DANIEL 7:13 - Khasi CL Bible (BSI)

¹³ Ha kane ka jingïohipaw ha ka por mynmiet, nga la ïohi ïa kaei kaba i kum u briew. U la wan sha nga, ba la ker sawdong da u lyoh, bad u la leit sha uta uba la im junom bad la ai sngewbha ha u.

KA BAIBL

¹³ “Nga la ïohi ha ki jingithuhpaw mynmiet, “bad ha khmih, u la wan uwei da ki lyoh bneng kum u khun u briew, bad u la wan sha uta uba na mynhyndai kulong, bad ki la wallam ïa u hajan jong u.

DANIEL 7:13 ပူးပေါင်းရင်းမြစ်များ

SALM 110:2

Na Seïon U Trai un pynïar ïa ka bor syiem jong me. “To synshar halor ki nongshun jong me,” u ong.

SALM 2:8

To pan, bad ngan ai ha me ïa ki jaitbynriew baroh; ka pyrthei baroh kawei kan long ka jong me.

SALM 47:5

U Blei u kiew sha ka khet jong u. Ki don ki jingpyrta jong ka jingkmen bad ki jingput bajam ïa ki turoi, katba U Trai u kiew shalor.

JEREMAÏAH 49:19

Kum u sing uba wan mih na ki khlaw barben artet ïa ka Jordan haduh ki jaka phlang bajyrngam, ngan wan bad ban pynlong ïa ki nong Edom ban phet krad kyndit na ka ri jong ki. Nangta u nongïalam uba nga jied un synshar ïa ka hima. Uno uba lah ban ïanujor bad nga? Uno uba nud ban ïakob bad nga? Uei u nongsynshar uba lah ban ïeng pyrshah ïa nga?

ESEKIEL 1:26

Halor ka tnum ka don kaei kaei kaba i kum ka khet; ba la shna da u mawkordor Sapphir; bad don bashong halor kata ka khet ba i kum u briew.

DANIEL 2:44

Ha ka por jong kito ki nongsynshar U Blei ka bneng un seng ka hima ka ban ym kut junom. Yn ym lah ban jop ïa ka, hynrei kan pynjot thiaw ïa baroh kito ki hima, bad nangta kan neh junom.

DANIEL 7:12

Kiwei pat ki mradkhlaw ki la shah knieh noh ka bor jong ki, hynrei la shah ïa ki ban im shipor.

DANIEL 7:2

Ki lyer ki beh kyrthep na ki liang baroh bad ki shoh ïa ka sla ka duriaw-bah.

DANIEL 7:22

Nangta uta uba la im junom u la wan bad u la pynbna ïa ka jingbishar ha ka liang jong ki briew jong U Blei Bahakhlieh Tam Eh. Ka por ka la poi na ka bynta ki briew jong U Blei ban pdiang ïa ka bor kaba kynja syiem.

DANIEL 7:9

Mynba nga dang khmih, la buh ïa ki khet ha la ki jaka. Uta uba la im junom u la shong halor kawei na ki khet. Ki jaiñ jong u ki la long kiba lieh kum ka ïor, bad u shñiuh jong u, u long kum u 'saiwul nylla. Ïa ka khet jong u, la buh halor ki shalyntem ding, kaba la klang da ka ding,

DANIEL 8:15

Nga la pyrshang ban sngewthuh aïu ka jingïohipaw ka kit jingmut, haba kynsan uwei u la wan ïeng ha khmat jong nga.

MATHAÏOS 13:41

U Khun U Briew un phah ïa la ki angel ba lumlang napoh ka Hima jong u ïa kito baroh kiba pynlong ïa ki briew jong u ban leh pop bad ïa baroh kiwei pat kiba leh ïa kiei kiei kiba sniew,

MATHAÏOS 24:30

Nangta ka dak U Khun U Briew kan paw ha ka sahit bneng, bad baroh ki jaitbynriew jong ka pyrthei kin ïam haba ki ïohi ïa U Khun U Briew ba u wan ha ki lyoh bneng ha ka bor bad ka burom bakhraw.

MATHAÏOS 25:31

“Haba U Khun U Briew un wan kum u Syiem bad ki angel baroh lem bad u, un shong halor ka khet syiem jong u,

MATHAÏOS 26:64

U Jisu u la jubab ïa u, “Me ong kumta. Hynrei nga ong ïa phi baroh: Naduh kane ka por phin ïohi ïa U Khun U Briew ba u da shong ha ka liang kamon jong U Bakhrawbor tam bad u da wan ha ki lyoh bneng!”

MATHAÏOS 28:18

U Jisu u la wan hajan bad u la ong ha ki, “La ai ha nga baroh ka bor ha bneng bad ha khyndew.

MATHAÏOS 8:20

U Jisu u la jubab ïa u, “Ki myrsiang ki don ki krem, bad ki sim ki don ki skum, hynrei U Khun U Briew um don jaka hangno hangno ban dem bad ban pynjahthait.”

MARKOS 13:26

Nangta U Khun U Briew un mihpaw, da kaba wan ha ki lyoh ha ka bor bakhraw bad ka burom.

LOUKAS 21:27

Nangta U Khun U Briew un paw, u da wan ha ki lyoh lem bad ka bor bad ka burom bakhraw.

LOUKAS 21:36

Da husiar bad duwai borabor ba phin don ka jingkhlaiñ ban leit ha ka jingshngain lyngba kito kiei kiei ki ban sa jia bad ban ïeng ha khmat jong U Khun U Briew.”

LOUKAS 24:27

Bad U Jisu u la batai ha ki ïa kaei kaba la ong shaphang jong u hi ha baroh ki Jingthoh Bakhuid, da kaba sdang da ki kitab u Moses bad ki jingthoh jong ki nongïathuhlypa baroh.

ÏOANNIS 12:34

U paidbah u la jubab, “Ka hukum jong ngi ka ïathuh ba U Messaïah un im junom. Kumno, te, me lah ban ong ba ka dei ïa U Khun U Briew ban kyntiew? Uei une U Khun U Briew?”

ÏOANNIS 3:13

Bad ym don uno uno uba la ju leit kiew sha bneng lait tang U Khun U Briew, uba la wan hiar na bneng.”

ÏOANNIS 5:27

Bad u la ai ha U Khun ïa ka hok ban bishar, namar u long U Khun U Briew.

KI KAM 7:56

“Ha khmih!” u la ong. “Nga ïohi ïa ka bneng ba la plie bad ïa U Khun U Briew ba u ïeng ha ka liang kamon jong U Blei!”

1 THESSALONI 4:17

nangta ïa ngi kiba dang im ha kata ka por yn lumlang lem bad ki ha ki ha ki lyoh ban ïashem ïa U Trai ha suiñ. Bad kumta ngin ïailong borabor bad U Trai.

1 TIMOTHI 6:16

Dei tang ma u marwei u bymïap shuh; u shong ha ka jingshai ha kaba ym don uba lah ban leit sha jan jong u. Ym don uno uno uba la ju ïohi ïa u; ym don uno uno uba lah ban ïohi ïa u. Ha u, to long ka burom bad ka borbah bymjukut! Amen.

HEBRU 2:14

Namar ba kita ki khun, kumba u khot ïa ki, ki long ki briew na ka doh bad ka snam, U Jisu u la long u briew kum ma ki hi bad ïoh bynta lang na ka jinglongbriew jong ki. U la leh ïa kane, khnang ba da ka jingïap jong u, u lah ban pynduh ïa u Bymman, uba don ka bor halor ka jingïap,

HEBRU 9:24

Namar U Khrist um shym la leit rung shapoh ka Jaka kaba Kyntang Tam ba la shna da u briew, kaba long tang ka jingpyrthuh bud ïa kata kaba shisha. U la rung shapoh ka bneng hi, ha kaba mynta u mihkhmat na ka bynta jong ngi ha ka jingdon ryngkat U Blei.

JINGPYNPAW 1:13

bad napdeng jong ki, la don uba i kum U Khun U Briew, uba kup ka jaiñkup kaba kot haduh ki kjat jong u, bad u don u panpoh ksiar sawdong ka shadem jong u.

JINGPYNPAW 1:18

Nga long uta uba im! Nga la ïap, hynrei mynta nga im junom la junom. Nga don ka bor halor ka jingïap bad ka pyrthei kiba ïap.

JINGPYNPAW 1:7

Ha khmih, u wan ha ki lyoh! Baroh kin ïohi ïa u, kynthup ïa kito kiba la sum ïa u. Ki jaitbynriew baroh ha ka pyrthei kin ïamkthang namar jong u. Kumta kan long!

JINGPYNPAW 14:14

Nangta nga la khmih, bad la don u lyoh uba lieh, bad uba shong halor u lyoh u la long uta uba i kum u briew, uba don ka pansngiat ksiar halor ka khlieh jong u bad ka rashi kaba nep ha ka kti jong u.