DANIEL 8:1 - Khasi CL Bible (BSI)

¹ Ha ka snem kaba lai ba u Belshassar u long syiem, nga la ïohi ïa ka jingïohipaw kaba ar.

KA BAIBL

¹ Ha ka snem ka balai ka jingsynshar u Belshassar syiem, ka jingithuhpaw ka la paw ha nga, ha nga, u Daniel keiñ, hadien kata kaba la paw ha nga ha kaba mynnyngkong.

DANIEL 8:1 ပူးပေါင်းရင်းမြစ်များ

ESEKIEL 1:1

Ha ka sngi kaba san jong u bnai uba saw jong ka snem kaba laiphew, ma nga, u Esekiel u lyngdoh, u khun jong u Busi, nga dang ïashong ïasah ryngkat bad ki Jiw ba la shah ringmraw harud ka wah Khebar ha Babilonia. Ka bneng ka la plie wang, bad nga la ïohi ïa U Blei ha ka jingïohipaw.

DANIEL 1:17

U Blei u la ai ha ki saw ngut ki samla shynrang ïa ka jingtip bad ka jingtbit ha ka thoh ka tar bad ha ka saiñpyrkhat. Nalor kane, u la ai ha u Daniel ka jingtbit ban batai ïa ki jingïohipaw bad ïa ki jingphohsniew.

DANIEL 10:2

Ha kata ka por, nga la ïambriew haduh lai taïew.

DANIEL 10:7

Nga la long tang ma nga hi uba la ïohi ïa ka jingïohipaw. Ki rangbah kiba ïadon bad nga kim shym ïohi ei ei, hynrei ki la sngewshyrkhei bad ki la ïamareh bad leit rieh.

DANIEL 11:4

Hynrei haba u la khlaiñbor bha, ka hima jong u kan pait bad yn phiah ha ki saw bynta. Ki syiem ki bym shym hiarpateng na u kin synshar ha ka jaka jong u, hynrei kin ym don ïa ka bor kaba u la don.

DANIEL 7:1

Ha ka snem kaba nyngkong kaba u Belshassar u long u syiem ka Babilonia, nga la phohsniew bad nga la ïohi ka jingïohipaw ha ka por mynmiet. Nga la thoh ïa ka jingphohsniew, bad kane ka dei ka jingbuh jingkynmaw ïa kaei kaba nga la ïohi ha kata ka miet:

DANIEL 7:15

Ki jingïohipaw ki la pynsheptieng ïa nga, bad la pynwit shikatdei eh ïa nga.

DANIEL 7:28

Kane ka dei kaba kut jong ka jingïathuh. Nga la sheptieng haduh katta katta ba nga la kylla lieh blaid blaid, bad ba nga la set ïa kaei kaei baroh ha lade.

DANIEL 8:15

Nga la pyrshang ban sngewthuh aïu ka jingïohipaw ka kit jingmut, haba kynsan uwei u la wan ïeng ha khmat jong nga.

DANIEL 8:2

Ha ka jingïohipaw nga la shem kynsan ïa lade ha ka nongbah Susa ba la ker kynroh ha ka probins jong ka Elam. Nga la ïeng harud ka wah Ulai,

DANIEL 9:2

Ha ka snem kaba nyngkong jong ka jingsynshar jong u, nga la pule bniah ïa ki kitab bakyntang bad pyrkhat shaphang ki hynñiewphew snem kiba ka Jerusalem kan don ha ki jingpra, kat kum kaei kaba U Trai u la lah ïathuh ha u Jeremaïah u nongïathuhlypa.