DANIEL 7:5 - Khasi CL Bible (BSI)

⁵ U mradkhlaw uba ar u syriem kum ka dngiem kaba ïeng ha ki kjat-dien jong ka. Ka la bat lai tylli ki shyieng krung hapdeng ki bniat jong ka, bad ka sur ka la ong ha ka, “Khie leit, bam shibun ka doh katba pha lah!”

KA BAIBL

⁵ Bad ha khmih sa uwei pat u mrad u ba-ar, kum ka dngiem, te la khyllie shiliang ïa u, bad lai tylli ki shyieng krung ki la don ha ka shyntur jong u hapdeng ki bniat jong u: bad ki la ong kumne ha u, ‘To ïeng, to bam doh shibun.’

DANIEL 7:5 ပူးပေါင်းရင်းမြစ်များ

2 SYIEM 2:24

U Elisha u phai dien, u la khmih da ka jingbitar ïa ki, bad u la tim ïa ki ha ka kyrteng jong U Trai. Nangta ar tylli ki dngiem kynthei ki la wan mih na khlaw bad ki la patar lyngkhot lyngkhai ïa ki sawphew ar ngut ki khynnah shynrang.

PROBERB 17:12

Ka kham bha ban ïakynduh ïa ka dngiem kaba la duh noh ïa la ki khun ban ïa kaba ïakynduh ïa uno uno uba bieit uba bunkam ha ka kam mutlop.

ISAÏAH 56:9

U Trai u la ong ïa ki ri nongwei ban wan kum ki mradkhlaw bad bam duh ïa ki briew jong u.

DANIEL 11:2

Bad kaei kaba ngan ïathuh ïa me ka long kaba shisha.” U angel u la ong, “Sa lai ngut ki syiem kin synshar halor ka Persia, yn bud sa uba saw, u ban kham riewspah ban ïa baroh kiwei pat. Haba u la khlaiñbor bha bad riewspah eh un kob ïa ka hima Gris.

DANIEL 2:39

Hadien jong phi kan don sa kawei ka hima, ka bym da khraw kum ka jong phi, bad hadien kata sa kaba lai, ka hima kaba da ka rnong, ka ban synshar ïa ka pyrthei baroh kawei.

DANIEL 5:28

Ki jingbynta, Ïa ka hima jong phi la pynbynta bad la ai ha ki Mid bad ki Persia.”

DANIEL 7:4

Uba nyngkong u syriem kum u sing, hynrei u don ki thapniang kum u pukni. Katba nga dang khmih la pynkdiah ïa ki thapniang. Ïa u mradkhlaw la rah shajrong bad la pynlong ïa u ban ïeng kum u briew. Bad nangta la ai ha u ka jingmut jingpyrkhat kum u briew.

DANIEL 7:6

Mynba nga dang ap khmih, sa uwei pat u mradkhlaw u la mihpaw. U syriem kum u 'labasa, hynrei ha ka met jong u la don saw tylli ki thapniang, kum ki thapniang jong ka sim, bad u don saw tylli ki khlieh. U don ka dur kum uba don ka bor.

HOSIA 13:8

Ngan tur ïaleh ïa phi kum ka dngiem kaba la duh ïa la ki khun, bad ngan tar arliang ïa phi. Kum u sing ngan bam ïa phi hangta hi, bad ngan tar ïa phi lyngkhot lyngkhai kum u mradkhlaw.

JINGPYNPAW 13:2

Uta u mradkhlaw u ïasyriem ïa u 'labasa, bad ki kjat kum ki kjat dngiem bad ka shyntur u kum ka shyntur sing. U Ïakjakor u la ai ha u mradkhlaw ïa ka bor jong u hi, ïa ka khet jong u, bad ïa ka bor synshar baïar jong u.