DANIEL 8:8 - Khasi CL Bible (BSI)

⁸ U 'langsohmoh u la nang sngewmeng, hynrei ha ka jingdap rynïeng ka bor jong u, ka reng jong u ka la kheiñ. Ha ka jaka jong ka la wan mih saw tylli ki reng, kawei kawei ka phai sha ki liang baïapher.

KA BAIBL

⁸ Bad uta u 'lang sohmoh u la pynkhraw ïa lade shikatdei eh: te haba u la khlaiñ, ïa kata ka reng bakhraw la pynkheiñ noh; bad ha ka jaka jong ka, ki la mih saw tylli ki reng kiba phylla sha ki saw lyer bneng.

DANIEL 8:8 ပူးပေါင်းရင်းမြစ်များ

2 KHRONIKL 26:16

Hynrei haba u syiem Ussaïah u la kylla long uba khlaiñbor, u la sngewmeng noh pynban, bad kata ka ïalam sha ka jingkhyllem noh jong u. U ïaleh pyrshah ïa U Trai U Blei jong u da kaba u leit rung sha ka Templ ban thang jingiwbih ha ka duwan thang jingiwbih.

ESTHER 9:4

Ka long kaba la tip ha kylleng sawdong ka hima ba u Mordekai u long mynta u briew uba donbor ha ka ïingsyiem bad u nang khrawbor.

JEREMAÏAH 49:36

Ngan pynlong ïa ki lyer ban beh pyrshah ïa ka Elam na ki liang baroh, bad ngan pynsakma ïa ki briew jong ka kylleng, haduh ba yn ym don ki ri ha kiba ki nongphetwir na ka kim shym poi.

JEREMAÏAH 5:27

Kumba u nongriam sim u pyndap ïa ka ruh jong u da ki sim, ki la pyndap ïa ki ïing jong ki da ka jinglute. Dei kata keiñ balei ba ki long kiba donbor bad kiba riewspah,

ESEKIEL 16:7

Nga la pynlong ïa pha ban san kum u jingthung baplung. Pha la nang khlaiñ bad jrong bad pha la long ka kynthei samla. Ka shadem jong pha ka la wandur itynnat, bad u shñiuh jong pha u la san, hynrei pha long kaba lyngkhuit.

ESEKIEL 28:9

Haba kin wan ban pynïap ïa me, hato men dang kam hi ba me long U Blei? Haba me ïakynduh ïa ki nongpynïap briew, men long uba kynja briew bad ym satia uba kynja blei.

DANIEL 11:4

Hynrei haba u la khlaiñbor bha, ka hima jong u kan pait bad yn phiah ha ki saw bynta. Ki syiem ki bym shym hiarpateng na u kin synshar ha ka jaka jong u, hynrei kin ym don ïa ka bor kaba u la don.

DANIEL 4:31

Ha shuwa ba ki kyntien kin mih shabar na ka shyntur jong u, ka sur ka la kren na bneng, “Ko syiem Nebukhadnessar, to shahshkor ïa kaei kaba nga ong! Ïa ka bor ba kynja syiem jong me la shim noh mynta na me.

DANIEL 5:20

Hynrei namar ba u la long uba sarong, uba eh ryndang, bad uba runar, la weng noh ïa u na ka khet syiem bad u la duh noh ïa ka jaka badonburom jong u.

DANIEL 7:2

Ki lyer ki beh kyrthep na ki liang baroh bad ki shoh ïa ka sla ka duriaw-bah.

DANIEL 7:6

Mynba nga dang ap khmih, sa uwei pat u mradkhlaw u la mihpaw. U syriem kum u 'labasa, hynrei ha ka met jong u la don saw tylli ki thapniang, kum ki thapniang jong ka sim, bad u don saw tylli ki khlieh. U don ka dur kum uba don ka bor.

DANIEL 8:22

Ki saw tylli ki reng kiba la wan mih shalor haba la pynkheiñ noh ïa ka reng kaba nyngkong ki ïeng na ka bynta ki saw tylli ki hima sha kiba kata ka hima yn pynïabynta bad kin ym long kiba khlaiñ kum ka hima kaba nyngkong.

DANIEL 8:5

Katba nga dang lyngngoh aïu kane ka mut, u 'langsohmoh u la wan mareh na shaphang sepngi, u da mareh stet eh ba ki kjat jong u kim shym kynduh khyndew. U la don tang kawei ka reng hapdeng ki khmat jong u.

DANIEL 8:7

Nga la khmih ïa u ba u tur ïaleh ïa u langbrot. U la bitar eh katta katta ba u la tynrah ïa u bad pynkheiñ ïa ki ar tylli ki reng. U langbrot um don jingkhlaiñ shuh ban ïada. La bret ïa u sha khyndew bad u la shah kyrdem, bad ym don mano mano ba lah ban pyllait im ïa u.

MATHAÏOS 24:31

Ka turoi bakhraw kan sawa, bad un phah ïa ki angel jong u sha ki sawlyer jong ka pyrthei, ban kin lumlang ïa ki briew kiba la jied jong u na kawei ka tduh jong ka pyrthei sha kawei pat.

MARKOS 13:27

Un phah noh ïa ki angel sha sawdong ka pyrthei ban ïalumlang ïa ki briew ba la jied jong U Blei, na kawei ka dong jong ka pyrthei sha kawei pat.”

DEUTERONOMI 31:20

Ngan ïalam ïa ki sha kata ka ri kaba tuid da ka dud bad ka ngap, kumba nga la kular ïa ki kpa tymmen jong ki. Hangta kin ïoh bam katba ki kwah, bad kin im pahuh pahai. Hynrei kin phai noh sha kiwei pat ki blei bad kin mane ïa ki. Kin sa kyntait ïa nga bad pynkheiñ ïa ka jutang jong nga,

JINGPYNPAW 7:1

Hadien kane nga la ïohi ïa ki saw ngut ki angel kiba ïeng ha ki saw tylli ki dong jong ka pyrthei, ba ki ïabat ïa ki sawlyer, khnang ba yn ym don lyer ka ban beh halor ka khyndew lane ha ka duriaw lane ha pyrshah uno uno u dieng.