DANIEL 7:14 - Khasi CL Bible (BSI)

¹⁴ La ai ha u ka iktiar, ka jingpyndonburom, bad ka bor ba kynja syiem, khnang ba ki briew jong ki jaitbynriew baroh, ki jait ki kynja, bad ki ktien ki thylliej kin shakri ïa u. Ka iktiar jong u kan neh junom, bad ka hima jong u kan ym kut shuh.

KA BAIBL

¹⁴ Bad la ai ha u ka jingsynshar, bad ka burom, bad ka hima, ba ki kynja bynriew baroh, ki jaid bynriew bad ki ktien kin shakri ïa u: ka jingsynshar jong u ka long ka jingsynshar bymjukut, ka ban ym duh noh, bad ka hima jong u ka ban ym pynjot noh ïa ka.

DANIEL 7:14 ပူးပေါင်းရင်းမြစ်များ

SALM 102:22

haba ki jaitbynriew bad ki hima kin ïalumlang bad mane ïa U Trai.

SALM 103:19

U Trai u la buh ïa ka khet jong u ha bneng; u long u syiem halor baroh.

SALM 145:13

Ka jingsynshar jong me ka long bymjukut, bad me long u syiem junom. U Trai u long uba ïaineh ha ki jingkular jong u, bad uba isynei ha ki kam jong u baroh.

SALM 146:10

U Trai u long u syiem junom. U Blei jong pha, ko Seïon, un synshar baroh shi rta. To ïaroh ïa U Trai!

SALM 45:6

Ka hima kaba U Blei u la ai ïa me kan neh junom la junom. Me synshar halor ki briew jong me da ka hok;

SALM 72:11

Ki syiem baroh kin dem ngon ha khmat jong u, ki jaitbynriew baroh kin shakri ïa u.

SALM 72:17

Ai ban ym klet da lei lei ïa ka kyrteng jong u syiem; ai ba ka nam jong u kan neh kumba neh ka sngi. Ai ba ki jaitbynriew baroh kin kyrpad ïa U Blei ban kyrkhu ïa ki kumba u la kyrkhu ïa u syiem.

SALM 8:6

Me la thung ïa u, u nongsynshar halor kiei kiei baroh ba me la thaw; me la buh ïa u halor ki jingthaw baroh:

ISAÏAH 16:5

Nangta uwei na ki khun ki ksiew jong u Dabid un long syiem, bad un synshar ïa ki briew da ka jingïaineh bad ka jingieit. Un long uba kloi ban leh ïa kaba dei, bad un khmih ba yn leh ïa ka jingbishar hok.)

ISAÏAH 60:12

Hynrei ïa ki hima ki bym shakri ïa pha yn pynjot thiaw.

ISAÏAH 9:6

Ïa i khunlung la kha ha ngi! Ïa u khun la ai ha ngi! Bad un long u nongsynshar jong ngi. Yn khot ïa u, “U Nongsyllok Baphylla,” “U Blei Bakhrawbor,” “U Kpa Bymjukut,” “U Syiem ka Jingsuk.”

ISAÏAH 9:7

Ka bor ba kynja syiem jong u kan nang san; ka hima jong u kan ïailong borabor ha ka jingsuk. Un synshar kum u nongmih bujli ïa u Syiem Dabid, da kaba pynshong nongrim ïa ka bor jong u ha ka hok bad ka jingbishar hok, naduh mynta haduh kaba kut ka por. U Trai Badonbor Baroh u la kut jingmut ban leh ïa kane baroh.

DANIEL 2:35

Kumta hi ka nar, ka dewbyrtha, ka rnong, ka rupa bad ka ksiar ki la khyllem bad ki la long kum u pui pui ha ka jaka shoh kew ha ka por lyiur. Ka lyer ka la kit noh ïa u, khlem da pynsah dien ei ei. Hynrei u maw u la san ban long u lumbah uba tap ïa ka pyrthei baroh kawei.

DANIEL 2:37

Ko Syiem Kynrad, phi long uba khraw tam na ki syiem baroh. U Blei ka bneng u la pynlong ïa phi u patsha bad u la ai ha phi ka bor, ka jingkhlaiñ, bad ka burom.

DANIEL 2:44

Ha ka por jong kito ki nongsynshar U Blei ka bneng un seng ka hima ka ban ym kut junom. Yn ym lah ban jop ïa ka, hynrei kan pynjot thiaw ïa baroh kito ki hima, bad nangta kan neh junom.

DANIEL 3:4

u sangot u la pynbna ha ka sur bajam, “Ko ki briew jong ki ri baroh, ki jaitbynriew bad ki jait ktien!

DANIEL 4:3

“Katno kiba khraw ki long ki jingphylla jong U Blei kiba u pyn-i ha ngi! Katno kiba khrawbor ki long ki kambah kiba u leh! U Blei u long u syiem junom; un synshar ha ki por baroh.

DANIEL 6:26

Nga hukum ba ha kylleng ka hima jong nga uwei pa uwei u dei ban sheptieng bad burom ïa U Blei jong u Daniel. “U long U Blei uba im bad un synshar junom. Ïa ka hima jong u yn ym pynjot lano lano ruh, bad ka bor jong u kan ym poi lano lano ruh sha ka jingkut.

DANIEL 7:18

Bad ki briew jong U Blei Bahakhlieh Tam Eh kin ïohpdiang ïa ka bor ba kynja syiem bad ban bat ïa ka junom la junom.”

DANIEL 7:27

Ïa ka bor bad ka jingkhraw jong baroh ki hima ha ka pyrthei yn ai ha ki briew jong U Blei Bahakhlieh Tam Eh. Ka bor ba kynja syiem jong ki kan ym kut shuh bad ki nongsynshar baroh ha ka pyrthei kin shakri bad kohnguh ïa ki.”

OBADAÏAH 1:21

Ki rangbah nongjop jong ka Jerusalem kin tur ïaleh ïa ka Edom bad kin synshar halor jong ka. Bad U Trai da lade hi un long u Syiem.”

MIKAH 4:7

Ki la long kiba dkoh bad jngai na ïing, hynrei ngan pynlong ka jingsdang kaba thymmai bad kito kiba sah, bad kin long ka jaitbynriew kaba khraw. Ngan synshar halor jong ki ha u lum Seïon naduh kata ka por bad junom.”

MATHAÏOS 11:27

“U Kpa jong nga u la ai ha nga ïa kiei kiei baroh. Ym don mano mano ba ithuh ïa U Khun lait tang U Kpa, bad ym don mano mano ba ithuh ïa U Kpa lait tang U Khun bad kito ha kiba U Khun u jied ban pynpaw ïa u.

MATHAÏOS 28:18

U Jisu u la wan hajan bad u la ong ha ki, “La ai ha nga baroh ka bor ha bneng bad ha khyndew.

LOUKAS 1:33

bad un long u syiem jong ki khun ki ksiew u Jakob junom; ka hima jong u kan ym kut shuh da lei lei!”

LOUKAS 10:22

“U Kpa jong nga u la ai ha nga ïa kiei kiei baroh. Ym don batip U Khun u long uei lait tang U Kpa, bad ym don batip U Kpa u long uei lait tang U Khun bad kito ha kiba U Khun u jied ban pynpaw ïa U.”

ÏOANNIS 12:34

U paidbah u la jubab, “Ka hukum jong ngi ka ïathuh ba U Messaïah un im junom. Kumno, te, me lah ban ong ba ka dei ïa U Khun U Briew ban kyntiew? Uei une U Khun U Briew?”

ÏOANNIS 3:35

U Kpa u ieit ïa la U Khun bad u la buh ïa kiei kiei baroh ha ka bor jong u.

HEBRU 12:28

Te, to ngin long kiba sngewnguh, namar ngi ïohpdiang ïa ka hima ka bymlah pynkhih. To ngin long kiba sngewnguh bad mane ïa U Blei ha ka rukom ka ban pynsngewbha ïa u, da ka jingsngew burom bad ka jingtiengburom;

1 PETROS 3:22

uba la leit noh sha bneng bad u don ha ka kti kamon U Blei, da kaba synshar halor ki angel baroh bad ki nongsynshar bad ki bor ba kynja bneng.

JINGPYNPAW 1:6

bad pynlong ïa ngi ka hima jong ki lyngdoh ban shakri ïa U Blei bad U Kpa jong u. Ha U Jisu Khrist, to long ka burom bad ka bor junom la junom! Amen.

JINGPYNPAW 11:15

Nangta u angel uba hynñiew u la put ïa la ka turoi, bad la don ki sur kiba jam ha bneng, kiba ong, “Ka bor ban synshar halor ka pyrthei ka long mynta ka jong U Trai jong ngi bad jong U Messaïah jong u, bad un synshar junom la junom!”

JINGPYNPAW 17:14

Kin ïaleh pyrshah ïa U Khunlangbrot; hynrei U Khunlangbrot, lem bad ki nongbud jong u ïa kiba u la khot, u la jied, bad kiba ïaineh skhem, un jop ïa ki, namar ba u dei U Trai jong ki trai bad U Syiem jong ki syiem.”

JINGPYNPAW 3:21

Ha kito kiba ïoh ïa ka jingjop ngan ai ïa ka hok ban shong ha syndah jong nga ha ka khet jong nga, kumba nga ruh nga la jop bad mynta nga shong ha syndah U Kpa jong nga ha ka khet jong u.