DANIEL 7:6 - Khasi CL Bible (BSI)

⁶ Mynba nga dang ap khmih, sa uwei pat u mradkhlaw u la mihpaw. U syriem kum u 'labasa, hynrei ha ka met jong u la don saw tylli ki thapniang, kum ki thapniang jong ka sim, bad u don saw tylli ki khlieh. U don ka dur kum uba don ka bor.

KA BAIBL

⁶ Hadien kane, nga la khmih, bad ha khmih, sa uwei pat kum u 'labasa, uba la don saw tylli ki thapniang sim ha ka ingdong jong u; uta u mrad u la don saw tylli ki khlieh ruh; bad ïa ka jingsynshar la ai ha u.

DANIEL 7:6 ပူးပေါင်းရင်းမြစ်များ

ESEKIEL 17:3

ban pyntip ïa ki ïa kaei kaba ma nga, U Trai Nongsynshar nga ong ha ki: La don u pukni radbah uba don ki sner ba-itynnat bad ki thapniang kiba khraw, kiba pyiar heh. U la her sha ki lumbah Lebanon bad u la pynkheiñ ïa ka kliar jong u dieng Kedar,

DANIEL 10:20

U la ong, “Hato me tip balei ba nga la wan sha me? Ka long ban pynpaw ha me ïa kaei kaba la thoh ha ka Kitab ka Jingshisha. Mynta nga dei ban leit noh pat bad ban ïaleh ïa u angel ïada jong ka Persia. Hadien kata, u angel ïada jong ka Gris un mihpaw. Ym don mano mano ban ïarap ïa nga lait noh u Mikhael, u angel ïada jong ka Israel.

DANIEL 2:39

Hadien jong phi kan don sa kawei ka hima, ka bym da khraw kum ka jong phi, bad hadien kata sa kaba lai, ka hima kaba da ka rnong, ka ban synshar ïa ka pyrthei baroh kawei.

DANIEL 7:4

Uba nyngkong u syriem kum u sing, hynrei u don ki thapniang kum u pukni. Katba nga dang khmih la pynkdiah ïa ki thapniang. Ïa u mradkhlaw la rah shajrong bad la pynlong ïa u ban ïeng kum u briew. Bad nangta la ai ha u ka jingmut jingpyrkhat kum u briew.

DANIEL 7:5

U mradkhlaw uba ar u syriem kum ka dngiem kaba ïeng ha ki kjat-dien jong ka. Ka la bat lai tylli ki shyieng krung hapdeng ki bniat jong ka, bad ka sur ka la ong ha ka, “Khie leit, bam shibun ka doh katba pha lah!”

HOSIA 13:7

Kumta ngan tur ïaleh ïa phi kum u sing. Kum u 'labasa ngan apthap ha ki lynti ïaid jong phi.

JINGPYNPAW 13:2

Uta u mradkhlaw u ïasyriem ïa u 'labasa, bad ki kjat kum ki kjat dngiem bad ka shyntur u kum ka shyntur sing. U Ïakjakor u la ai ha u mradkhlaw ïa ka bor jong u hi, ïa ka khet jong u, bad ïa ka bor synshar baïar jong u.