DANIEL 8:4 - Khasi CL Bible (BSI)

⁴ Nga la khmih ïa u langbrot ba u tynrah da ki reng jong u sha sepngi, shatei, bad shathie. Ym don uno uno u mrad uba lah ban pynsangeh ïa u lane lait phet na ka bor jong u. U la leh katba u sngewbha bad u la nang sngewmeng.

KA BAIBL

⁴ Nga la ïohi ïa uta u langbrot ba u da tur shaphang sepngi, bad shaphang shatei, bad shaphang shathie; bad ym shym don u mrad uba lah ban ïeng ha khmat jong u, lymne ym shym don uba lah ban pyllait na ka kti jong u; hynrei, u la leh katba kum ka mon jong u, bad u la pynkhraw ïa lade.

DANIEL 8:4 ပူးပေါင်းရင်းမြစ်များ

1 SYIEM 22:11

Uwei na ki, u Sedekaïah u khun jong u Khenaanah, u shna ïa ki reng nar bad u ong ha u Ahab, “Kane ka long kaei kaba U Trai u ong: ‘Da kine phin ïaleh ïa ki nong Syria bad phin jop thiaw ïa ki.’ ”

Ka Kitab U Job 10:7

Me tip ba ngam shym leh pop, bad ba ym don uwei ruh uba lah ban pyllait im ïa nga na me.

SALM 44:5

bad da ka bor jong me ngi jop ïa ki nongshun jong ngi.

SALM 50:22

“Shahshkor ïa kane, ma phi ki bym patiaw ïa nga, lymda kumta ngan pynjot ïa phi, bad yn ym don mano mano u ban pynim ïa phi.

SALM 7:2

ïoh ba kum u sing kin rong noh ïa nga sha kaba ym don ba lah ban pyllait im ïa nga, bad hangta kin patar lyngkhot lyngkhai ïa nga.

ESEKIEL 34:21

Phi kyndat sharud ïa kiba pang bad phi ñiat ïa ki shabar na ka kynhun.

DANIEL 11:16

U nonghiarthma Syria un leh ïa ki kat kaba u sngewbha, khlem kano kano ka jingïapyrshah. Un ïeng ha ka Ri ka Jingkular bad un ïoh ïa ka baroh ha ka bor jong u.

DANIEL 11:36

“U syiem ka Syria un leh kat kaba u sngewbha. Un kob ba u long kham khraw ban ïa uno uno u blei, kham halor wat ïa U Blei Bahakhlieh Tam Eh. Un lah ban leh ïa kane tad haduh ha ka por haba U Blei un pynshitom ïa u. U Blei un leh thik ïa kaei kaba u la thmu.

DANIEL 5:19

U la long uba khraw katta katta ba ki briew jong ki hima baroh, ki jait ki kynja, bad ki ktien ki thylliej ki la sheptieng ïa u bad khynñiuh. Lada u la kwah ban pynïap ïano ïano u leh kumta; lada u kwah ban ri pynim ïano ïano, u leh kumta. U pyndonburom lane pynjahburom ïa uno uno, uba u kwah.

DANIEL 5:30

Ha kata kajuh ka miet ïa u Belshassar, u syiem ka Babilonia, la pynïap;

DANIEL 7:5

U mradkhlaw uba ar u syriem kum ka dngiem kaba ïeng ha ki kjat-dien jong ka. Ka la bat lai tylli ki shyieng krung hapdeng ki bniat jong ka, bad ka sur ka la ong ha ka, “Khie leit, bam shibun ka doh katba pha lah!”

DANIEL 8:7

Nga la khmih ïa u ba u tur ïaleh ïa u langbrot. U la bitar eh katta katta ba u la tynrah ïa u bad pynkheiñ ïa ki ar tylli ki reng. U langbrot um don jingkhlaiñ shuh ban ïada. La bret ïa u sha khyndew bad u la shah kyrdem, bad ym don mano mano ba lah ban pyllait im ïa u.

MIKAH 5:8

Kito kiba dang sah napdeng ki jaitbynriew kin long kum u sing uba wad jingbam ha ka khlaw ne ha ka jaka bam phlang: U rung hapdeng ki langbrot, u kynrup ïa ki, bad tar lyngkhot ïa ki — bad hangta ym don jingkyrmen ban lait im.

DEUTERONOMI 33:17

U Joseph u khlaiñ kat u masi kyrtong, Kat ki reng u masi prut. Ki reng jong u kiba kat ki hajar jong u Manasseh, Bad kat ki shiphew hajar jong u Ephraim. Da ki, u tur pyrshah ïa ki jaitbynriew, Bad u shop ïa ki sha kaba kut jong ka pyrthei.”