DANIEL 9:18 - Khasi CL Bible (BSI)

¹⁸ To shahshkor ïa ngi, A Blei; to khmih sha ngi, bad peit ïa ka jingjynjar kaba ngi don bad ïa ka jingshah shitom jong ka nongbah kaba kit ïa ka kyrteng jong me. Ngi duwai ha me namar ba me long uba dap da ka jingisynei, ym namar ba ngi la leh ïa kaba dei.

KA BAIBL

¹⁸ A U Blei jong nga, to pyndem la ka shkor, bad to sngew; to peit la ki khmat, bad to khmih ïa ka jinglong jot jong ngi, bad ïa kata ka nongbah ïa kaba la khot da ka kyrteng jong me: namar ym na ka bynta ki hok jong ngi, ba ngi pynmih ïa la ki jingkyrpad ha khmat jong me, hynrei, na ka bynta ki jingisynei kiba khraw jong me.

DANIEL 9:18 ပူးပေါင်းရင်းမြစ်များ

1 SYIEM 8:29

Khmih halor kane ka Templ mynsngi bad mynmiet, kane ka jaka ha kaba me la jied ban mane ïa me. Shahshkor ïa nga haba nga phai ka khmat sha kane ka templ ban duwai.

2 SYIEM 19:16

Mynta, A Trai, khmih ïa kaei kaba jia ha ngi. Shahshkor ïa baroh kiei kiei kiba u Sennakherib u ong ban ibeiñ ïa me, U Blei uba im.

SALM 116:1

Nga ieit ïa U Trai, namar u sngew ïa nga, u shahshkor ïa ki jingduwai jong nga.

SALM 25:6

To kynmaw, A Trai, ïa ka jingsbun bad ka jingieit baneh jong me, kiba me la pyn-i naduh ki por barim.

EKSODOS 3:7

Nangta U Trai u ong, “Nga la ïohi haduh katno la pynshitom beiñ ïa ki briew jong nga ha Ijipt; nga la ïohsngew ruh ba ki ud ban ïohlait noh na ki nongpyntrei mraw jong ki. Nga tip ïa ki jingshah shitom jong ki baroh,

ISAÏAH 37:17

Mynta, A Trai, to sngap ïa ngi bad to peit ïa kaei kaba la jia ha ngi. To shahshkor ïa baroh kiei kiei kiba u Sennakherib u la ong ban ñiewbeiñ ïa me, U Blei ba-im.

ISAÏAH 43:7

Ki long ki briew jong nga hi, bad nga la thaw ïa ki ban wanrah burom ïa nga.”

ISAÏAH 64:12

A Trai, hato yn ym pynkhih ïa me da kane baroh? Hato men ym leh ei ei bad shah ba ngin shah jynjar palat ïa kaba ngi lah ban shah?

ISAÏAH 64:6

Baroh na ngi, ngi long kiba pop; wat ki kam babha tam jong ngi ki long ki bymkhuid shi lynter. Namar ki pop jong ngi, ngi long kum ki sla ba la tlor bad ba la rong noh da ka lyer.

JEREMAÏAH 14:7

Ki briew jong nga ki kyang jam sha nga, ‘Wat la ki pop jong ngi ki pynrem ïa ngi, to ïarap ïa ngi, A Trai, kumba me la kular. Ngi la phai dien noh na me bun bunsien; ngi la leh pop pyrshah ïa me.

JEREMAÏAH 14:9

Balei me long kum u briew uba la shah shim kynsan, kum u shipai u bymdonbor ban ïarap? Da shisha, A Trai, me long bad ngi! ngi long ki briew jong me; wat iehnoh ïa ngi.’ ”

JEREMAÏAH 15:16

Me la kren ïa nga, bad nga la shahshkor ïa kawei pa kawei ka kyntien. Nga long u jong me, A Trai U Blei Badonbor Baroh, bad kumta ki ktien jong me ki la pyndap ïa ka dohnud jong nga da kaba kmen bad ka jingsngewkmen.

JEREMAÏAH 25:29

Ngan sdang ïa ka kam jingpynjot jong nga na la ka jong ka nongbah hi. Hato ki pyrkhat ba kin lait khlem shah pynshitom? Em, kin shah pynshitom, namar ngan sa phah ïa ka thma ha ki jaitbynriew ka pyrthei baroh. Ma nga, U Trai Badonbor Baroh, nga la kren.

JEREMAÏAH 36:7

Lehse kin duwai ha U Trai bad phai pat na ki lynti bymman jong ki, namar U Trai u la byrngem ïa kane ka jaitbynriew da ka jingbitar bad ka jingbitar shla bashyrkhei.”

JEREMAÏAH 37:20

Bad mynta, Ko Syiem Kynrad, nga kyrpad ïa phi ban shahshkor ïa nga bad ban leh ïa kaei kaba nga ong. Sngewbha wat phah pat ïa nga sha ka byndi ha ka ïing u Jonathan. Lada phi leh kumta, da shisha ngan sa ïap hangta.”

ESEKIEL 36:22

“Mynta te, to ai ha ki Israel ïa ka khubor kaba ma nga, U Trai Nongsynshar, nga don na ka bynta jong ki: Kaei kaba ngan leh kam long na ka bynta jong phi ki Israel, hynrei na ka bynta ka kyrteng bakhuid jong nga, ïa kaba phi la pynjahburom ha kawei pa kawei ka ri kat sha kaba phi leit.

ESEKIEL 36:32

Ko Israel, nga kwah ba phin tip ba ngam shym leh ïa kane baroh namar jong phi. Nga kwah ba phin da sngewlehrain bad sngewjahburom ïa kaei kaba phi la leh. Ma nga, U Trai Nongsynshar, nga la kren.”

DANIEL 9:7

Ma me ko Trai, me leh borabor ïa kaba dei, hynrei borabor ngi la wallam ka jingjahburom ha lade hi. Kane ka long kaba shisha ïa baroh na ngi kiba shong basah ha Judia bad ha Jerusalem bad jong baroh ki khun Israel ïa kiba me la pynsakma ha ki ri kiba jan bad kiba jngai namar ki la long ki bymïaineh ha me.

JINGKHEIÑ 6:27

Bad U Trai u ong, “Lada ki pynbna ïa ka kyrteng jong nga kum ka jingkyrkhu halor ki Israel, ngan kyrkhu ïa ki.”

1 KORINTH 1:2

Sha ka balang U Blei kaba ha Korinth, ha kito baroh kiba la khot ban long ki briew bakhuid jong U Blei, kiba dei ki jong u ha U Khrist Jisu, lem bad ki briew baroh kylleng kiba mane ïa U Jisu Khrist uba U Trai jong ngi, uba long U Trai jong ki ruh: