DANIEL 7:1 - Khasi CL Bible (BSI)

¹ Ha ka snem kaba nyngkong kaba u Belshassar u long u syiem ka Babilonia, nga la phohsniew bad nga la ïohi ka jingïohipaw ha ka por mynmiet. Nga la thoh ïa ka jingphohsniew, bad kane ka dei ka jingbuh jingkynmaw ïa kaei kaba nga la ïohi ha kata ka miet:

KA BAIBL

¹ Ha ka snem ka banyngkong ka jong u Belshassar u syiem ka Babilon, u Daniel u la phohsniew bad u la ïohi ki jingithuhpaw halor ka jingthiah jong u: ynda kumta, u la thoh ïa kata ka jingphohsniew bad u la ïathuh ïa ka jingkyllum jong kita kiei kiei ruh.

DANIEL 7:1 ပူးပေါင်းရင်းမြစ်များ

JENESIS 15:1

Hadien kane, u Abram u la ïoh ka jingïohipaw bad ïohsngew ïa U Trai ba u ong ha u, “Wat sheptieng, ko Abram. Ngan ïada ïa me na ka jingma, bad ngan ai ha me ka bainong kaba khraw.”

JENESIS 46:2

Te U Blei u kren ha u ha ka jingïohipaw mynmiet, bad u ong, “Jakob, Jakob!” U ruh u jubab, “Oi, nga hangne.”

Ka Kitab U Job 4:13

Kum ka jingruma ka pynwit ïa ka jingïohthiah jong nga.

ISAÏAH 30:8

U Blei u la ong ïa nga ban thoh ha ka kot ba ki briew kiba kumno ki long, khnang ba kan don ka jingthoh jingkynmaw baneh shi rta, haduh katno ki la long kiba sniew.

ISAÏAH 8:1

U Trai u ong ha nga, “Shim ka lyngkhot tiar thoh jingthoh kaba heh bad thoh ha ka da ki dak kiba heh: ‘Maher-shalal-hash-bas.’

JEREMAÏAH 23:28

U nongïathuhlypa uba ïoh ka jingphohsniew u dei ban ong ïa ka ba ka long tang ka jingphohsniew, hynrei u nongïathuhlypa uba la ïohsngew ïa ka khubor jong nga u dei ban pynbna hok ïa kata ka khubor. Kaei ka jingbha u jyntang ban ïanujor bad u kew?

JEREMAÏAH 27:7

Baroh ki jaitbynriew kin shakri ïa u, bad kin shakri ïa u khun bad u khun ksiew jong u tad haduh ba ka por kan wan ïa ka hima jong u hi ban kyllon. Te ka jaitbynriew jong u kan shakri ïa ki jaitbynriew badonbor bad ïa ki syiem bakhraw.

JEREMAÏAH 36:32

Te nga la shim ïa kawei pat ka kot kli bad nga la ai ïa ka ha u sekretari jong nga u Barukh, bad u la thoh hangta ïa kiei kiei baroh kiba nga la ong. U la thoh ïa kiei kiei baroh kiba la don ha ka kot kli kaba nyngkong bad kijuh ki khubor kiba nga la ong ha u ban thoh.

JEREMAÏAH 36:4

Kumta nga la khot ïa u Barukh u khun jong u Neraïah bad nga la ong ïa u ban thoh katba nga dang ïathuh ha u ïa kiei kiei baroh kiba U Trai u la lah ong ha nga. Bad u Barukh u la thoh ïa ka baroh ha ka kot kli.

ESEKIEL 1:1

Ha ka sngi kaba san jong u bnai uba saw jong ka snem kaba laiphew, ma nga, u Esekiel u lyngdoh, u khun jong u Busi, nga dang ïashong ïasah ryngkat bad ki Jiw ba la shah ringmraw harud ka wah Khebar ha Babilonia. Ka bneng ka la plie wang, bad nga la ïohi ïa U Blei ha ka jingïohipaw.

ESEKIEL 40:2

Ha ka jingïohipaw, U Blei u la rah ïa nga sha ka ri Israel, bad u la pynshong ïa nga halor uwei u lumbah uba jrong. Nga la ïohi ha khmat jong nga shi kynhun ki jingtei kiba i kum ka nongbah.

DANIEL 1:17

U Blei u la ai ha ki saw ngut ki samla shynrang ïa ka jingtip bad ka jingtbit ha ka thoh ka tar bad ha ka saiñpyrkhat. Nalor kane, u la ai ha u Daniel ka jingtbit ban batai ïa ki jingïohipaw bad ïa ki jingphohsniew.

DANIEL 2:1

Ha ka snem kaba ar ba u Nebukhadnessar u long syiem, u la ïoh ka jingphohsniew. Ka la pynkhuslai shibun eh ïa u kat haduh ba um shym ïohthiah,

DANIEL 2:26

U syiem u la ong ha u Daniel (ïa uba la khot ruh u Belteshassar), “Hato me lah ban ïathuh ha nga ïa kaei kaba nga phohsniew bad aïu ka kit jingmut?”

DANIEL 4:13

“Katba nga dang pyrkhat shaphang ka jingïohipaw, nga la ïohi ïa u angel uba wan hiar na bneng, uba la kloi bad uba peitngor.

DANIEL 4:5

Hynrei nga la ïoh ka jingphohsniew kaba pynsheptieng bad nga la ïohi ki jingïohipaw kiba shyrkhei mynba nga dang ïohthiah.

DANIEL 5:1

Ha kawei ka miet u syiem Belshassar u la khot sngewbha shihajar ngut ki rangbah donburom sha ka jingkhawai kaba khraw, bad ki la ïadih waiñ lang.

DANIEL 5:22

“Hynrei ma phi, u khun jong u, phim shym la pynrit ïa lade, wat la phi la tip ïa kane baroh.

DANIEL 5:30

Ha kata kajuh ka miet ïa u Belshassar, u syiem ka Babilonia, la pynïap;

DANIEL 7:13

Ha kane ka jingïohipaw ha ka por mynmiet, nga la ïohi ïa kaei kaba i kum u briew. U la wan sha nga, ba la ker sawdong da u lyoh, bad u la leit sha uta uba la im junom bad la ai sngewbha ha u.

DANIEL 7:15

Ki jingïohipaw ki la pynsheptieng ïa nga, bad la pynwit shikatdei eh ïa nga.

DANIEL 7:7

Katba nga dang ap khmih, u mradkhlaw uba saw u la mihpaw. U la long uba khrawbor, uba ingiew bad uba ishyrkhei. Da ki bniat nar bakhraw jong u, u khñiot pynlwet ïa ki ba u la ïoh, bad nangta u la kyrdem halor jong ki. Ym kum kita kiwei pat ki mradkhlaw, u la don shiphew tylli ki reng.

DANIEL 8:1

Ha ka snem kaba lai ba u Belshassar u long syiem, nga la ïohi ïa ka jingïohipaw kaba ar.

JOEL 2:28

“Hadien ngan sa theh ïa U Mynsiem jong nga ha uwei pa uwei: Ki khun shynrang bad ki khun kynthei jong phi kin pynbna ïa ka khubor jong nga; ki tymmen shynrang kin don ki jingphohsniew, bad ki samla shynrang jong phi kin ïohi ki jingïohipaw.

AMOS 3:7

U Trai Nongsynshar um ju leh ei ei khlem da pynpaw ïa ka jingthmu jong u ha la ki shakri, ki nongïathuhlypa.

HABAKKUK 2:2

U Trai u la ai ïa kane ka jubab: “To thoh shai ha ki lyngkniap dewbyrtha ïa kaei ba ngan pynpaw ha me, khnang ban lah ban pule mar syn peit.

JINGKHEIÑ 12:6

bad U Trai u ong, “Mynta sngap aïu ngan ong! Haba don ki nongïathuhlypa hapdeng jong phi, nga pynpaw ïa lade ha ki ha ka jingïohipaw bad nga kren ha ki ha ki jingphohsniew.

Ka Shithi U Paul Sha Ki Nong Rom 15:4

Ïa kiei kiei ba la thoh ha ki Jingthoh Bakhuid, la thoh ban hikai ïa ngi, khnang ba ngin don ïa ka jingkyrmen lyngba ka jingïaishah bad ka jingpynshlur kiba ki Jingthoh Bakhuid ki ai ïa ngi.

2 KORINTH 12:1

Nga dei ban sngewsarong, wat la kam wanrah jingbha ei ei. Hynrei ngan kren mynta shaphang ki jingïohipaw bad ki jingpynpaw ba la ai ha nga da U Trai.

JINGPYNPAW 1:19

Thoh te, ïa kiei kiei kiba me ïohi; kita kiei kiei kiba long mynta bad kita kiei kiei ki ban sa jia hadien.

JINGPYNPAW 10:4

Hamar ba ki la kren, nga la sdang ban thoh. Hynrei nga la ïohsngew ïa ka sur kaba kren na bneng, “To buhrieh ïa kaei kaba ki hynñiew tylli ki pyrthat ki la ong; wat thoh ïa ka!”