DANIEL 6:27 - Khasi CL Bible (BSI)

²⁷ U pynim bad u pyllait im; u leh ïa ki jingphylla bad ki kambah ha bneng bad ha pyrthei. U la pynim ïa u Daniel na kaba shah pynïap ha ki sing.”

KA BAIBL

²⁷ U pyllait bad U pynim, bad U pynlong ïa ki dak khyllah bad ïa ki jingphylla ha ka bneng bad ha ka khyndew; Uba la pynim ïa u Daniel na ka bor ki sing.”

DANIEL 6:27 ပူးပေါင်းရင်းမြစ်များ

Ka Kitab U Job 36:15

Hynrei U Blei u hikai ïa ki briew lyngba ki jingshah shitom, bad u pyndonkam ïa ka jingjynjar ban plie ïa ki khmat jong ki.

SALM 145:13

Ka jingsynshar jong me ka long bymjukut, bad me long u syiem junom. U Trai u long uba ïaineh ha ki jingkular jong u, bad uba isynei ha ki kam jong u baroh.

SALM 18:48

bad u pyllait im ïa nga na ki nongshun jong nga. A Trai, me ai ha nga ka jingjop halor ki nongshun jong nga bad me ïada ïa nga na ki briew kiba lehbor.

SALM 18:50

U Blei u ai ki jingjop kiba khraw ha u syiem jong u; u pynpaw ïa ka jingieit kaba neh ha uta uba u la jied, ha u Dabid bad ha ki khun ki ksiew jong u junom.

SALM 32:7

Me long ka jakarieh jong nga; men pyllait im ïa nga na ka jingjynjar; nga rwai jam ïa ka jingpynim jong me, namar ba me ïada ïa nga.

SALM 35:17

Sa katno slem, A Trai men shu peit kai? To pyllait ïa nga na ki jingtur ïaleh jong ki; to pyllait im ïa nga na kine ki sing.

SALM 97:10

U Trai u ieit ïa kito kiba isih ïa kaba sniew; u ïada ïa ka jingim jong ki briew jong u; u pyllait im ïa ki na ka bor jong ki bymman.

JEREMAÏAH 10:10

Hynrei ma me, A Trai, me long U Blei bashisha, me long U Blei uba im bad u syiem bymjukut. Haba me bitar, ka pyrthei ka khynñiuh; ki jaitbynriew kim lah shah ïa ka jingbitar jong me.

DANIEL 2:44

Ha ka por jong kito ki nongsynshar U Blei ka bneng un seng ka hima ka ban ym kut junom. Yn ym lah ban jop ïa ka, hynrei kan pynjot thiaw ïa baroh kito ki hima, bad nangta kan neh junom.

DANIEL 4:31

Ha shuwa ba ki kyntien kin mih shabar na ka shyntur jong u, ka sur ka la kren na bneng, “Ko syiem Nebukhadnessar, to shahshkor ïa kaei kaba nga ong! Ïa ka bor ba kynja syiem jong me la shim noh mynta na me.

DANIEL 4:34

“Haba ki hynñiew snem ki la leit,” la ong u syiem, “Nga la khmih shajrong sha sahit bneng, bad ka jingtipbriew jong nga ka la wan phai. Nga la ïaroh ïa U Blei Bahakhlieh Tam Eh bad nga la ai ka jingpyndonburom bad ka burom ïa uta uba im junom. “Un synshar junom, bad ka hima jong u kan neh ha ki por baroh.

DANIEL 4:35

U la khmih halor ki briew jong ka pyrthei kum bym long ei ei; ki angel ha bneng bad ki briew ha ka pyrthei ki don hapoh ka jingsynshar jong u. Ym don mano mano ba lah ban pyrshah ïa ka mon jong u lane kylli jingkylli ïa kaei kaba u leh.

DANIEL 6:20

Haba u la poi hangta, u la khot jam da ka jingkhmih lynti, “Ko Daniel, u shakri jong U Blei uba im! Hato U Blei uba me shakri hok katta katta u la lah mo ban pyllait im ïa me na ki sing?”

ÏOANNIS 4:48

U Jisu u la ong ha u, “Ym don uwei ruh na phi u ban ngeit lymda u ïohi ïa ki kambah bad ki kamphylla.”

KI KAM 4:30

To kner ïa la ka kti ban pynkhiah, bad ai ba ki kamphylla bad ki kambah yn leh ha ka kyrteng jong U Jisu u Shakri bakhuid jong me.”

HEBRU 2:4

Ha kajuh ka por, U Blei ruh u la ai shuh ïa la ki sakhi ha ki, da kaba leh bun ki kambah bad ki kamphylla bad da kaba ïasam ïa ki jingai U Mynsiem Bakhuid kat kum ka mon jong u.

1 SAMUEL 17:26

U Dabid u kylli ïa ki rangbah kiba ïeng hajan jong u, “Un ïoh aïu uta u briew uba pynïap ïa une u Philistia bad uba pyllait ïa ki Israel na kane ka jingjahburom? Nalor kata, uei une u Philistia bymngeit uba ñiewbeiñ ïa ka kynhun ïapom jong U Blei uba im?”