DANIEL 6:16 - Khasi CL Bible (BSI)

¹⁶ Kumta u syiem u la ai ki hukum ban kem ïa u Daniel bad ban bret ïa u shapoh ka thliew kaba dap da ki sing. U la ong ha u Daniel, “Ai ba U Blei jong me, ïa uba me shakri hok katta katta, un pyllait im ïa me.”

KA BAIBL

¹⁶ Ynda kumta, u syiem u la hukum, bad ki la wallam ïa u Daniel, bad ki la bred noh ïa u hapoh ka krem ki sing. Te u syiem u la kren bad u la ong ha u Daniel, “U Blei jong me ïa uba me shakri khlem da pud, un pynim ïa me.”

DANIEL 6:16 ပူးပေါင်းရင်းမြစ်များ

2 SAMUEL 3:39

Wat la nga long u syiem uba la jied da U Blei, nga sngewtlot mynta ka sngi. Kine ki khun shynrang jong ka Seruïah ki long ka jingma ïa nga. To U Trai un pynshitom ïa kine ki nongkamsniew kumba ki dei ban ïoh!”

Ka Kitab U Job 5:19

Na kawei ka por sha kawei pat un pyllait im ïa me na ka jingma;

PROBERB 29:25

Ka long kaba ma ban sngewkhia ïa kaei kaba kiwei ki pyrkhat shaphang jong phi, hynrei lada phi shaniah ha U Trai, phi long shngain.

ISAÏAH 41:10

Wat sheptieng — nga long ryngkat bad me! Nga long U Blei jong me — wat ai ba kano kano kan pynsheptieng ïa me! Ngan pynlong ïa me uba khlaiñ bad ngan ïarap ïa me; ngan ïada ïa me bad ngan pynim ïa me.

ISAÏAH 43:2

Haba phi ïaid lyngba ïa ki um bajylliew, ngan long ryngkat bad phi; ki jingeh kin ym tyllep ïa phi. Haba phi ïaid lyngba ka ding, phin ym ing; ki jingtynjuh ba-eh kiba wan kin ym pynmynsaw ïa phi.

JEREMAÏAH 26:14

Ha kaba ïadei bad nga, nga don ha ka bor jong phi! To leh ïa nga ïa kano kano kaba phi pyrkhat ba ka long kaba biang bad kaba dei.

JEREMAÏAH 38:5

U syiem Sedekaïah u la jubab, “To leh te ïa kaei kaba phi kwah ban leh ïa u; ngam lah ban khang ïa phi.”

JEREMAÏAH 38:6

Kumta ki la shim ïa nga bad ki la pynhiar ïa nga da ki tyllai shapoh ka pung u khun syiem Malkhaïah, kaba don hapoh ka phyllaw ïingsyiem. Ym don um ha kata ka pung, tang ka ktieh, bad nga la ngam shapoh ha ka.

JEREMAÏAH 39:17

Hynrei ma nga, U Trai, ngan ïada, bad ngan ym aiti noh ïa me sha ki briew kiba me sheptieng.

DANIEL 3:15

Te mynta, tang mar shu ïohsngew ïa ka sur jong ki turoi, ki tangmuri, ki jingtem ksai, ki marynthing, ki duitara, bad baroh kiwei pat ki tiar put tiar tem, to dem ngon bad mane ïa ka durbriew. Lada phim leh kumta, yn bret kloi lan ïa phi ha ka lawar ding baklang. Hato phi pyrkhat ba don uno uno u blei uba lah ban pyllait im ïa phi?”

DANIEL 3:17

Lada U Blei uba ngi shakri u lah ban pyllait im ïa ngi na ka lawar ding baklang bad na ka bor jong phi, te un leh.

DANIEL 3:28

U syiem u la ong, “To ïaroh ïa U Blei jong u Shadrakh, u Meshakh, bad u Abednego! U la phah ïa u angel jong u bad pyllait im ïa kine ki rangbah kiba la shakri bad shaniah ha u. Kim shym la kohnguh ïa ka hukum jong nga bad ki la kheiñduh ïa la ka jingim ban ïa kaba dem ngon bad mane ïa uno uno u blei lait tang u jong ki hi.

DANIEL 6:20

Haba u la poi hangta, u la khot jam da ka jingkhmih lynti, “Ko Daniel, u shakri jong U Blei uba im! Hato U Blei uba me shakri hok katta katta u la lah mo ban pyllait im ïa me na ki sing?”

DANIEL 6:7

Baroh ma ngi kiba pynïaid ïa ka hima jong phi — ki nongpynïaidkam, ki lat, ki lat kiba kham hapoh, bad kiwei pat ki rangbah pynïaidkam — ki la ïamynjur ba u Syiem Kynrad u dei ban pynmih ka hukum ban pyntreikam pyrkhing ïa ka. To ai ki hukum ba haduh laiphew sngi yn ym shah ïano ïano ban kyrpad ei ei na uno uno u blei lane na uno uno u briew lait noh tang na u Syiem Kynrad. Ïa uno uno uba pynkheiñ ïa kane ka hukum dei ban bret shapoh ka thliew kaba la dap da ki sing.

KI KAM 24:27

Hadien, ar snem ki la leit, u Porsius Phestos u la shim ïa ka jaka jong u Pheliks kum u lyngskor. U Pheliks u la kwah ban ïoh ïa ka jingsngewbha jong ki Jiw, kumta u la iehnoh ïa u Paul ha ka byndi.

KI KAM 25:11

Lada nga la pynkheiñ ïa ka hukum bad leh ïa kaei kaei kaba ka dei ïa nga ban shah pynrem da ka jingïap, ngam kyrpad ban lait na ka. Hynrei lada ym don ka jingshisha ha ki jingmudui ïa kiba ki wallam pyrshah ïa nga, ym don uno uno uba lah ban aiti ïa nga sha ki. Nga apil sha u Patsha.”

KI KAM 25:9

Hynrei u Phestos u la kwah ban ïoh ïa ka jingsngewbha bad ki Jiw, kumta u la kylli ïa u Paul, “Hato me mon ban leit sha Jerusalem ba yn bishar halor kine ki jingmudui ha khmat jong nga hangta?”

Ka Shithi U Paul Sha Ki Nong Rom 13:3

Naba ïa ki nongsynshar ym dei ban sheptieng da kito kiba leh ïa kaba bha, hynrei da kito kiba leh ïa kaba sniew. Hato phi kwah ban long u bymsheptieng ïa u briew uba don ha ka bor? Te to leh ïa kaei kaba bha, bad un ïaroh ïa phi,

2 KORINTH 1:10

Na kiba kum kita ki jingma bashyrkhei jong ka jingïap u la pynim ïa ngi, bad un pynim ïa ngi; bad ngi la buh ïa ka jingkyrmen jong ngi ha u ba un pynim biang ïa ngi, kumba phi ïarap ïa ngi lyngba ki jingduwai lem jong phi na ka bynta jong ngi.