DANIEL 9:13 - Khasi CL Bible (BSI)

¹³ da kaba ai ha ngi ïa baroh ki jingpynshitom kiba la batai ha ka Aiñ jong u Moses. Hynrei wat mynta, A Trai U Blei jong ngi, ngim shym la pyrshang ban pynsngewbha ïa me da kaba phai noh na ki pop jong ngi lane da kaba bud ïa ka jingshisha jong me.

KA BAIBL

¹³ Kumba la thoh ha Ka Hukum u Moses, kane ka jingsniew baroh ka la wan halor jong ngi: pynban, ngim pat shym kyrpad ïa ka jingisynei U Trai U Blei jong ngi, ba ngin phai noh na la ki jingleh bymhok, bad ban ïoh ka jingshemphang ha ka jingshisha jong me.

DANIEL 9:13 ပူးပေါင်းရင်းမြစ်များ

2 SYIEM 22:16

“Ngan sa pynshitom ïa ka Jerusalem bad ïa ki briew jong ka baroh, kumba la thoh ha ka Kitab ba u syiem u la pule.

Ka Kitab U Job 36:13

Kito ki bym don blei ki ïai bitar, bad wat haba la pynshitom ïa ki, kim ju duwai ban ïoh ka jingïarap.

SALM 119:18

To pynpeit ïa ki khmat jong nga, khnang ba ngan ïohi ïa ki jingshisha baphylla hapoh ka aiñ jong me.

SALM 119:27

Ïarap ïa nga ban shemphang ïa ki aiñ jong me, bad ngan puson halor ki jinghikai kiba phylla jong me.

SALM 119:73

Me la thaw ïa nga, bad me sumar ïa nga; to ai ha nga ka jingshemphang, khnang ba ngan lah ban nang ïa ki aiñ jong me.

SALM 85:4

To wallam pat ïa ngi, A Blei u nongpynim jong ngi, bad sangeh na ka jingbymsngewbha ïa ngi!

ISAÏAH 31:1

Kito kiba leit sha Ijipt ban ïoh jingïarap kin jot! Ki shaniah ha ka bor shipai bakhraw jong ka Ijipt — ki kulai, ki kali ïapom, bad ki shipai. Hynrei kim tip ban shaniah ha U Trai, U Blei Bakhuid ki Israel, lane pan na u ïa ka jingïarap.

ISAÏAH 42:9

Kiei kiei kiba nga ïathuhlypa mynta ki la jia shisha. Mynta ngan ïathuh ïa phi ïa kiei kiei kiba thymmai wat ha shuwa ba kin sdang ban jia.”

ISAÏAH 43:22

U Trai u ong, “Hynrei phi la thait ïa nga, ko Israel; phim shym la mane ïa nga.

ISAÏAH 64:6

Baroh na ngi, ngi long kiba pop; wat ki kam babha tam jong ngi ki long ki bymkhuid shi lynter. Namar ki pop jong ngi, ngi long kum ki sla ba la tlor bad ba la rong noh da ka lyer.

ISAÏAH 64:7

Ym don uwei ruh uba phai sha me ha ka jingduwai; ym don uwei ruh uba leit sha me ban ïoh jingïarap. Me la buhrieh ïa lade na ngi bad iehnoh ïa ngi namar ki pop jong ngi.

ISAÏAH 9:13

Ki paid Israel kim pat shym kylla-kaba-mut; wat haba U Trai Badonbor Baroh u la pynshitom ïa ki, kim pat shym la phai sha u.

JEREMAÏAH 2:30

Nga la pynshitom ïa pha, hynrei kam shym wanrah kano kano ka jingbha; phan ym da la shah ïa nga ban pynbeit ïa pha. Kum u sing uba shyrkhei, pha la pynïap ïa ki nongïathuhlypa jong nga.

JEREMAÏAH 30:14

Baroh ki nongleh-ieit jong phi ki la klet noh ïa phi; kim salia shuh ïa phi. Nga la tur ïaleh ïa phi kum u nongshun; ka jingshah pynshitom jong phi ka la long kaba eh namar ki pop jong phi ki long kiba bun bad ka jingbymman jong phi ka long kaba khraw.

JEREMAÏAH 31:18

“Nga ïohsngew ïa ki paid Israel ba ki ong ha ka jingsngewsih, ‘A Trai, ngi la long kum u mrad uba khlem shah hikai, hynrei me la hikai ïa ngi ban kohnguh. To wallam pat ïa ngi; ngi long kiba la kloi ban wan phai pat sha me, U Trai U Blei jong ngi.

JEREMAÏAH 44:23

Kane ka jingjot mynta ka la wan ha phi namar ba phi ai jingkñia sha kiwei ki blei bad leh pop pyrshah ïa U Trai da ka jingbymkohnguh ïa ki hukum jong u baroh.”

JEREMAÏAH 44:27

Ngan khmih ïa kane ba phin ym manbha, hynrei phin shah pynjot. Baroh na phi phin ïap, ha ka thma ne na ka jingpang, haduh ba yn ym don uwei ruh na phi u ban sah.

JEREMAÏAH 5:3

Da shisha U Trai u peit ïa ka jingïaineh. U la shoh ïa phi, hynrei phim shym pynleit jingmut; u la pynlwet ïa phi, hynrei phi la kyntait ban ïoh jinghikai. Phi long kiba mutlop bad phim shym phai na ki pop jong phi.

SNGEWSYNEI 5:21

To wallam pat ïa ngi sha me, ko Trai! To wallam pat ïa ngi! To pynïoh pat ïa ka burom ba-mynbarim.

ESEKIEL 16:43

Pha la klet kumno nga la leh ïa pha mynba pha dang samla, bad pha la pynbitar ïa nga da kiei kiei baroh kiba pha la leh. Dei kata keiñ balei ba nga la pynlong ïa pha ban shah na ka bynta jong ki baroh. Balei pha bynrap ïa ka jingawria jakhlia ha baroh kiei kiei kiba ijli kiba pha la leh?” U Trai Nongsynshar u la kren.

DANIEL 9:11

Ki Israel baroh ki la pynkheiñ ïa ki aiñ jong me bad ki kyntait ban shahshkor ïa kaei kaba me la ong. Ngi la leh pop pyrshah ïa me, bad kumta me la wallam ha ngi ïa ki jingtim kiba la thoh ha Ka Aiñ u Moses, u shakri jong me.

HOSIA 7:10

Ka jingsngewmeng ki paid Israel ka kyang pyrshah ïa ki hi. Wat haba kane baroh ka la jia, kim shym la wan phai sha nga, U Trai U Blei jong ki.

HOSIA 7:14

Kim shym la duwai ha nga naduh la ka dohnud, hynrei pynban ki bret ïa lade ha madan bad ïam pangnud kumba leh kiba mane blei thala. Haba ki duwai ban ïoh ïa u kew bad ka waiñ, ki ot pynmong ïa lade kum kiba mane blei thala. A haduh katno ki long kiba ïaleh pyrshah!

HOSIA 7:7

“Ha ka jingkhluit ka jingbitar jong ki, ki pynïap ïa la ki nongsynshar. Ki syiem jong ki, ki shah pynïap uwei hadien uwei, hynrei ym don na ki uba khot kyrpad ïa nga ban ïoh jingïarap.”

LOUKAS 24:45

Nangta u la plie ïa ki jingpyrkhat jong ki ban shemphang ïa ki Jingthoh Bakhuid, bad u la ong ha ki,

ÏOANNIS 10:35

Ngi tip ba ïa kaei kaba ka Jingthoh Bakhuid ka ong, ka long kaba shisha junom; bad U Blei u la khot ïa kito ki briew ki blei, ki briew ha kiba U Blei u la ai ïa ka khubor jong u.

ÏOANNIS 6:45

Ki nongïathuhlypa ki la thoh, ‘Uwei pa uwei baroh un ïoh hikai na U Blei.’ Uno uno uba shahshkor ïa U Kpa bad ïoh hikai na u, u wan sha nga.

ÏOANNIS 8:32

phin tip ïa ka jingshisha, bad ka jingshisha kan pyllaitluid ïa phi.”

EPHESOS 4:21

Phi la ïohsngew shisha shaphang jong u, bad kum ki nongbud jong u, la hikai ha phi ïa kata ka jingshisha kaba don ha U Jisu.

DEUTERONOMI 29:4

Hynrei haduh kane ka sngi um pat shym la ai ha phi ban shemphang ïa kaei kaba phi la mad.

JAKOB 1:5

Hynrei lada uno uno na phi u duna ïa ka jingstad, u dei ban duwai ha U Blei, u ban ai ïa ka ha u; namar U Blei u ai kylluid bad ai ei ïa baroh.