DANIEL 7:25 - Khasi CL Bible (BSI)

²⁵ Un kren pyrshah ïa U Blei Bahakhlieh Tam Eh bad banbeiñ ïa ki briew jong U Blei. Un pyrshang ban pynkylla ïa ki aiñ niam bad ïa ki Jingkhawai Niam jong ki, bad ki briew jong U Blei kin long hapoh ka bor jong u haduh lai snem shiteng.

KA BAIBL

²⁵ Bad un kren ki ktien kiba pyrshah ïa U Bahakhlieh Tam Eh, bad un pynduh noh ïa ki riewkhuid jong U Bahakhlieh Tam Eh: bad un thmu ban pynkylla ïa ki por bad ïa ka hukum; bad yn ai noh ïa ki ha ka kti jong u haduh ka por bad ki por bad ka shiteng por.

DANIEL 7:25 ပူးပေါင်းရင်းမြစ်များ

ISAÏAH 37:23

Ïano ba me pyrkhat ba me la ñiewbeiñ bad rkhiebeiñ? Me la long uba khlem burom ïa nga, U Blei bakhuid jong ki Israel.

DANIEL 11:28

U syiem ka Syria un leit phai sha ïing lem bad ki jinglute kiba u la ïoh kurup, u la kut jingmut ban pynjot ïa ka niam jong ki briew jong U Blei. Un leh kat kaba u sngewbha bad nangta un leit phai sha la ka ri.

DANIEL 12:7

U angel u la rah ïa la ki kti sha bneng bad u la pynlong ka jingkular kyntang ha ka kyrteng jong U Blei Bymjukut. Nga la ïohsngew ïa u ba u ong, “Kan long lai snem shiteng. Haba ka jingpynshitom beiñ ïa ki briew jong U Blei ka kut, kine kiei kiei baroh kin hap ban jia.”

DANIEL 2:21

U bat synshar ïa ki por bad ki aïom; u pynlong bad u weng ïa ki syiem; long ma u, uba ai ka jingstad bad ka jingshemphang.

DANIEL 3:26

Kumta u Nebukhadnessar u la leit kiew sha ka jingkhang jong ka lawar ding baklang bad u la pyrta, “Ko Shadrakh! Ko Meshakh! Ko Abednego! Ko shakri jong U Blei Bahakhlieh Tam Eh! To mihnoh shabar!” Bad kumta hi ki la wan mih shabar.

DANIEL 4:17

Kane ka dei ka jingrai jong ki angel kiba la kloi bad kiba peitngor. Kumta te, shah ba ki briew baroh ha kylleng ban tip ba U Blei Bahakhlieh Tam Eh u don ka bor halor jong ki hima ki briew bad ba u lah ban ai ïa ki ha uno uno uba u jied — wat ha ki bym da paw eh na ki briew.’

DANIEL 4:2

To shahshkor ïa ka jingïathuh jong nga ïa ki jingphylla bad ki kambah kiba U Blei Bahakhlieh Tam Eh u la pyn-i ha nga.

DANIEL 4:25

Yn beh noh ïa phi na ka imlang ka sahlang u bynriew bad phin shong phin sah bad ki mradkhlaw. Hynñiew snem phin bam phlang kum u masi dab, bad thiah ha bym don jingkah ei ei, ha kaba ka umjer kan hap halor jong phi. Te phin pdiang ba U Blei Bahakhlieh Tam Eh u bat synshar ïa baroh ki hima ki briew, bad ba u lah ban ai ïa ki ha uno uno uba u jied.

DANIEL 4:32

Ïa me yn beh noh na ka imlang ka sahlang u bynriew, men shong men sah bad ki mradkhlaw, bad bam phlang kum u masi dab haduh hynñiew snem. Nangta men pdiang ba U Blei Bahakhlieh Tam Eh u don ka bor halor baroh ki hima ki briew bad ba u lah ban ai ïa ki ha uno uno uba u jied.”

DANIEL 7:18

Bad ki briew jong U Blei Bahakhlieh Tam Eh kin ïohpdiang ïa ka bor ba kynja syiem bad ban bat ïa ka junom la junom.”

DANIEL 7:20

Bad nga la kwah ban tip shaphang ki shiphew tylli ki reng halor ka khlieh jong u bad ïa ka reng kaba la mih hadien bad kaba la pynhap ïa ki lai tylli ki reng. Ka la don ki khmat bad ka shyntur bad ka da kob sarong. Ka la kham ishyrkhei ban ïa kiwei pat.

DANIEL 7:8

Katba nga dang khmih ïa ki reng, nga la ïohi ïa ka reng kaba rit, kaba mih napdeng kiwei pat. Ka la tar ïa ki lai tylli ki reng kiba la don lypa hangta. Kane ka reng ka la don ki khmat briew bad ka shyntur kaba kob sarong.

DANIEL 8:11

Ka la kyntait ban kohnguh wat ïa U Khun syiem jong ka kynhun shipai ba kynja bneng, ka la pynsangeh ïa ki jingkñia ba man ka sngi ba la ai sha u, bad ka la pyntngit ïa ka Templ.

DANIEL 8:14

Nga la ïohsngew ïa uta uwei pat u angel ba u jubab, “Kan ïailong haduh shi hajar shispah sanphew sngi, ha kaba ïa ki jingkñia janmiet bad mynstep yn ym ai. Hadien kata yn sa pynbha pat ïa ka Templ.”

DANIEL 8:9

Na kawei na kine ki saw tylli ki reng la mih kawei ka reng barit, kaba ka bor jong ka, ka ïar shaphang shathie bad sha mihngi bad sha ka Ri ka Jingkular.

DANIEL 9:27

Uta u nongsynshar un don ka jingïateh kular kaba skhem bad kiba bun ki briew haduh hynñiew snem, bad haba shiteng na kane ka por ka la leit, un pynkut ïa ki jingkñia bad ki jingainguh. Ïa ka Jingshyrkhei Ba-ijli yn buh ha ka jaka bajrong tam jong ka Templ bad kan sah hangta tad haduh ba uta uba buh ïa ka hangta u ïashem ïa kaba kut kaba U Blei u la lah pynkhreh na ka bynta jong u.”

HOSIA 7:16

Ki ïai phai lyndet na nga sha u blei u bymdonbor ei ei ruh em. Ki long ki bym lah ban shaniah kum ka ryntieh kaba kynriang. Namar ki nongïalam jong ki, ki kren meng, kin ïap ha ka jingïap bashyrkhei, bad ki nong Ijipt kin sa ïa-rkhie.”

2 THESSALONI 2:3

Wat shah ïano ïano ban shukor ïa phi ha kano kano ka rukom. Naba ka Sngi kan ym wan tad ynda ka Jingïaleh pyrshah ka jia bad ba uta Uba Sniew u mihpaw ïa uba la buh lypa na ka bynta ka dujok.

2 THESSALONI 2:4

Un pyrshah ïa kaei kaei baroh ba la khot blei, lane ïa kano kano ban mane, bad un buh ïa lade halor jong ki baroh. Wat shapoh un leit rung bad shong hapoh ka Templ U Blei bad kam ba u long U Blei.

2 THESSALONI 2:8

Te ïa Uta u Basniew yn sa pynpaw, hynrei haba U Trai Jisu u wan, Un pynïap ïa u da ka jingpynhiar mynsiem na ka shyntur jong U bad pynjot ïa u da ka jingthaba ka jingdon ryngkat jong U.

JINGPYNPAW 12:14

La ai ha ka, ar tylli ki thapniang jong u pukni uba heh khnang ba kan her noh sha la ka jaka ha kata ka ri shyiap, ha kaba yn sumar ïa ka, lai snem shiteng, ha ka jingshngain na ka jingtur ïaleh jong u Ïakjakor.

JINGPYNPAW 12:6

Kata ka briew ka la phet sha ka ri shyiap, sha ka jaka ba U Blei u la pynkhreh na ka bynta jong ka; ha kaba yn sumar ïa ka haduh shihajar arspah hynriewphew sngi.

JINGPYNPAW 14:12

Kane ka khot ïa ka jingïaishah ha ka liang ki briew jong U Blei, kito kiba kohnguh ïa ki hukum jong U Blei bad kiba ïaineh ha U Jisu.

JINGPYNPAW 16:6

Ki la theh noh ïa ka snam jong ki briew jong U Blei bad jong ki nongïathuhlypa, bad kumta me la ai ha ki ïa ka snam ban dih. Ki la ïoh ïa kaba ki dei hok ban ïoh!”

JINGPYNPAW 17:6

Bad nga la ïohi ïa kata ka briew ba ka la buaid da ka snam jong ki briew jong U Blei, bad da ka snam jong kito kiba la shah pynïap namar ba ki la ïaineh skhem ha U Jisu. Haba nga la ïohi ïa ka, nga la sngewkyndit shikatdei eh.

JINGPYNPAW 18:24

Ïa ka Babilon la pynshitom namar ïa ka snam jong ki nongïathuhlypa bad jong ki briew jong U Blei la shem hapoh ka nongbah; ho-oid, ka snam jong kito baroh kiba la shah pynïap ha ka pyrthei.