DANIEL 6:7 - Khasi CL Bible (BSI)

⁷ Baroh ma ngi kiba pynïaid ïa ka hima jong phi — ki nongpynïaidkam, ki lat, ki lat kiba kham hapoh, bad kiwei pat ki rangbah pynïaidkam — ki la ïamynjur ba u Syiem Kynrad u dei ban pynmih ka hukum ban pyntreikam pyrkhing ïa ka. To ai ki hukum ba haduh laiphew sngi yn ym shah ïano ïano ban kyrpad ei ei na uno uno u blei lane na uno uno u briew lait noh tang na u Syiem Kynrad. Ïa uno uno uba pynkheiñ ïa kane ka hukum dei ban bret shapoh ka thliew kaba la dap da ki sing.

KA BAIBL

⁷ Ki rangbah baroh jong ka hima, ki deputi bad ki lyngskor, ki myntri bad ki nongsynshar, ki la ïapyrkhat lang ban buh ïa ka hukum syiem, bad ban pynlong ïa ka adong ka baskhem, ba uno uno u ban kyrpad jingkyrpad na uno uno u blei lane u briew, hapdeng laiphew sngi, lait na me, ko syiem, yn bred noh ïa uta sha ka krem ki sing.

DANIEL 6:7 ပူးပေါင်းရင်းမြစ်များ

SALM 10:9

u ap ha la ka jakarieh kum u sing. U dem ban ap ïa kiba duk, u kem ïa ki ha ki jingriam jong u bad u paring ïa ki sharud.

SALM 2:2

Ki syiem jong ki, ki ïeng pyrshah, ki nongsynshar jong ki, ki ïasylla lang pyrshah ïa U Trai bad pyrshah ïa u syiem uba u la jied.

SALM 59:3

Ha khmih! Ki ap ban pynïap ïa nga; ki briew kiba runar ki ïalumlang pyrshah ïa nga. Kam dei namar kano kano ka pop ne jingbakla ba nga la leh,

SALM 59:5

To khie, A Trai U Blei Badonbor Baroh, bad wan ban ïarap ïa nga; khmih da lade hi, A Blei ki Israel! To ïeng noh bad pynshitom ïa kiba mane bleithaw; to wat pyn-i jingisynei ïa ki nongshetkylla basniew!

SALM 62:4

Phi kwah tang ban tan shapoh na ka kyrdan donburom jong u; phi sngewbha ha ki jinglamler. Phi kren ki kyntien kyrkhu, hynrei ha ka dohnud jong phi, phi tim ïa u.

SALM 83:5

Ki ïamynjur halor ka jingthmu jong ki; bad ki pynlong ka jingïateh lok pyrshah ïa me.

SALM 94:20

Mem don ei ei ban leh ïa ki nongsynshar bymhok, kiba pynlong ïa ka jingbymhok ban ksan,

DANIEL 2:4

Ki la jubab ïa u syiem ha ka ktien Aramaik, “To u Syiem Kynrad un im junom! To ïathuh ha ngi ïa ka jingphohsniew jong phi, bad ngin batai ïa ka ha phi.”

DANIEL 3:11

bad ba ïa uno uno u bym dem ngon bad mane dei ban bret ha ka lawar ding baklang.

DANIEL 3:2

Te u syiem u la ai hukum ïa baroh ki rangbah synshar jong u ban ïawanlang — ki khun syiem shynrang, ki lat, ki lat kiba kham hapoh, ki kommisshonor, ki nongbat tyngka, ki nongbishar, ki majistor, bad kiwei pat ki rangbah synshar jong ki jylla. Ki la dei ban wan sha ka jingpynkyntang ïa ka durbriew kaba u syiem Nebukhadnessar u la phah pynïeng.

DANIEL 3:27

Baroh ki khun syiem shynrang, ki lat, ki lat kiba kham hapoh, bad kiwei pat ki rangbah synshar jong u syiem ki la ïalumlang ban khmih ïa ki lai ngut ki rangbah, ki bym shym la pynmynsaw da ka ding. U shñiuh jong ki u khlem ing, ki jaiñ jong ki, ki khlem ing, bad ym shym la don kano kano ka jingsma tdem ha ki.

DANIEL 3:6

Ïa uno uno u bym dem ngon bad mane yn bret kloi lan ha ka lawar ding baklang.”

DANIEL 6:16

Kumta u syiem u la ai ki hukum ban kem ïa u Daniel bad ban bret ïa u shapoh ka thliew kaba dap da ki sing. U la ong ha u Daniel, “Ai ba U Blei jong me, ïa uba me shakri hok katta katta, un pyllait im ïa me.”

DANIEL 6:22

U Blei u la phah ïa u angel jong u ban set ïa ki shyntur jong ki sing khnang ba kin ym pynmynsaw ïa nga. U la leh ïa kane namar u tip ba nga la long uba lui lui bad namar ba ngam shym la leh kano kano kaba bakla ïa phi, ko Syiem Kynrad.”

MIKAH 6:5

Ko ki briew jong nga, to kynmaw ïa kaei kaba u Balak u syiem ka Moab u la thmu ban leh ïa phi bad kumno u Balaam u khun jong u Beor u la jubab ïa u. To kynmaw ïa kiei kiei kiba la jia ha lynti na ka jaka shong dara ha Akasia sha Gilgal. To kynmaw ïa kine kiei kiei bad phin shem ïa kaei kaba nga la leh ban pyllait im ïa phi.”

NAHUM 2:12

U sing u pynïap ïa ka jingbam jong u bad u tar ïa ka lyngkhot lyngkhot na ka bynta ka sing jong u bad ki khun jong ka; u la pyndap ïa ka krem jong u da ka doh ba la patar.

MATHAÏOS 12:14

Nangta ki Pharisi ki la mihnoh bad ki la pynlong ki jingthmu ban pynïap ïa U Jisu.

MATHAÏOS 26:4

bad ki la ïapynlong ki jingthmu ban kem ïa U Jisu ha kaba rieh bad ban pynïap ïa u.

MARKOS 15:1

Dang step eh ki rangbah lyngdoh ki la ïakynduh kyrkieh bad ki rangbah nongïalam, ki nonghikai jong ka Hukum, bad ïa ka Dorbar baroh kawei, bad ki la shna ïa ki jingthmu jong ki. Ki la teh kynjri ïa U Jisu, ki la ïalam noh ïa u, bad ki la aiti ïa u sha u Pilat.

ÏOANNIS 12:10

Kumta ki rangbah lyngdoh ki la ïasylla ban pynïap ïa u Lasaros ruh, namar na kaei kaba la jia ha u, bun ki Jiw ki la kyntait ïa ki bad ki la ngeit ha U Jisu.