DANIEL 8:26 - Khasi CL Bible (BSI)

²⁶ Kane ka jingïohipaw shaphang ki jingkñia ha ka por janmiet bad mynstep ïa kaba la batai ha me kan urlong shisha. Hynrei buhrieh ïa ka mynta, namar kan shim por shibun ha shuwa ban kan urlong shisha.”

KA BAIBL

²⁶ Bad kata ka jingithuhpaw jong kita ki janmiet bad ki step ïa kaba la ïathuh ka long kaba shisha: hynrei, to pyndait noh ïa kata ka jingithuhpaw; namar ka dei ïa kaba lawei lathai.”

DANIEL 8:26 ပူးပေါင်းရင်းမြစ်များ

ISAÏAH 24:22

U Blei un buh khapngiah ïa ki syiem kum ki koidi ha ka thliew. Un set ïa ki ha ka ïingbyndi haduh ka por jong ka jingpynshitom ïa ki.

ESEKIEL 12:27

“Ko khun u briew, ki Israel ki pyrkhat ba ki jingïohipaw bad ki jingïathuhlypa jong me ki dei shaphang ka lawei kaba dang slem.

DANIEL 10:1

(Ha ka snem kaba lai kaba u Syros u long u patsha jong ka Persia, ïa ka khubor la pynpaw ha u Daniel, ïa uba la khot ruh u Belteshassar. Ka khubor ka long kaba shisha hynrei kaba jwat eh ban sngewthuh. La batai ïa ka ha u ha ka jingïohipaw.)

DANIEL 10:14

Nga la wan ban pynsngewthuh ïa me ïa kaei ka ban jia ha ki briew jong me ha ka lawei. Kane ka dei ka jingïohipaw ïa ka lawei.”

DANIEL 11:2

Bad kaei kaba ngan ïathuh ïa me ka long kaba shisha.” U angel u la ong, “Sa lai ngut ki syiem kin synshar halor ka Persia, yn bud sa uba saw, u ban kham riewspah ban ïa baroh kiwei pat. Haba u la khlaiñbor bha bad riewspah eh un kob ïa ka hima Gris.

DANIEL 12:4

U la ong ha nga, “Bad mynta, ko Daniel to khylliap noh ïa ka kitab bad shon muhor halor jong ka haduh ka jingkut jong ka pyrthei. Ha kajuh ka por, kiba bun ki briew kin pynlehnoh-ei ïa ki jingpyrshang jong ki ban sngewthuh ïa kaei kaba jia.”

DANIEL 12:9

U la jubab, “Me dei ban leit noh mynta, ko Daniel, namar ïa kine ki kyntien dei ban ri khop bad buhrieh tad haduh ba kaba kut ka wan.

JINGPYNPAW 10:4

Hamar ba ki la kren, nga la sdang ban thoh. Hynrei nga la ïohsngew ïa ka sur kaba kren na bneng, “To buhrieh ïa kaei kaba ki hynñiew tylli ki pyrthat ki la ong; wat thoh ïa ka!”

JINGPYNPAW 22:10

Bad u la ong ha nga, “Wat bat kum kaba rieh ïa ki ktien ka jingïathuhlypa jong kane ka kitab, namar ka por ka la jan haba kane baroh kan jia.