DANIEL 6:8 - Khasi CL Bible (BSI)

⁸ Kumta ai ba u Syiem Kynrad un pynmih ïa kane ka hukum bad soi ïa ka, bad kan treikam, ka aiñ jong ki Mid bad ki Persia, ka bym lah ban pynkylla.”

KA BAIBL

⁸ Mynta, ko syiem, to pynskhem ïa kane ka adong, bad to soi ïa kane ka jingthoh, ba yn ym pynkylla shuh ïa ka, katba kum ka hukum ki Mid bad ki Persha, ka bym ju kylla.”

DANIEL 6:8 ပူးပေါင်းရင်းမြစ်များ

ESTHER 1:19

Lada ka pynsngewbha ïa u Syiem, pynmih ka jingpynbna syiem ba ka Bashti kan ym lah shuh ban wan ha khmat u syiem. Hukum ban thoh ïa kata ha ki aiñ jong ka Persia bad Media, khnang ba kata kan ym kylla shuh. Nangta ai ïa ka jaka jong ka kum ka mahadei sha kano kano ka kynthei kaba kham bha.

ESTHER 3:12

Kumta ha ka sngi kaba khatlai jong u bnai banyngkong, u Haman u la khot ïa ki sekretari jong u syiem bad u la pule ha ki ba kin bud ïa ka jingpynbna bad ong ïa ki ban pynkylla ktien sha baroh ki jait ktien bad rukom thoh ba la pyndonkam ha ka hima bad ban phah sha baroh ki nongsynshar, ki lat bad rangbah synshar. La pynmih ha ka kyrteng jong u syiem Serksis bad shon muhor da ka sati jong u.

ESTHER 8:10

U Mordekai u la thoh ïa ki shithi ha ka kyrteng u syiem Serksis, bad u shon ïa ki da ka muhor syiem. La leit rah da ki nongshong kulai kiba shong ha ki kulai bastet na ki sem kulai syiem.

ESTHER 8:3

Nangta ka Esther ka kren biang ha u syiem da kaba dem ha ki kjat jong u bad ïam. Ka kyrpad ïa u ban leh ei ei ban pynsangeh ïa ka jingsylla basniew kaba u Haman, uba hiarpateng na u Agag, pyrshah ïa ki Jiw.

ESTHER 8:8

Hynrei ka jingpynbna ba la dep pynmih ha ka kyrteng u syiem bad ba la shon da ka muhor syiem, ym lah ban pynkylla. Phi lah pat ban thoh sha ki Jiw ïa kaei kaei kaba phi kwah; bad phi lah ban thoh ïa ka ha ka kyrteng jong nga bad shon ïa ka da ka muhor syiem.”

SALM 94:21

kiba ïasylla lang pyrshah ïa ki briew kiba bha bad rai pynrem ïa kiba lui lui sha ka jingïap.

ISAÏAH 10:1

Phi long ba la tim! Phi thaw ïa ki aiñ bymhok ban banbeiñ ïa ki briew jong nga.

DANIEL 5:28

Ki jingbynta, Ïa ka hima jong phi la pynbynta bad la ai ha ki Mid bad ki Persia.”

DANIEL 6:12

baroh na ki, ki la ïaleit lang sha u syiem ban mudui ïa u Daniel. Ki la ong, “Ko Syiem Kynrad, phi la soi ïa ka hukum ba na ka bynta ki laiphew sngi kiba bud ïa uno uno uba kyrpad ïa kano kano na uno uno u blei lane na uno uno u briew lait tang na phi, yn bret ïa u hapoh ka thliew ba-dap da ki sing.” U syiem u la jubab, “Ho-oid, ka hukum kaba pyrkhing, ka aiñ jong ki Mid bad ki Persia, ka bym lah ban pynkylla.”

DANIEL 6:15

Nangta ki rangbah ki la wan biang sha u syiem bad ki la ong ha u, “U Syiem Kynrad u tip ba kat kum ki aiñ jong ki Mid bad ki Persia ym don kano kano ka hukum kaba u syiem u la ai ïa kaba lah ban pynkylla.”

MATHAÏOS 24:35

Ka bneng bad ka pyrthei kin leit noh, hynrei ki ktien jong nga kin ym leit noh da lei lei.