DANIEL 6:5 - Khasi CL Bible (BSI)

⁵ Ki la ïa-ong para ma ki, “Ngin ym shem kano kano da kaba ngi lah ban kynnoh ïa u Daniel lymda dei kaei kaei kaba ïasoh bad ka niam jong u.”

KA BAIBL

⁵ Ynda kumta, kine ki briew ki la ïa-ong, “Ngin ym shem ïa kano kano ruh ka daw ïa une u Daniel, lymda ngin shem ïa kaei kaei ruh ban ïaleh ïa u shaphang ka hukum U Blei jong u.”

DANIEL 6:5 ပူးပေါင်းရင်းမြစ်များ

ESTHER 3:8

Kumta u Haman u ong ïa u syiem. “Ka don kawei ka jaitbynriew kaba la saphriang kylleng sawdong ka hima jong phi bad ba lah ban shem ha kawei pa kawei ka probins. Ki bud ïa ki dustur kiba ïapher na ki jong kiwei pat ki jaitbynriew. Nalor kata kim kohnguh ïa ki aiñ jong ka hima, kumta kan ym long kaba bha ïa phi ban shah ïa ki.

SALM 37:32

U briew bymman u ap siar ïa u briew uba bha, bad u pyrshang ban pynïap ïa u;

JEREMAÏAH 29:7

Trei na ka bynta ka jingbha jong ki nongbah sha kaba nga la pynlong ïa phi ban leit kum ki koidi. Duwai sha nga na ka bynta jong ki, namar lada ki manbha, phi ruh phin manbha.

1 SAMUEL 24:17

Nangta u ong ha u Dabid “Phi la leh ïa kaba dei, bad nga la leh bakla. Phi la lehbha shikatdei eh ïa nga, katba nga pat nga la leh haduh katne kaba sniew ïa phi!

1 SAMUEL 29:3

Ki nongïalam jong ki Philistia haba ki ïohi ïa ki, ki kylli, “Kine ki Hebru ki wan leh aïu hangne?” U Akhish u jubab, “Une u dei u Dabid, uba ju long u shakri jong u Saul, u syiem Israel. La kham slem mynta u la don ryngkat bad nga. Naduh ba u la wan phet sha nga, haduh kane ka sngi, ngam shym lap ba u la leh bakla ei ei.”