DANIEL 7:7 - Khasi CL Bible (BSI)

⁷ Katba nga dang ap khmih, u mradkhlaw uba saw u la mihpaw. U la long uba khrawbor, uba ingiew bad uba ishyrkhei. Da ki bniat nar bakhraw jong u, u khñiot pynlwet ïa ki ba u la ïoh, bad nangta u la kyrdem halor jong ki. Ym kum kita kiwei pat ki mradkhlaw, u la don shiphew tylli ki reng.

KA BAIBL

⁷ Hadien kane de, nga la ïohi ha kita ki jingithuhpaw mynmiet, bad ha khmih sa u basaw u mrad, uba itieng bad uba don bor, bad uba khlaiñ shikatdei eh; bad u la don ki bniat nar kiba heh: u la bam duh bad u la pynlwet jin, bad u la kyrdem da ki kjat ïa kaba sah: bad u la pher na kita ki mrad baroh kiba la don mynshuwa ïa u; bad u la don shiphew tylli ki reng.

DANIEL 7:7 ပူးပေါင်းရင်းမြစ်များ

2 SAMUEL 22:43

Nga pynlwet ïa ki, bad ki kylla long kum u pui pui, nga ïuh halor jong ki kum ïa ka ktieh ha ki lynti.

Ka Kitab U Job 41:14

Uei uba lah ban pynlong ïa u ban plie ïa ki tyngam jong u, kiba la ker da kito ki bniat kiba itriem?

ESEKIEL 40:2

Ha ka jingïohipaw, U Blei u la rah ïa nga sha ka ri Israel, bad u la pynshong ïa nga halor uwei u lumbah uba jrong. Nga la ïohi ha khmat jong nga shi kynhun ki jingtei kiba i kum ka nongbah.

DANIEL 2:19

Te ha kata kajuh ka miet ïa ka jingmaïan la pynpaw ha u Daniel ha ka jingïohipaw, bad u la ïaroh ïa U Blei ka bneng:

DANIEL 7:13

Ha kane ka jingïohipaw ha ka por mynmiet, nga la ïohi ïa kaei kaba i kum u briew. U la wan sha nga, ba la ker sawdong da u lyoh, bad u la leit sha uta uba la im junom bad la ai sngewbha ha u.

DANIEL 7:2

Ki lyer ki beh kyrthep na ki liang baroh bad ki shoh ïa ka sla ka duriaw-bah.

DANIEL 8:10

Ka la san khlaiñ eh ban tur ïaleh ïa ka kynhun shipai jong ka bneng, ïa ki khlur hi, bad ka la bret katto katne na ki sha khyndew bad ka la ïuh halor jong ki.

DANIEL 8:22

Ki saw tylli ki reng kiba la wan mih shalor haba la pynkheiñ noh ïa ka reng kaba nyngkong ki ïeng na ka bynta ki saw tylli ki hima sha kiba kata ka hima yn pynïabynta bad kin ym long kiba khlaiñ kum ka hima kaba nyngkong.

SEKHARAÏAH 2:1

Ha kawei pat ka jingïohipaw nga la ïohi ïa u briew uba don u ksai thew ha ka kti jong u.

JINGPYNPAW 12:3

Sa kawei pat ka dak bamaïan ka la paw ha ka sahit bneng. La don u Ïakjakor uba heh bad uba rong saw uba don hynñiew tylli ki khlieh bad shiphew tylli ki reng, bad kawei ka pansngiat ha kawei pa kawei jong ki khlieh jong u.

JINGPYNPAW 13:1

Nangta nga la ïohi ïa uwei u mradkhlaw uba wan mih na duriaw. U la don shiphew tylli ki reng bad hynñiew tylli ki khlieh; halor kawei pa kawei jong ki reng jong ka, la don ka pansngiat, bad halor kawei pa kawei jong ki khlieh jong ka la don ka kyrteng kaba krenbeiñ Blei.

JINGPYNPAW 17:12

“Ki shiphew tylli ki reng kiba me la ïohi ki long ki shiphew ngut ki syiem ki bym pat shym la sdang ban synshar, hynrei ki ban sa ïoh ka iktiar ban synshar kum ki syiem tang shi kynta bad u mradkhlaw.

JINGPYNPAW 17:7

“Balei ba me la sngewkyndit?” u angel u la kylli ïa nga. “Ngan ïathuh ha me ïa ka jingmut barieh jong kata ka briew, bad jong u mradkhlaw uba kit ïa ka, uta u mradkhlaw uba don hynñiew tylli ki khlieh bad shiphew tylli ki reng.

JINGPYNPAW 17:8

Uta u mradkhlaw u la ju im shisien, hynrei um shym im shuh; u la jan wan kiew na ka liewlong khlem trai bad un mih ban shah pynjot. Ki briew kiba shong ha ka pyrthei kiba ïa ki kyrteng jong ki ym shym la thoh ha ka kitab jong kiba im ha shuwa ban pynlong ïa ka pyrthei, kin ïasngew kyndit lut katba ki dang khmih ïa u mradkhlaw. U la ju im shisien; mynta um shym im shuh, hynrei un wan mih biang.