DANIEL 7:10 - Khasi CL Bible (BSI)

¹⁰ bad ïa ka wahduid da ka ding la theh noh na ka. La don bun hajar ngut ki briew hangta kiba shakri ïa u, bad da ki million ngut ki briew ki la ïeng ha khmat jong u. Ka ïingbishar ka la sdang ïa ka jingïalang jong ka, bad ïa ki kitab la plied.

KA BAIBL

¹⁰ Ka wah ding ka la mih bad ka la tuid noh na khmat jong u: hajar ki hajar ki la shakri ïa u, bad shiphew hajar sien shiphew hajar ki la ïeng ha khmat jong u: ka jingbishar la long, bad ki kitab la plied.

DANIEL 7:10 ပူးပေါင်းရင်းမြစ်များ

1 SYIEM 22:19

U Mikaïah u ong shuh shuh: “Mynta sngap ïa kaei ba U Trai u ong! Nga ïohi ïa U Trai ba u shong ha ka khet jong u ha bneng, lem bad ki angel jong u kiba ïeng hajan jong u.

2 KHRONIKL 18:18

U Mikaïah u ong shuh: “Mynta sngap ïa kaei kaba U Trai u ong! Nga ïohi ïa U Trai ba u shong halor ka khet jong u ha bneng, ryngkat bad baroh ki angel jong u kiba ïeng harud jong u.

Ka Kitab U Job 25:3

Hato don mano mano ba lah ban ñiew ïa ki angel kiba shakri ïa u? Hato don kano kano ka jaka kaba ka jingshai U Blei kam lah ban tyngshaiñ?

SALM 103:21

Ïaroh ïa U Trai, phi baroh ki bor ba kynja bneng, phi ki shakri jong u, kiba leh ïa ka mon jong u!

SALM 18:8

Ka tdem ka la mih na ki thliew khmut jong u, bad ka ding kaba bam duh bad ki rnga kiba rhem na ka shyntur jong u.

SALM 50:3

U Blei jong ngi u wan, hynrei ym ha ka jingjar jar; ka ding kaba klang ka don ha khmat jong u, ka 'erïong kaba beh kyrthep ka don sawdong jong u.

SALM 68:17

Lem bad ki phew hajar ki kali ïapom bakhlaiñ jong u, U Trai u wan na Sinai sha ka jaka bakhuid.

ISAÏAH 30:27

Ïa ka bor bad ka burom U Trai yn ïohi naduh na sha jngai. Ka ding bad ka tdem ki pyn-i ïa ka jingbitar jong u. U kren, bad ki ktien jong u ki meh kum ka ding.

ISAÏAH 30:33

Naduh mynshuwa eh ïa ka jaka la pynkhreh ha kaba ka ding bajur kan thang ïa u patsha ka Assyria. Ka long kaba jylliew bad kaba ïar, bad ba la kynton jrong da ki diengthang. U Trai un pyrsad da ka phylliah ding ban thang ïa ka.

DANIEL 12:1

U angel uba kup ki jaiñ linen u la ong, “Ha kata ka por, u Mikhael, u angel uba khraw, uba ïada ïa ki briew jong me, un mihpaw. Nangta kan don ka por ki jingjynjar, kaba kham sniew tam naduh ba ki jaitbynriew ki mih. Haba kata ka por ka wan, baroh ki briew jong ka jaitbynriew jong me kiba ïa ki kyrteng jong ki la thoh ha ka kitab ka jong U Blei yn pynim.

DANIEL 7:22

Nangta uta uba la im junom u la wan bad u la pynbna ïa ka jingbishar ha ka liang jong ki briew jong U Blei Bahakhlieh Tam Eh. Ka por ka la poi na ka bynta ki briew jong U Blei ban pdiang ïa ka bor kaba kynja syiem.

DANIEL 7:26

Nangta ka ïingbishar ba kynja bneng kan shong bishar, kan knieh noh ïa ka bor jong u bad pynjot thiaw ïa u.

SEKHARAÏAH 14:5

Phin lait phet lyngba kane ka them kaba pynkhlad arliang ïa une u lumbah. Phin phet kumba ki kpa tymmen jong phi ki la leh mynba u jumai u khynñiuh ha ka por jong u Ussaïah u syiem ka Judah. U Trai U Blei jong nga un wan, un wallam ïa ki angel baroh lem bad u.

MATHAÏOS 25:31

“Haba U Khun U Briew un wan kum u Syiem bad ki angel baroh lem bad u, un shong halor ka khet syiem jong u,

DEUTERONOMI 33:2

U Trai u wan na u Lum Sinai; u mih kum ka sngi ha Edom, bad u tyngshaiñ ha la ki briew na u Lum Paran. Shiphew hajar ki angel ki don ryngkat bad u, bad ka ding kaba meh ha ka kti kamon jong u.

HEBRU 1:14

Ki angel ki dei kiei, te? Ki dei ki mynsiem kiba shakri ïa U Blei bad ïa ki la phah da u ban ïarap ïa kito kiba dei ban ïohpdiang ïa ka jingpynim.

HEBRU 12:22

Pynban, phi la wan sha u lum Seïon bad sha ka nongbah jong U Blei uba im, ka Jerusalem kaba kynja bneng, ha kaba la don bun hajar ki angel.

JUDAH 1:14

Dei u Enokh, uba hynñiew na kiba hiarpateng beit na u Adam, uba la ïathuhlypa la slem bah ïa kane shaphang jong ki: “U Trai un wan lem bad ki hajar ki angel bakhuid jong u

JINGPYNPAW 11:18

Kiba mane blei thala ki la dap da ka jingbitar shla, namar ka por jong ka jingbitar jong me ka la poi, ka por ban bishar ïa kiba ïap. Ka por ka la poi ban ainong ïa ki shakri jong me, ki nongïathuhlypa, bad ïa ki briew jong me baroh, kito baroh kiba tiengburom ïa me, kiba khraw bad kiba rit kumjuh. Ka por ka la poi ban pynjot ïa kito kiba pynjot ïa ka pyrthei!”

JINGPYNPAW 5:11

Nga la khmih biang, bad nga la ïohsngew ïa ki angel, da ki hajar bad ki million na ki! Ki la ïeng sawdong ka khet, ki saw tylli ki jingthaw ba-im, bad ki nongsharai balang,