DANIEL 9:16 - Khasi CL Bible (BSI)

¹⁶ Me la ïada ïa ngi ha kaba mynshuwa, kumta te to wat bitar shuh ïa ka Jerusalem. Ka long ka nongbah jong me, u lum bakyntang jong me. Baroh ki briew ha ki ri ba-marjan ki khmih beiñ ïa ka Jerusalem bad ïa ki briew jong me namar ki pop jong ngi bad ka jingbymman ba ki kpa tymmen jong ngi ki la leh.

KA BAIBL

¹⁶ A Trai, nga kyrpad ïa me, katba kum ka jinglehhok jong me baroh, to ka jingbitar jong me bad ka jingotshla jong me kin phai noh na ka nongbah jong me ka Jerusalem, u lum u bakyntang jong me: namar na ka bynta ki pop jong ngi, bad na ka bynta ki jingleh bymhok ki kpa jong ngi, ka Jerusalem bad ki briew jong me ki la long ka jingibeiñ ha baroh kiba kylleng sawdong ïa ngi.

DANIEL 9:16 ပူးပေါင်းရင်းမြစ်များ

NEHEMAÏAH 9:8

Me shem ba u ïaineh ha me, bad me pynlong ka jingïateh kular bad u. Me kular ban ai ha u ïa ka ri ki Kanaan, ka ri jong ki Hit bad ki Amor, ka ri ki Peris, ki Jebus bad ki Girgash, kan long ka ri ha kaba ki khun ki ksiew jong u kin shong kin sah. Me bat ïa la ka kular, namar me long uba ïaineh.

SALM 143:1

A Trai, to sngew ïa ka jingduwai jong nga! Ha ka jinglonghok jong me to shahshkor ïa ka jingkyrpad jong nga; ha ka jingïaineh jong me, to jubab ïa nga!

SALM 31:1

Nga wan sha me, A Trai, na ka bynta ka jingïada; wat shah ïa nga ba ngan shahjop. Me long U Blei uba hok; to pyllait im ïa nga, nga duwai!

SALM 41:13

Ïaroh ïa U Trai, U Blei ki Israel! Ïaroh ïa u mynta bad junom! Amen! Amen!

SALM 71:2

Namar me long uba hok, to ïarap ïa nga bad to pyllait ïa nga. To shahshkor ïa nga, bad to pynim ïa nga!

SALM 79:4

Ki jaitbynriew kiba don sawdong ki la rkhiebeiñ ïa ngi, ki rkhie ïa ngi bad ki beiñ ïa ngi.

SALM 85:4

To wallam pat ïa ngi, A Blei u nongpynim jong ngi, bad sangeh na ka jingbymsngewbha ïa ngi!

SALM 89:51

Ki nongshun jong me ki krenbeiñ ïa u syiem ba me la jied, A Trai, ki krenbeiñ ïa u kat shaba u leit.

EKSODOS 20:5

Wat dem lane mane ïa kano kano ka bleithaw, naba nga, nga long U Trai U Blei jong phi bad ngam lah shah ïano ïano ba pyrshah ïa nga. Nga wallam ka jingpynshitom ha kito kiba isih ïa nga bad ha ki khun ki ksiew jong ki haduh kaba lai bad kaba saw pateng bynriew.

ISAÏAH 5:25

U Trai u la bitar ïa la ki briew bad u la kner ïa la ka kti ban pynshitom ïa ki. Ki lumbah kin khynñiuh bad ïa ki met jong kito kiba la ïap yn ieh ha ki lynti kum ka synrum. Pynban wat la katta ruh ïa ka jingbitar U Trai ym shym la pynkut, hynrei ka kti jong u kan ïai kner ban pynshitom.

JEREMAÏAH 24:9

Ngan sa pynngat ha ki ka jinglanot ha kaba ki jaitbynriew ka pyrthei baroh kin da sngewshyrkhei, ki briew kin rkhiebeiñ ïa ki; kin ïakren kai ïa ki, kin ïakynshi ïa ki, bad kin pyndonkam ïa ka kyrteng jong ki kum ka jingtim kylleng kat shaba nga pynsakma ïa ki.

JEREMAÏAH 29:18

Ngan beh kthong ïa ki da ka thma, ka jingïapthngan, bad ka jingpang, bad baroh ki jaitbynriew jong ka pyrthei kin sngewtriem ha kaei kaba ki ïohi. Kylleng kylleng nga pynsakma ïa ki, ki briew kin kyndit bad sngewshyrkhei ha kaei kaba la jia ha ki. Ki briew kin krenbeiñ ïa ki bad pyndonkam ïa ki kyrteng jong ki kum ka jingtim.

JEREMAÏAH 32:31

Ki briew jong kane ka nongbah ki la pynbitar bad pynbitar shla ïa nga naduh ka sngi ba la thaw ïa ka.

JEREMAÏAH 32:32

Nga la kut jingmut ban pynjot ïa ka namar baroh kaba sniew ba la leh da ki paid ka Judah bad ka Jerusalem, ryngkat bad ki syiem bad ki nongïalam jong ki, ki lyngdoh bad ki nongïathuhlypa jong ki.

ESEKIEL 22:4

Pha long ba la pynrem namar kito ki jingpynïap briew baroh bad ba la pyntngit da ki bleithaw ba pha la thaw, bad te ka sngi jong pha ka la wan, ka por ka la kut! Dei na kata ka daw nga la pynlong ïa ki jaitbynriew ban ibeiñ ïa pha bad ki ri baroh ki ñiewbeiñ ïa pha.

ESEKIEL 5:14

Uno uno na ki jaitbynriew baroh sawdong jong pha uba dei ïaid lynti un rkhiebeiñ ïa pha bad un kiar na pha.

DANIEL 11:45

Un pynïeng ruh ïa ki ïingjaiñ syiem kiba heh hapdeng ki duriaw bad ki lumbah ha kaba ka Templ ka ïeng. Hynrei un ïap, khlem don mano mano hangta ban ïarap ïa u.”

DANIEL 9:20

Nga la bteng ban duwai, da kaba phla ïa ki pop jong nga bad ïa ki pop jong ki briew jong nga ki Israel, bad da kaba ïasaid bad U Trai U Blei jong nga ban pynbha pat ïa ka Templ bakhuid jong u,

JOEL 3:17

“Te ko Israel, phan sa tip ba nga long U Trai U Blei jong pha. Nga shong ha Seïon, u lum bakyntang jong nga. Ka Jerusalem kan long ka nongbah bakyntang; ki nongwei kin ym lah ban jop shuh ïa ka lano lano ruh.

SEKHARAÏAH 8:3

Ngan wan phai pat sha Jerusalem, ka nongbah bakhuid jong nga, bad ban shong ban sah hangta. Ïa ka yn tip kum ka nongbah baïaineh, bad ïa u lum jong U Trai Badonbor Baroh yn khot u lum bakyntang.

2 THESSALONI 1:6

U Blei un leh ïa kaei kaba dei: Un wallam ka jingshah shitom ha kito kiba pynlong ïa phi ban shahshitom,

1 ÏOANNIS 1:9

Hynrei lada ngi phla ïa ki pop jong ngi ha U Blei, un bat ïa la ka kular bad un leh ïa kaei kaba dei: Un map ïa ngi ïa ki pop jong ngi bad un pynkhuid ïa ngi na ki kam bymman baroh.

1 SAMUEL 2:7

U pynduk ïa ki katto katne bad u pynriewspah ïa kiwei pat; U pynrit ïa ki katto katne bad u pynkhraw ïa kiwei pat.