DANIEL 6:4 - Khasi CL Bible (BSI)

⁴ Te kiwei pat ki nongpynïaid bad ki lat ki la ïapyrshang ban shem kaei kaei kaba bakla bad ka rukom kaba u Daniel u pynïaid ïa ka hima, hynrei kim lah, namar ba u Daniel u long uba lah ban shaniah, bad um shym leh kano kano kaba bakla lane ka jingbymhok.

KA BAIBL

⁴ Ynda kumta, kita ki rangbah bad ki lyngskor ki la ïapyrshang ban wad daw ïa u Daniel shaphang ka kam ka hima; hynrei, kim lah shem daw lymne jingduna; namar ba u la long uba ngeit, ym shym la shem ïa ka jingbakla lane ka jingduna ha u.

DANIEL 6:4 ပူးပေါင်းရင်းမြစ်များ

JENESIS 41:38

“Ngim lah ban shem u briew uba kham bit ban ïa u Joseph, u briew uba don U Mynsiem U Blei.”

JENESIS 43:18

Haba la ïalam ïa ki sha ka ïing, ki la sheptieng bad ki la ïa-pyrkhat, “La ïalam ïa ngi shane imat namar kito ki pisa ba la pynphai ha ki byrni jong ngi ha ka sien kaba nyngkong. Kin sa kynrup kynsan ïa ngi, kin shim noh ïa ki kada jong ngi, bad kin pynlong ïa ngi ki mraw jong u.”

PROBERB 29:27

Uba hok u isih ïa u bymman, bad u bymman u isih ïa uba hok.

EKLESIASTIS 4:4

Nga la tip ruh balei ba ki briew ki trei shitom ban jop: Ka dei namar ba ki bishni ïa kiei kiei kiba ki paramarjan jong ki, ki don. Hynrei ka long ka bymmyntoi. Ka long kum ka jingbeh ïa ka lyer.

JEREMAÏAH 18:18

Nangta ki briew ki la ong, “To ngin leh ei ei shaphang u Jeremaïah! Yn don borabor ki lyngdoh ki ban hikai ïa ngi, ki rangbah bastad ban ai jingsyllok ïa ngi, bad ki nongïathuhlypa ban pynbna ïa ka khubor jong U Blei. To ngin wallam ki jingmudui pyrshah ïa u, bad sangeh ban pynshahshkor ïa kaei kaba u ong.”

JEREMAÏAH 18:23

Hynrei, A Trai, me tip ïa baroh ki jingthmu sniew jong ki ban pynïap ïa nga. Wat ym map ïa ka jingsniew jong ki lane map ïa ka pop jong ki. Bret ïa ki sha tbian ha ka jingshahjop bad leh ïa ki katba me dang bitar.”

JEREMAÏAH 20:10

Nga ïohsngew uwei uwei baroh u ïa-pasiaw, “Ka jingshyrkhei ka don ha kylleng! Ïa ngin ïamudui ïa u sha ki bor pynïaid!” Wat ki paralok kiba ïajan eh ki ap khmih ïa ka jingkyllon jong nga. “Lehse lah ban pynthame ïa u,” ki ong; “te ngi lah ban kem ïa u bad ïoh pynhiarkput.”

JEREMAÏAH 29:7

Trei na ka bynta ka jingbha jong ki nongbah sha kaba nga la pynlong ïa phi ban leit kum ki koidi. Duwai sha nga na ka bynta jong ki, namar lada ki manbha, phi ruh phin manbha.

DANIEL 3:8

Ka dei ha kata ba katto katne ki nong Babilonia ki la shim kabu ban kren pyrshah ïa ki Jiw.

DANIEL 5:12

U la don ka jinglah kaba kham pher bad u long uba stad bad uba tbit ha kaba batai ïa ki jingphohsniew, uba ai jubab ïa ki jingkyntip, bad batai ïa ki jingmaïan; kumta to phah khot ïa une u briew, u Daniel, ïa uba u syiem u la ai kyrteng u Belteshassar, bad un ïathuh ïa phi aïu kane baroh ka kit jingmut.”

DANIEL 6:22

U Blei u la phah ïa u angel jong u ban set ïa ki shyntur jong ki sing khnang ba kin ym pynmynsaw ïa nga. U la leh ïa kane namar u tip ba nga la long uba lui lui bad namar ba ngam shym la leh kano kano kaba bakla ïa phi, ko Syiem Kynrad.”

MATHAÏOS 26:4

bad ki la ïapynlong ki jingthmu ban kem ïa U Jisu ha kaba rieh bad ban pynïap ïa u.

MATHAÏOS 27:18

U la tip bha ba ki rangbah Jiw kiba ha ka bor ki la aiti ïa U Jisu ha u namar ba ki bishni.

LOUKAS 20:20

Kumta ki la khmih ïa ka kabu. Ki la pynbam pisa ïa ki katto katne ngut ki rangbah ban leh mynleh kum kiba shida, bad ki la phah ïa ki ban riam ïa U Jisu da ki jingkylli, khnang ba kin lah ban aiti ïa u ha ki bor synshar bad sha ka bor jong u lyngskor ka Hima Rom.

LOUKAS 20:26

Hangta ha khmat jong ki paidbah, kim shym la lah ban kem daw ïa u ha kano kano, kumta ki la sngap jar, ki da lyngngoh ha ka jingjubab jong u.

LOUKAS 22:2

Ki rangbah lyngdoh bad ki nonghikai ka Hukum ki la sheptieng ïa u paidbah, bad kumta ki la pyrshang ban wad lad ban pynïap ïa U Jisu ha kaba jar jar.

ÏOANNIS 19:4

U Pilat u la mih shabar sa shisien bad u la ong ha u paidbah, “Ha khmih, ngan wallam shabar ïa u hangne ha phi ba phin lah ban ïohi ba ngam lap daw ei ei ïa ka ban pynrem ïa u.”

2 KORINTH 11:12

Ngan ïai leh ïa kaei kaba nga leh mynta, khnang ban khanglad ïa kito kiwei ki “apostol” ba kin ïoh daw ban kob sarong bad ban ong ba ki trei ha kajuh ka rukom kumba ngi trei.

PHILIPPI 2:15

khnang ba phi lah ban long kiba lui lui bad kiba khuid kum ki khun kiba janai jong U Blei, kiba im ha ka pyrthei jong ki briew kiba bamsap bad kiba pop. Phi dei ban tyngshaiñ hapdeng jong ki kum ki khlur kiba pynshai ïa ka sahit bneng, kumba phi tyrwa ha ki ïa ka khubor jong ka jingim.

1 TIMOTHI 5:14

Te ngan kham lah ba ki riewkynthei kiba dang kham samla kin shongkurim, kin don ki khun ki kti, bad sumar ïa la ki ïing, khnang ban ym ailad ïa ki nongshun jong ngi ban kren sniew ïa ngi.

TITOS 2:8

Pyndonkam da ki ktien kiba shongnia ïa kiba yn ym don ba wad daw, khnang ba yn ïoh pynlehrain ïa ki nongshun jong me da ka bym don ei ei kaba sniew ban ïoh kren pyrshah shaphang jong ngi.

1 PETROS 2:12

Ka rukom im jong phi hapdeng ki bymngeit ka dei ban long kaba bha kumta ba haba ki mudui ïa phi kum ki nongleh bymman, kin hap ban ithuh shai ïa ki kam babha jong phi bad kumta kin ïaroh ïa U Blei ha ka Sngi ka jingwan jong u.

1 PETROS 3:16

hynrei, to leh ïa kata ha ka jingjai jai bad da kaba burom. To sumar khuid ïa ka jingïatiplem jong phi, khnang ba haba phi shah krenbeiñ, kita kiba kren sniew ïa ka jinglong jingim babha jong phi kum ki nongbud jong U Khrist kin shah lehrain na ka bynta kaei kaba ki ong.

NONGBISHAR 14:4

U kpa bad ka kmie jong u kim tip ba kane baroh ka dei na U Trai, naba U Trai u wad ka lad ban ïaleh ïa ki Philistia. Ha kata ka por ki Philistia ki synshar ïa ki Israel.

1 SAMUEL 12:4

Ki paidbah ki la jubab, “Em, phim shym la shukor ïa ngi, lane banbeiñ ïa ngi, lane shim ei ei nano nano.”

1 SAMUEL 18:14

U Dabid u ïalam ïa la ki briew sha ka thma bad u jop ha kat kaba u leh, namar U Trai u don ryngkat bad u.

1 SAMUEL 22:14

U Ahimelekh u jubab, “U Dabid u dei u rangbah pynïaidkam uba hok tam uba phi don! U dei u pyrsa kurim jong phi, u kapten jong ki shipai kiba ïada ïa phi, bad ïa uba la ñiewburom shikatdei eh da uwei pa uwei ha ka ïingsyiem jong phi.