DANIEL 7:18 - Khasi CL Bible (BSI)

¹⁸ Bad ki briew jong U Blei Bahakhlieh Tam Eh kin ïohpdiang ïa ka bor ba kynja syiem bad ban bat ïa ka junom la junom.”

KA BAIBL

¹⁸ Hynrei, ki riewkhuid jong U Bahakhlieh Tam Eh kin ïoh ïa kata ka hima, bad kin shim ïa kata ka hima ha la ka rta, jin ha la ka rta, ha la ka rta hi.’

DANIEL 7:18 ပူးပေါင်းရင်းမြစ်များ

SALM 45:16

Ma me, ko syiem jong nga, men don bun ki khun shynrang ki ban long syiem hadien ki kpa tymmen jong me, bad men pynlong ïa ki, ki nongsynshar ha ka pyrthei baroh kawei.

SALM 49:14

kin kut ha kaba ïap kum ki langbrot, bad ka Jingïap kan long u nongaplangbrot jong ki. Kiba hok kin jop halor jong ki, katba ki met jong ki kin pyut kloi ha ka pyrthei kiba ïap, jngai na ki ïing jong ki.

ISAÏAH 14:2

Bun ki jaitbynriew kin ïarap ïa ki paid Israel ban leit phai sha ka ri kaba U Trai u la ai ha ki, bad hangta ki jaitbynriew kin shakri ïa ki Israel kum ki mraw. Kito kiba shisien ki la kem ïa ki Israel mynta kin shah kem ha ki Israel, bad ki paid Israel kin synshar halor jong kito kiba shisien ki la banbeiñ ïa ki.

DANIEL 7:14

La ai ha u ka iktiar, ka jingpyndonburom, bad ka bor ba kynja syiem, khnang ba ki briew jong ki jaitbynriew baroh, ki jait ki kynja, bad ki ktien ki thylliej kin shakri ïa u. Ka iktiar jong u kan neh junom, bad ka hima jong u kan ym kut shuh.

DANIEL 7:17

U la ong, “Kine ki saw tylli ki mradkhlaw kiba khraw eh ki long ki saw tylli ki hima ki ban sa mih ha ka pyrthei.

DANIEL 7:22

Nangta uta uba la im junom u la wan bad u la pynbna ïa ka jingbishar ha ka liang jong ki briew jong U Blei Bahakhlieh Tam Eh. Ka por ka la poi na ka bynta ki briew jong U Blei ban pdiang ïa ka bor kaba kynja syiem.

DANIEL 7:25

Un kren pyrshah ïa U Blei Bahakhlieh Tam Eh bad banbeiñ ïa ki briew jong U Blei. Un pyrshang ban pynkylla ïa ki aiñ niam bad ïa ki Jingkhawai Niam jong ki, bad ki briew jong U Blei kin long hapoh ka bor jong u haduh lai snem shiteng.

DANIEL 7:27

Ïa ka bor bad ka jingkhraw jong baroh ki hima ha ka pyrthei yn ai ha ki briew jong U Blei Bahakhlieh Tam Eh. Ka bor ba kynja syiem jong ki kan ym kut shuh bad ki nongsynshar baroh ha ka pyrthei kin shakri bad kohnguh ïa ki.”

OBADAÏAH 1:17

“Hynrei ha u lum Seïon kin don ki ban lait im, bad kan long ka jaka bakyntang. Ki briew jong u Jakob kin ïohkynti ïa ka ri kaba dei hok ka jong ki.

LOUKAS 1:33

bad un long u syiem jong ki khun ki ksiew u Jakob junom; ka hima jong u kan ym kut shuh da lei lei!”

1 KORINTH 6:2

Hato phim tip ba ki briew U Blei kin sa bishar ïa ka pyrthei? Te, namarkata, lada phi long ki ban bishar ïa ka pyrthei, hato phim long kiba lah ban bishar ïa kiei kiei kiba rit?

EPHESOS 1:3

To ngin ai ki jingnguh sha U Blei bad U Kpa U Jisu Khrist uba U Trai jong ngi! Naba ha U Khrist, u la kyrkhu ïa ngi da kaba ai ha ngi ïa ka jingkyrkhu ba kynja mynsiem baroh ha ka pyrthei kaba kynja bneng.

EPHESOS 6:12

Naba ngim ïaleh pyrshah ïa ki briew hynrei pyrshah ïa ki bor bymman ba kynja mynsiem ha ka pyrthei ba kynja bneng, ki nongsynshar, ki bor synshar, bad ki bor pyrthei jong kane ka juk ba-dum.

JINGPYNPAW 20:4

Nangta nga la ïohi ïa ki khet bad ha kito kiba shong ha ki la ai ïa ka bor ban bishar. Nga la ïohi ruh ïa ki mynsiem jong kito kiba la shah pynïap namar ba ki la pynbna ïa ka jingshisha ïa kaba U Jisu u la pynpaw bad ïa ka ktien U Blei. Kim shym la mane ïa u mradkhlaw lane ïa ka dur jong u, lymne ba ki la pdiang ïa ka shab jong u mradkhlaw ha ki shyllangmat jong ki lane ha ki kti jong ki. Ki la im pat bad ki la synshar kum ki syiem bad U Khrist shihajar snem.

JINGPYNPAW 22:5

Yn ym don shuh kano kano ka miet, bad kin ym donkam ïa ki sharak lane ïa ka jingshai ka sngi, namar U Trai uba U Blei un long ka jingshai jong ki bad kin synshar kum ki syiem junom la junom.

JINGPYNPAW 3:21

Ha kito kiba ïoh ïa ka jingjop ngan ai ïa ka hok ban shong ha syndah jong nga ha ka khet jong nga, kumba nga ruh nga la jop bad mynta nga shong ha syndah U Kpa jong nga ha ka khet jong u.

JINGPYNPAW 5:10

Me la pynlong ïa ki, ka hima ki lyngdoh ban shakri ïa U Blei jong ngi, bad kin synshar ha ka pyrthei.”