki la jngai noh na ka jingpynim U Blei.

JAKOB 3:2

Baroh na ngi, ngi bakla bunsien. Hynrei lada u briew um ju bakla ha kaei kaba u kren, u long uba janai bad u long ruh uba lah ban synshar ïa lade nadong shadong.

JINGPYNPAW 21:10

U Mynsiem u la bat synshar ïa nga, bad u angel u la rah ïa nga sha kliar jong u lumbah uba jrong. U la pyn-i ha nga ïa ka Jerusalem, ka Nongbah Bakhuid, kaba da wan hiar na bneng na U Blei

JINGPYNPAW 21:2

Bad nga la ïohi ïa ka Nongbah Bakhuid, ka Jerusalem bathymmai, kaba da wan hiar na bneng na U Blei, kaba la pynkhreh bad kaba la kloi, kum ka nongleitkurim kaba la riam ban ïashem ïa u tnga jong ka.