DANIEL 8:19 - Khasi CL Bible (BSI)

¹⁹ bad u la ong, “Nga pyn-i ha me ïa kaei kaba mih na ka jingbitar U Blei kan long. Ka jingïohipaw ka kdew ïa ka por jong ka jingkut.

KA BAIBL

¹⁹ Bad u la ong, “Ha khmih, ngan pyntip ha me ïa kata ka ban jia ha ka por ka bakhatduh jong kata ka jingbitar: namar ka dei ïa ka por ba la buh jong kata ka bakut.

DANIEL 8:19 ပူးပေါင်းရင်းမြစ်များ

SALM 102:13

Men ïeng bad leh-isynei ïa ka Seïon; ka por ka la poi ban leh-isynei ïa ka; kane ka dei ka por kaba biang bha.

DANIEL 11:27

Nangta ki ar ngut ki syiem kin ïashong lang ban ïabam ha kajuh ka miej, hynrei ki jingthmu jong ki, kin long kiba sniew, bad kin ïa-lamler uwei ïa uwei pat. Kin ym ïoh ïa kaei kaba ki kwah, namar ka por na ka bynta kata kam pat poi.

DANIEL 12:4

U la ong ha nga, “Bad mynta, ko Daniel to khylliap noh ïa ka kitab bad shon muhor halor jong ka haduh ka jingkut jong ka pyrthei. Ha kajuh ka por, kiba bun ki briew kin pynlehnoh-ei ïa ki jingpyrshang jong ki ban sngewthuh ïa kaei kaba jia.”

DANIEL 8:23

“Haba ka jingkut jong kito ki hima ka la jan bad ki la long bymman katta katta ba ki la dei ban shah pynshitom, yn don u syiem uba mutlop, uba runar eh, bad uba dap da ka jingshukor.

HABAKKUK 2:3

To buh ha ka jingthoh, namar kam pat dei ka por ba kan urlong. Hynrei ka por ka wan kloi, bad kaei kaba nga pyn-i ha me kan urlong. Ka i kumba ka wan suki jai, hynrei to ap ïa ka; kan sa jia long shisha, bad yn ym pyntud ïa ka.

LOUKAS 21:23

A katno kaba shyrkhei kan long ha kito ki sngi ïa ki kynthei kiba armet bad ïa ki kmie kiba don khunlung! Ka jingjynjar mynsiem bashyrkhei kan wan halor kane ka ri, bad ka jingpynshitom jong U Blei kan hap ha kane ka jaitbynriew.

JINGPYNPAW 1:1

Kane ka kitab ka long ka jingbuh jingthoh ïa ki jingjia kiba U Jisu Khrist u la pynpaw. U Blei u la ai ha u ïa kane ka jingpynpaw khnang ban pyn-i ha ki shakri jong u ïa kaei kaba dei ban jia shen. U Khrist u la pynlong ïa kine kiei kiei ban tip da u shakri jong u, u Ïoannis da kaba phah ïa la u angel sha u,

JINGPYNPAW 10:7

Hynrei haba u angel uba hynñiew u put ïa la ka turoi, te U Blei un pyndep ïa ka jingthmu barieh jong u, kumba u la pynbna ha la ki shakri, ki nongïathuhlypa.”

JINGPYNPAW 11:18

Kiba mane blei thala ki la dap da ka jingbitar shla, namar ka por jong ka jingbitar jong me ka la poi, ka por ban bishar ïa kiba ïap. Ka por ka la poi ban ainong ïa ki shakri jong me, ki nongïathuhlypa, bad ïa ki briew jong me baroh, kito baroh kiba tiengburom ïa me, kiba khraw bad kiba rit kumjuh. Ka por ka la poi ban pynjot ïa kito kiba pynjot ïa ka pyrthei!”

JINGPYNPAW 15:1

Nangta nga la ïohi ha ka suiñbneng ïa kawei pat ka jingïohi kaba maïan, kaba khraw bad kaba iphylla. La don hynñiew ngut ki angel lem bad hynñiew tylli ki khlam, kiba long kiba khatduh, namar ki long ki jingpynpaw kiba khatduh jong ka jingbitar U Blei.

JINGPYNPAW 17:17

Naba U Blei u la buh ha ki dohnud jong ki ïa ka mon ban pyndep ïa ka jingthmu jong u da kaba ïatreilang bad da kaba ai ha u mradkhlaw ïa ka bor jong ki ban synshar tad ynda ki ktien jong U Blei ki wan urlong shisha.