DANIEL 8:25 - Khasi CL Bible (BSI)

²⁵ Namar ba u long uba sianti, un jop ha ki rukom shukor jong u. Un sngewsarong ïa lade bad pynjot ïa shibun briew khlem ka jingmaham. Un len wat ïa U Syiem bakhraw jong baroh, hynrei ïa u yn pynjot khlem da pyndonkam ïa kano kano ka bor ba kynja briew.

KA BAIBL

²⁵ Bad da ka buit jong u, un pynroi ïa ka jingshukor ha ka kti jong u; bad un pynkhraw ïa lade ha la ka dohnud, bad ha ka jingsngewshngain jong ki, shibun un pynjot; un ïeng ïaleh ruh ïa uta U Syiem ki syiem; hynrei, yn pynlwet ïa u ym da ka kti.

DANIEL 8:25 ပူးပေါင်းရင်းမြစ်များ

Ka Kitab U Job 34:20

U briew u lah ban ïap kynsan mynmiet. U Blei u shoh-ïap ïa ki briew bad ki jot noh; u pynïap ïa kiba khrawbor da kaba suk.

JEREMAÏAH 48:26

U Trai u ong, “To pynbuaid ïa ka Moab, namar ka la ïaleh pyrshah ïa nga. Ka Moab kan syntuid ha la ka prie, bad ki briew kin rkhie.

SNGEWSYNEI 4:6

Ïa ki briew jong nga la pynshitom wat kham jur ban ïa ki nongshong shnong jong ka Sodom, kiba la ïashem da ka jingkyllon kaba kynsan ha ki kti jong U Blei.

DANIEL 11:12

Un sngewsarong ïa la ka jingjop bad ïa ki shipai kiba bun kiba u la lah pynïap, hynrei un ym neh sah ban jop.

DANIEL 11:45

Un pynïeng ruh ïa ki ïingjaiñ syiem kiba heh hapdeng ki duriaw bad ki lumbah ha kaba ka Templ ka ïeng. Hynrei un ïap, khlem don mano mano hangta ban ïarap ïa u.”

DANIEL 7:26

Nangta ka ïingbishar ba kynja bneng kan shong bishar, kan knieh noh ïa ka bor jong u bad pynjot thiaw ïa u.

DANIEL 7:8

Katba nga dang khmih ïa ki reng, nga la ïohi ïa ka reng kaba rit, kaba mih napdeng kiwei pat. Ka la tar ïa ki lai tylli ki reng kiba la don lypa hangta. Kane ka reng ka la don ki khmat briew bad ka shyntur kaba kob sarong.

DANIEL 8:11

Ka la kyntait ban kohnguh wat ïa U Khun syiem jong ka kynhun shipai ba kynja bneng, ka la pynsangeh ïa ki jingkñia ba man ka sngi ba la ai sha u, bad ka la pyntngit ïa ka Templ.

DANIEL 9:25

Kynmaw ïa kane bad to shemphang ïa ka: Naduh ka por ba la ai ïa ka hukum ban tei pat ïa ka Jerusalem, tad haduh ba wan u nongïalam ba la jied da U Blei, ki hynñiew sien ki hynñiew snem kin leit noh. Ïa ka Jerusalem yn tei pat lem bad ki lynti bah bad ki jingïada bakhlaiñ, bad kan ïeng haduh hynñiew sien ki hynriewphew ar snem, hynrei kane kan long ka por ki jingjynjar.

KI KAM 12:23

Mar kumta hi u angel jong U Trai u la tied ïa u Herod, namar ba um shym ai burom ïa U Blei. La bam ïa u da ki ksaiñ, bad u la ïap.

2 THESSALONI 2:3

Wat shah ïano ïano ban shukor ïa phi ha kano kano ka rukom. Naba ka Sngi kan ym wan tad ynda ka Jingïaleh pyrshah ka jia bad ba uta Uba Sniew u mihpaw ïa uba la buh lypa na ka bynta ka dujok.

2 THESSALONI 2:8

Te ïa Uta u Basniew yn sa pynpaw, hynrei haba U Trai Jisu u wan, Un pynïap ïa u da ka jingpynhiar mynsiem na ka shyntur jong U bad pynjot ïa u da ka jingthaba ka jingdon ryngkat jong U.

JINGPYNPAW 17:14

Kin ïaleh pyrshah ïa U Khunlangbrot; hynrei U Khunlangbrot, lem bad ki nongbud jong u ïa kiba u la khot, u la jied, bad kiba ïaineh skhem, un jop ïa ki, namar ba u dei U Trai jong ki trai bad U Syiem jong ki syiem.”

JINGPYNPAW 19:16

Ha ka jaiñkup jong u bad ha ka lbong jong u la thoh ïa ka kyrteng: “U Syiem jong ki syiem bad U Trai jong ki trai.”