DANIEL 6:24 - Khasi CL Bible (BSI)

²⁴ Nangta u syiem u la ai ki hukum ban kem ïa baroh ki rangbah kiba la lah mudui ïa u Daniel, bad la bret ïa ki, lem bad ki tnga jong ki bad ki khun jong ki, shapoh ka thliew kaba dap da ki sing. Ha shuwa ban kin poi sha tbian jong ka thliew, ki sing ki la kynrup ïa ki bad pynkheiñ ïa ki shyieng jong ki baroh.

KA BAIBL

²⁴ Bad u syiem u la hukum, bad ki la wallam ïa kita ki briew kiba la mudui ïa u Daniel, bad ki la bred noh ïa ki shapoh kata ka krem ki sing, ma ki, ki khun jong ki, bad ki tnga jong ki; bad kita ki sing ki la jop ïa ki, bad haba kim pat lap ba poi sha trai kata ka krem, ki la pynlwet jin ïa ki shyieng jong ki baroh.

DANIEL 6:24 ပူးပေါင်းရင်းမြစ်များ

2 SYIEM 14:6

Pynban, um shym pynïap ïa ki khun jong ki hynrei u kohnguh ïa kaei kaba U Trai u la hukum ha ka Aiñ u Moses: “Ki kmie ki kpa kim dei ban shah pynïap na ka bynta ki kam sniew ba la leh da ki khun jong ki, bad ki khun kim dei ban shah pynïap na ka bynta ki kam sniew ba la leh da ki kmie ki kpa jong ki; ïa u briew dei ban pynïap tang namar ka kam sniew kaba u hi u la leh.”

ESTHER 7:10

Kumta ïa u Haman la sdien ha ka diengphasi kaba u la shna na ka bynta u Mordekai. Nangta ka jingbitar u syiem ka la long jai jai.

ESTHER 9:25

Hynrei ka Esther ka la leit sha u syiem bad u syiem u la pynmih ki hukum da ka jingthoh, kaba ka jingmih ka long ba u Haman u la shah ïa ka kupar kaba u la thmu na ka bynta ki Jiw — ma u bad ki khun shynrang jong u ki la shah sdien ha u diengphasi.

SALM 54:5

To ai ba U Blei un pyndonkam ïa ki kam sniew jong ki hi ban pynshitom ïa ki nongshun jong nga. Un pynjot ïa ki namar u long uba ïaineh.

PROBERB 11:8

Uba hok u lait na ka jingjynjar; pynban u bymman u hap ha ka.

PROBERB 19:9

Ym don uba kren lamler ha ka ïingbishar u ban ïohlait na ka jingpynshitom; u la shah pynrem.

ISAÏAH 38:13

Baroh shi miet nga kyang bad ka jingpang, la kumba u sing u pynkheiñ ïa ki shyieng jong nga. Nga pyrkhat ba U Blei u la pynkut ïa ka jingim jong nga.

JEREMAÏAH 34:17

Te mynta, ma nga, U Trai, nga ong ba phim shym la kohnguh ïa nga: phim shym la ai ka jinglaitluid ïa la ki para Israel. Kumta te, ngan ai ha phi ïa ka jinglaitluid: ka jinglaitluid ban ïap da ka thma, ka jingpang, bad ka jingïapthngan. Ngan pynlong ïa kawei pa kawei ka jaitbynriew ha ka pyrthei ban sngewshyrkhei ïa kaei kaba nga leh ïa phi.

DANIEL 3:22

Mynta namar ba u syiem u la ai ki hukum bapyrkhing na ka bynta ban pynlong ïa ka lawar ding kaba khluit haduh katta katta, ki thylliej ding ki la thang ïa ki nongap phira kiba ïalam ïa ki rangbah sha ka lawar ding.

DEUTERONOMI 24:16

“Ki kmie ki kpa kim dei ban shah pynïap namar ki kam runar ki khun jong ki, bad ki khun ruh kim dei ban shah pynïap namar ki kam runar ki kmie ki kpa jong ki; u briew u dei ban shah pynïap tang namar ka kam runar jong u hi.