DANIEL 8:14 - Khasi CL Bible (BSI)

¹⁴ Nga la ïohsngew ïa uta uwei pat u angel ba u jubab, “Kan ïailong haduh shi hajar shispah sanphew sngi, ha kaba ïa ki jingkñia janmiet bad mynstep yn ym ai. Hadien kata yn sa pynbha pat ïa ka Templ.”

KA BAIBL

¹⁴ Bad u la ong ha nga, “Haduh ar hajar laispah sngi; ynda kumta, ïa kata ka jaka kyntang yn pynkhuid noh.”

DANIEL 8:14 ပူးပေါင်းရင်းမြစ်များ

JENESIS 1:5

Bad u la khot kyrteng “Ka Sngi” ïa ka jingshai, bad “Ka Miet” ïa ka jingdum. Ka janmiet ka la leit bad ka step ka la wan — kata ka la long ka sngi kaba nyngkong.

ISAÏAH 1:27

Namar ba U Trai u long uba hok, un pyllait im ïa ka Jerusalem bad ïa uwei pa uwei uba kylla-kaba-mut.

ISAÏAH 45:25

Nga, U Trai, ngan pyllait im ïa baroh ki khun ki ksiew jong u Jakob, bad kin ai ka jingïaroh ïa nga.

DANIEL 12:11

“Naduh ka por ba ki jingkñia ba man ka sngi ki sangeh, kata, naduh ka por jong ka Jingshyrkhei Ba-ijli, shihajar arspah khyndaiphew tylli ki sngi kin ïaid.

DANIEL 12:12

Suk kito kiba ïaineh tad haduh ba ki shihajar laispah laiphew san sngi ki kut noh!

DANIEL 12:7

U angel u la rah ïa la ki kti sha bneng bad u la pynlong ka jingkular kyntang ha ka kyrteng jong U Blei Bymjukut. Nga la ïohsngew ïa u ba u ong, “Kan long lai snem shiteng. Haba ka jingpynshitom beiñ ïa ki briew jong U Blei ka kut, kine kiei kiei baroh kin hap ban jia.”

DANIEL 7:25

Un kren pyrshah ïa U Blei Bahakhlieh Tam Eh bad banbeiñ ïa ki briew jong U Blei. Un pyrshang ban pynkylla ïa ki aiñ niam bad ïa ki Jingkhawai Niam jong ki, bad ki briew jong U Blei kin long hapoh ka bor jong u haduh lai snem shiteng.

DANIEL 8:26

Kane ka jingïohipaw shaphang ki jingkñia ha ka por janmiet bad mynstep ïa kaba la batai ha me kan urlong shisha. Hynrei buhrieh ïa ka mynta, namar kan shim por shibun ha shuwa ban kan urlong shisha.”

GALATIA 3:8

Ka Jingthoh Bakhuid ka la ong lypa ba U Blei un pynksan ïa ki Jentil ha lade hi da ka jingngeit. Bad kumta ka Jingthoh Bakhuid ka pynbna ïa ka khubor babha ha u Abraham: “Lyngba jong me, U Blei un kyrkhu ïa ka jaitbynriew baroh.”

JINGPYNPAW 11:15

Nangta u angel uba hynñiew u la put ïa la ka turoi, bad la don ki sur kiba jam ha bneng, kiba ong, “Ka bor ban synshar halor ka pyrthei ka long mynta ka jong U Trai jong ngi bad jong U Messaïah jong u, bad un synshar junom la junom!”

JINGPYNPAW 12:14

La ai ha ka, ar tylli ki thapniang jong u pukni uba heh khnang ba kan her noh sha la ka jaka ha kata ka ri shyiap, ha kaba yn sumar ïa ka, lai snem shiteng, ha ka jingshngain na ka jingtur ïaleh jong u Ïakjakor.

JINGPYNPAW 13:5

Ïa u mradkhlaw la shah ban pynlong ki jingkob sarong kiba long ki jingbeiñ ïa U Blei, bad la shah ïa u ban don ka bor synshar haduh sawphew ar bnai.