DANIEL 9:12 - Khasi CL Bible (BSI)

¹² Me la leh ïa kaei kaba me la ong ba men leh ha ngi bad ha ki nongsynshar jong ngi. Me la pynshitom ïa ka Jerusalem kham jur ban ïa kano kano kawei pat ka nongbah ha ka pyrthei,

KA BAIBL

¹² Bad u la pynskhem ïa la ki ktien, ïa kiba u la kren pyrshah ïa ngi, bad pyrshah ïa ki nongbishar jong ngi kiba la bishar ïa ngi, da kaba pynwan halor jong ngi ïa ka jingsniew kaba khraw: namar hapoh ka bneng baroh ym shym la leh katba la leh halor ka Jerusalem.

DANIEL 9:12 ပူးပေါင်းရင်းမြစ်များ

1 SYIEM 3:9

Kumta to ai ha nga ka jingstad kaba nga donkam ban synshar ïa ki briew jong me ha ka jinglehhok bad ban ithuh ka jingïapher hapdeng kaba bha bad kaba sniew. Lym kumta, kumno ngan lah ban synshar ïa u paidlang jong me uba khraw katne katne?”

2 SYIEM 22:16

“Ngan sa pynshitom ïa ka Jerusalem bad ïa ki briew jong ka baroh, kumba la thoh ha ka Kitab ba u syiem u la pule.

Ka Kitab U Job 12:17

U shim noh ïa ka jingstad jong ki nongsynshar bad u pynlong ïa ki nongïalam kum kiba bieit.

SALM 148:11

To ïaroh ïa u, phi ki syiem bad phi ki jaitbynriew baroh, ki khun syiem shynrang bad baroh kiwei ki nongsynshar;

SALM 2:10

Mynta to shahshkor ïa kane ka jingmaham, ma phi ki syiem; to ïoh jinghikai na kane, phi ki nongsynshar jong ka pyrthei.

PROBERB 8:16

Man la u nongsynshar ha pyrthei u synshar da ka jingïarap jong nga, ki nongsaiñ hima bad ki riewdonburom kumjuh.

ISAÏAH 43:28

bad ki nongsynshar jong phi ki la pyntngit ïa ka ïingkyntang jong nga. Kumta nga la wallam ka jingpynjot ha Israel; nga shah ïa ki briew jong nga ban shah rkhiebeiñ.”

ISAÏAH 44:26

Hynrei haba u shakri jong nga u pynlong ka jingïathuh lypa, haba nga phah ïa u nonglamktien ban pynpaw ïa ki jingthmu jong nga, Nga pynlong ïa kito ki jingthmu bad ki jingïathuh lypa ban jia shisha. Nga ïathuh ïa ka Jerusalem ba ki briew kin shong biang hangta, bad ïa ki nongbah jong ka Judah yn sa tei pat. Kito ki nongbah kin ïeng na ki jingjot.

JEREMAÏAH 30:7

Ka sngi kaba shyrkhei ka wan; ym don kano kano kawei pat ka sngi kaba lah ban nujor bad ka — ka por ka jingnoh mynsiem na ka bynta ki briew jong nga, hynrei kin lait im.”

JEREMAÏAH 32:23

Hynrei ynda ki la wan sha kane ka ri bad shimti ïa ka, kim shym la kohnguh ïa ki hukum jong me lane im kat kum ka jinghikai jong me; kim shym la leh ïa kaba me la hukum ïa ki ban leh. Bad kumta me la wallam ïa kane ka jingpynjot baroh ha ki.

JEREMAÏAH 39:16

ban ïathuh ïa u Ebedmelekh u nong Sudan ba U Trai Badonbor Baroh, U Blei ki Israel, u la ong, “Kumba nga la ong ba ngan leh, ngan wallam ka jingjot ha kane ka nongbah bad ym ïa ka jingmanbha. Bad haba kane kan jia, men don hangta ban ïohi ïa kata.

JEREMAÏAH 44:23

Kane ka jingjot mynta ka la wan ha phi namar ba phi ai jingkñia sha kiwei ki blei bad leh pop pyrshah ïa U Trai da ka jingbymkohnguh ïa ki hukum jong u baroh.”

SNGEWSYNEI 1:12

“Khmih sha nga!” ka pyrta sha uwei pa uwei uba ïaid lynti najan. “Ym don mano mano ba don ka jingpang kum ka jong nga, ka Jingpang kaba U Trai u la wallam halor jong nga ha ka por ka jingbitar jong u.

SNGEWSYNEI 2:13

Ko Jerusalem, ko Jerusalem ba-ieit, kaei pat ngan ong? Kumno ngan pyntngen ïa pha? Ym don mano mano ba la ju shahshitom kum kane. Ka jingjot jong pha ka long ka bym don pud kum ka duriaw-bah; ym don shuh kano kano ka jingkyrmen kaba lah ban long.

SNGEWSYNEI 2:17

U Trai u la pyndep khoit ïa kaei kaba u la byrngem ban leh: U la pynjot ïa ngi khlem jingisynei, kumba u la maham ïa ngi la slem bah. U la ai ka jingjop ha ki nongshun jong ngi, u la ai ha ki ka jingkmen ha ka jingkyllon jong ngi.

SNGEWSYNEI 4:6

Ïa ki briew jong nga la pynshitom wat kham jur ban ïa ki nongshong shnong jong ka Sodom, kiba la ïashem da ka jingkyllon kaba kynsan ha ki kti jong U Blei.

ESEKIEL 13:6

Ki jingïohipaw jong ki, ki long kiba bakla, bad ki jingïathuh lypa jong ki, ki long kiba lamler. Ki kam ba ki kren ïa ka khubor jong nga, hynrei ngam shym la phah ïa ki. Pynban ki khmih lynti ba ki ktien jong ki kin urlong shisha!

ESEKIEL 5:9

Namar kiei kiei baroh kiba pha leh ki long kiba nga ijli, ngan pynshitom ïa ka Jerusalem ïa kaba ngam pat ju leh mynno mynno, bad ïa kaba ngan ym leh shuh lano lano ruh.

DANIEL 12:1

U angel uba kup ki jaiñ linen u la ong, “Ha kata ka por, u Mikhael, u angel uba khraw, uba ïada ïa ki briew jong me, un mihpaw. Nangta kan don ka por ki jingjynjar, kaba kham sniew tam naduh ba ki jaitbynriew ki mih. Haba kata ka por ka wan, baroh ki briew jong ka jaitbynriew jong me kiba ïa ki kyrteng jong ki la thoh ha ka kitab ka jong U Blei yn pynim.

JOEL 2:2

Kan sa long ka sngi kaba dum bad kaba pynlong jingkhuslai, ka sngi kaba ïong bad ba-dum lyoh. Ka kynhun bakhraw jong ki puit ka tur kum ka jingdum kaba pyiar halor ki lumbah. Ym ju don mynno mynno ruh kum kane, bad yn ym don shuh lano lano ruh.

AMOS 3:2

“Na baroh ki jaitbynriew ha ka pyrthei, phi long tang kawei kaba nga la ithuh bad sumar. Kata ka long kaei kaba la pynlong ïa ki pop jong phi kiba shyrkhei, bad kata ka long balei ba nga dei ban pynshitom ïa phi na ka bynta jong phi.”

SEKHARAÏAH 1:6

Lyngba ki shakri jong nga ki nongïathuhlypa nga la ai ha ki kpa tymmen jong phi ïa ki hukum bad ki jingmaham, hynrei ki la kyntait ïa ki bad ki la shahshitom ïa kaba mih nangta. Nangta ki la kylla-kaba-mut bad ki la pdiang ba ma nga, U Trai Badonbor Baroh, nga la lah pynshitom ïa ki kumba ki dei ban shah bad kumba nga la kut jingmut ban leh.’ ”

SEKHARAÏAH 1:8

Nga la ïohi ïa uwei u angel jong U Trai uba shong halor u kulai basaw. U la sangeh hapdeng katto katne tylli ki dieng Martl ha ka them, bad hadien jong u la don sa kiwei pat ki kulai — kiba saw, kiba thohbroin, bad kiba lieh.

SEKHARAÏAH 7:12

bad ki pynlong ïa ki dohnud jong ki, kiba eh kum u mawsiang. Namar ba kim shym la shahshkor ïa ka jinghikai kaba nga la phah lyngba ki nongïathuhlypa kiba la im slem bah, nga la bitar shikatdei eh.

MATHAÏOS 24:21

Namar ka jingjynjar ha kata ka por kan kham shyrkhei ban ïa kano kano kaba la ju jia, naduh kaba sdang jong ka pyrthei haduh kane ka sngi. Lymne ba yn don pat kano kano kum kane.

MATHAÏOS 5:18

To kynmaw ba katba ka bneng bad ka pyrthei ki dang sah, ym don iwei i dak iba rit tam lymne i bynta iba rit tam na ka Hukum ïa iba yn pyndam noh — ym haduh kaba kut jong kiei kiei baroh.

MARKOS 13:19

Namar ka jingshitom jong kita ki sngi kan long kaba kham sniew, ban ïa kaei kaei kaba ka pyrthei ka la ju tip naduh myn nyngkong eh ba U Blei u la thaw ïa ka pyrthei haduh ka por ba mynta. Lymne yn ym don shuh hadien kum kata kaei kaei.

LOUKAS 21:22

Naba kito kin long ‘Ki Sngi ka Jingpynshitom,’ ban pynlong ïa baroh kaba ki Jingthoh Bakhuid ki ong ban urlong shisha.

Ka Shithi U Paul Sha Ki Nong Rom 15:8

Naba nga ong ïa phi ba ka jingim jong ka jingshakri U Khrist ka la long na ka bynta ki Jiw, ban pyn-i ba U Blei u long uba ïaineh, ban pynlong ïa ki kular jong u ha ki kpa tymmen jong ki ban urlong shisha,