DANIEL 9:11 - Khasi CL Bible (BSI)

¹¹ Ki Israel baroh ki la pynkheiñ ïa ki aiñ jong me bad ki kyntait ban shahshkor ïa kaei kaba me la ong. Ngi la leh pop pyrshah ïa me, bad kumta me la wallam ha ngi ïa ki jingtim kiba la thoh ha Ka Aiñ u Moses, u shakri jong me.

KA BAIBL

¹¹ Shisha keiñ, ki Israel baroh ki la ryngkang ïa ka hukum jong me, da kaba phai noh, ba kin ym kohnguh ïa ka ktien jong me: namar kata, ïa kata ka jingtim, bad ïa kata ka jingsmai ïa kaba la thoh ha Ka Hukum u Moses u shakri u jong U Blei, la theh noh halor jong ngi; namar ba ngi la leh pop ïa u.

DANIEL 9:11 ပူးပေါင်းရင်းမြစ်များ

2 SYIEM 18:12

Ka Samaria ka kyllon noh namar ki Israel kim shym kohnguh ïa U Trai U Blei jong ki, hynrei ki pynkheiñ ïa ka jutang kaba u la pynlong bad ki bad kim kohnguh ïa baroh ki aiñ ba la ai da u Moses, u shakri jong U Trai. Kim shahshkor bad kim kohnguh.

2 SYIEM 22:16

“Ngan sa pynshitom ïa ka Jerusalem bad ïa ki briew jong ka baroh, kumba la thoh ha ka Kitab ba u syiem u la pule.

ISAÏAH 1:3

Ki jingri ki tip mano ba long trai ïa ki, bad ki kada ki tip hangno u kynrad jong ki u bsa ïa ki. Hynrei kata ka kham bun ban ïa kaba ki briew jong nga ki Israel ki tip. Kim shemphang ei ei.”

ISAÏAH 43:28

bad ki nongsynshar jong phi ki la pyntngit ïa ka ïingkyntang jong nga. Kumta nga la wallam ka jingpynjot ha Israel; nga shah ïa ki briew jong nga ban shah rkhiebeiñ.”

JEREMAÏAH 16:11

Nangta ïathuh ïa ki ba U Trai u la ong, ‘Ki kpa tymmen jong phi ki la phai dien noh na nga bad ki la mane bad shakri ïa kiwei pat ki blei. Ki la iehnoh ïa nga bad kim shym kohnguh ïa ki jinghikai jong nga.

JEREMAÏAH 2:29

Kaei ka jingujor jong pha? Balei pha la ïeng ïaleh pyrshah ïa nga?

JEREMAÏAH 30:14

Baroh ki nongleh-ieit jong phi ki la klet noh ïa phi; kim salia shuh ïa phi. Nga la tur ïaleh ïa phi kum u nongshun; ka jingshah pynshitom jong phi ka la long kaba eh namar ki pop jong phi ki long kiba bun bad ka jingbymman jong phi ka long kaba khraw.

JEREMAÏAH 32:23

Hynrei ynda ki la wan sha kane ka ri bad shimti ïa ka, kim shym la kohnguh ïa ki hukum jong me lane im kat kum ka jinghikai jong me; kim shym la leh ïa kaba me la hukum ïa ki ban leh. Bad kumta me la wallam ïa kane ka jingpynjot baroh ha ki.

JEREMAÏAH 40:3

“U Trai U Blei jong phi u la byrngem ïa kane ka ri da ka jingjot, bad mynta u la leh ïa kaei kaba u la ong ba un leh. Baroh kane ka la jia namar ki briew jong phi ki la leh pop pyrshah ïa U Trai bad kim shym la kohnguh ïa u.

JEREMAÏAH 44:22

Ha kane hi ka sngi ka ri jong phi kan sah ha ki jingjot bad ym don mano mano ban shong ban sah ha ka. Ka la long ka jingïohi ba-itriem, bad ki briew ki pyndonkam ïa ka kyrteng jong ka kum ka jingtim, namar U Trai um lah shah shuh ïa ki kam bymman bad basniew jong phi.

JEREMAÏAH 44:23

Kane ka jingjot mynta ka la wan ha phi namar ba phi ai jingkñia sha kiwei ki blei bad leh pop pyrshah ïa U Trai da ka jingbymkohnguh ïa ki hukum jong u baroh.”

JEREMAÏAH 6:19

To shahshkor, ko pyrthei! Kum ka jingpynshitom ïa ki jingthmu jong ki nga wallam ka jingjot halor kine ki briew, namar ki la kyntait ïa ka jinghikai jong nga bad kim shym la kohnguh ïa ki ktien jong nga.

DANIEL 9:13

da kaba ai ha ngi ïa baroh ki jingpynshitom kiba la batai ha ka Aiñ jong u Moses. Hynrei wat mynta, A Trai U Blei jong ngi, ngim shym la pyrshang ban pynsngewbha ïa me da kaba phai noh na ki pop jong ngi lane da kaba bud ïa ka jingshisha jong me.

DANIEL 9:5

“Ngi la leh pop, ngi la long kiba sniew, ngi la leh bakla. Ngi la kyntait ïa kaei kaba me la hukum ïa ngi ban leh bad ngi la phai noh na kaei kaba me la pyn-i ha ngi ba ka long kaba dei.

SEKHARAÏAH 1:6

Lyngba ki shakri jong nga ki nongïathuhlypa nga la ai ha ki kpa tymmen jong phi ïa ki hukum bad ki jingmaham, hynrei ki la kyntait ïa ki bad ki la shahshitom ïa kaba mih nangta. Nangta ki la kylla-kaba-mut bad ki la pdiang ba ma nga, U Trai Badonbor Baroh, nga la lah pynshitom ïa ki kumba ki dei ban shah bad kumba nga la kut jingmut ban leh.’ ”

SEKHARAÏAH 7:12

bad ki pynlong ïa ki dohnud jong ki, kiba eh kum u mawsiang. Namar ba kim shym la shahshkor ïa ka jinghikai kaba nga la phah lyngba ki nongïathuhlypa kiba la im slem bah, nga la bitar shikatdei eh.

SEKHARAÏAH 8:13

Ko ki paid Judah bad Israel! Ha ki por ba-mynshuwa ki nongwei ki ïatim iwei ïa iwei pat da kaba ong, ‘Ai ba kijuh ki jingpynjot kiba la hap ha Judah bad Israel kin hap halor jong phi!’ Hynrei ngan pynim ïa phi, bad nangta kito ki nongwei kin ong iwei ïa iwei pat, ‘Ai ba phin ïohpdiang ïa kijuh ki jingkyrkhu kiba la wan ha ka Judah bad Israel!’ Kumta to long shlur bad wat sheptieng.”

DEUTERONOMI 8:20

Lada phim kohnguh ïa U Trai, phin shah pynjot kumjuh kumba kita ki jaitbynriew kin shah pynjot ha U Trai katba phi nang ïaid sha khmat.