DANIEL 6:10 - Khasi CL Bible (BSI)

¹⁰ Haba u Daniel u la tip ba ïa ka hukum la lah soi, u la leit sha ïing. Ha ka kamra kaba haneng jong ka ïing jong u la don ki jingkhangïit kiba phai sha Jerusalem. Hangta, kumba u la ju ïai leh, u la dem khohsiew ha ki jingkhangïit ba la plie bad u duwai sha U Blei lai sien shi sngi.

KA BAIBL

¹⁰ Te haba u Daniel u la tip ba la soi ïa kata ka jingthoh, u la leit sha la ïing; (te ki jingkhang ïit jong u ki la plie rynghang ha ka pulit jong u shaphang Jerusalem;) bad u la dem la ki khohsiew lai sien shi sngi, bad u la duwai, bad u la ainguh ha khmat U Blei jong u, kumba u la ju leh mynshuwa.

DANIEL 6:10 ပူးပေါင်းရင်းမြစ်များ

1 SYIEM 8:30

Shahshkor ïa ka jingkyrpad jong nga bad ki jingduwai jong ki briew jong me haba ki phai khmat sha kane ka jaka bad ki duwai. Na ka ïing jong me ha bneng to shahshkor ïa ngi bad to map ruh ïa ngi.

1 SYIEM 8:38

to shahshkor ïa ki jingduwai jong ki. Lada uno uno na ki briew jong me ki Israel, da kaba sngewkynduh ha la ka mynsiem, ki kner la ki kti ha ka jingduwai sha kane ka Templ, to sngap ïa ka jingduwai jong ki.

1 SYIEM 8:44

“Haba me hukum ïa ki briew jong me ban leit ïaleh thma pyrshah ïa ki nongshun jong ki bad ba ki duwai ha me, hangno hangno ha kaba ki don, ki da phai khmat sha kane ka nongbah ïa kaba me la jied bad sha kane ka Templ ïa kaba nga la tei na ka bynta jong me,

1 SYIEM 8:54

Hadien ba u Solomon u la pynkut ïa kane ka jingduwai ha U Trai, u ïeng noh na khmat kata ka duwan, na ka jaka ba u la dem khohsiew da kaba rah ïa la ki kti.

2 KHRONIKL 6:13

(U Solomon u la shna ïa ka rynsan kaba da ka rnong bad u la buh ïa ka hapdeng ka phyllaw. Ka don 2.2 mitar sawdong ka jingheh, bad 1.3 mitar ka kynjang. U kiew ha kane ka rynsan, u dem khohsiew ba baroh kin ïohi ïa u, bad u rah ïa la ki kti sha bneng.)

2 KHRONIKL 6:38

Lada ha kata ka ri ki kylla-kaba-mut shisha bad ha ka jingsngur mynsiem bad ki duwai sha me da kaba phai khmat sha kane ka ri ïa kaba me la ai ha ki kpa tymmen jong ngi, sha kane ka nongbah ïa kaba me la jied, bad sha kane ka Templ ïa kaba nga la tei na ka bynta jong me, to shahshkor ïa ki jingduwai jong ki.

ESRA 9:5

Haba ka por ka la poi na ka bynta ka jingkñia janmiet, nga ïeng na ka jaka ba nga shong sngewsih, bad nga dang phong ïa ki jaiñ ba la jot, nga dem khohsiew ha ka jingduwai bad nga pyiar ïa la ki kti sha U Trai U Blei jong nga.

NEHEMAÏAH 6:11

Nga jubab, “Ngam dei u briew uba shait phet bad rieh. Hato phi pyrkhat ba ngan pyrshang ban pynim ïa la ka jingim da kaba rieh ha ka Templ? Ngan ym leh kumta.”

SALM 34:1

Ngan ïai ainguh ïa U Trai borabor; ngan ym sangeh ban ïai ïaroh ïa u.

SALM 5:7

Hynrei namar ka jingieit kaba khraw jong me nga lah ban wan shapoh ka ïing jong me; nga lah ban mane ha ka Templ kaba khuid jong me bad ban mane dem ïa me da ka jingtiengburom.

SALM 55:17

Mynstep, shiteng sngi bad mynmiet ki jingkhñium jong nga bad ki jingud ki kiew sha u, bad un ïohsngew ïa ka sur jong nga.

SALM 86:3

Me long U Blei jong nga; kumta to isynei ïa nga; nga duwai sha me baroh shi sngi.

SALM 95:6

Ale, to ngin ïadem ngon bad mane ïa u; to ngin ïadem khohsiew ha khmat U Trai, U Nongthaw jong ngi!

DANIEL 6:13

Nangta ki la ong ha u syiem, “U Daniel, uwei na kiba shah ringmraw na Judah, um shym burom ïa u Syiem Kynrad lane kohnguh ïa ka hukum kaba phi la pynmih. U la duwai tista lai sien shi sngi.”

DANIEL 9:4

Nga la duwai ha U Trai U Blei jong nga bad nga la phla ïa ki pop jong ki briew jong nga. Nga la ong, “A Trai U Blei, me long uba khraw, bad ngi pyndonburom ïa me. Me long uba bat ïa la ka jutang bad me pyn-i ka jingieit baneh ïa kito kiba ieit ïa me bad leh ïa kaei kaba me hukum.

JONAH 2:4

Nga la pyrkhat ba ïa nga la beh noh na ka jingdon ryngkat jong me bad ba ngan ym ïohi shuh lano lano ruh ïa ka Templ bakhuid jong me.

MARKOS 3:3

U Jisu u la ong ha uta u briew, “Wan shane sha khmat.”

LOUKAS 14:26

“Uno uno uba wan sha nga um lah ban long u synran jong nga lymda u ieit ïa nga kham palat ban ïa kaba u ieit ïa u kpa bad ka kmie jong u, ïa ka tnga bad ki khun jong u, ïa ki hynmen ki para shynrang bad kynthei jong u, bad ïa lade kumjuh.

LOUKAS 22:41

Nangta u la leit noh na ki kumba shi pda maw bad u la dem khohsiew bad u la duwai.

KI KAM 10:9

Ha ka sngi kaba bud, katba ki dang don ha lynti bad ba ki la jan poi hajan Joppa, u Petros u la leit sha ka tnum jong ka ïing ha ka por shiteng sngi ban duwai.

KI KAM 2:15

Kine ki briew kim shym buaid, kumba phi tharai; ka dang khyndai baje mynstep.

KI KAM 20:24

Hynrei nga ñiew ïa la ka jingim ba ka long ka bymdondor ei ei ïa nga; nga kwah tang ban pyndep ïa ka jingtrei jong nga bad pyndep pura ïa ka kam kaba U Trai Jisu u la ai ha nga ban leh, kaba long ban pynbna ïa ka Khubor Babha shaphang ka jingaiei jong U Blei.

KI KAM 20:36

Haba u Paul u la dep kren, u la dem khohsiew bad ki bad u la duwai.

KI KAM 21:5

Hynrei haba ka por jong ngi bad ki ka la kut, ngi la mihnoh bad ngi la nang leit ha ka jingleit jong ngi. Ma ki baroh, lem bad ki tnga bad ki khun jong ki, ki la ïaleit lem bad ngi na ka nongbah sha ka rud duriaw, ha kaba ngi la ïadem khohsiew bad duwai.

KI KAM 3:1

Ha kawei ka sngi, u Petros bad u Ïoannis ki la leit sha ka Templ ha ka por lai baje nohphai sngi, kaba long ka kynta jingduwai.

KI KAM 4:29

Bad mynta, ko Trai, to khmih ïa ki jingbyrngem kiba ki la pynlong, bad shah ïa ngi, ki shakri jong me, ban kren ïa ka khubor jong me da ka jingshlur baroh.

KI KAM 5:20

“Khie leit bad ïeng ha ka Templ, bad ïathuh ha ki briew baroh shaphang kane ka jingim bathymmai.”

KI KAM 5:29

U Petros bad kiwei pat ki apostol ki la phai ktien, “Ngi dei ban kohnguh ïa U Blei, ym ïa ki briew.

KI KAM 7:60

U la dem khohsiew bad u la kyang da ka ktien bajam, “A Trai! wat kynmaw ïa kane ka pop pyrshah ïa ki!” U la ong ïa kane bad u la ïap.

KI KAM 9:40

U Petros u la pynmih ïa ki baroh shabar ka kamra, bad u la dem khohsiew bad duwai; nangta u la phai sha ka met bad u la ong, “Ko Tabitha, khie joit!” Ka la plied ïa la ki khmat, bad haba ka la ïohi ïa u Petros, ka la khie shong.

EPHESOS 3:14

Namar kane ka daw, nga dem khohsiew ha khmat U Kpa,

PHILIPPI 1:14

Bad ka jingdon jong nga ha byndi, ka la ai ïa kiba bun eh ki parabangeit ban kham sngewskhem ha U Trai, khnang ba kin nang kham shlur ha ki por baroh ban ïalap ïa ka khubor khlem sheptieng.

PHILIPPI 1:20

Ka jingkwah bajur bad ka jingkyrmen jong nga ka long ba ngan ym shah rem ha ka kamram jong nga, hynrei, ha ki por baroh, bad kyrpang ïa mynta hi, ngan da long uba dap da ka jingshlur, khnang ba da ka longrynïeng jong nga baroh, ngan wanrah burom ïa U Khrist, la nga im ne nga ïap.

PHILIPPI 4:6

Wat khuslai shaphang kaei kaei, hynrei ha ki jingduwai jong phi baroh, to pan na U Blei ïa kaei kaba phi donkam, da pan borabor na u da ka dohnud kaba sngewnguh.

KOLOSSAI 3:17

Nangta, ïa kaei kaei baroh kaba phi leh ne phi ong, dei ban leh ha ka kyrteng jong U Trai Jisu, ha kaba phi ainguh da u ïa U Blei uba U Kpa.

HEBRU 13:15

Namarkata, to ngin ai jingïaroh ïa U Blei khlem da pud kum ka jingkñia da U Jisu, kaba long ka jingainguh da ki rmiang shyntur kiba phla ïa u kum U Trai.

HEBRU 4:16

To ngin sngewskhem, te, bad leit sha ka khet U Blei, ha kaba don ka jingaiei. Hangta ngin ïohpdiang ïa ka jingisynei bad ngin shem ïa ka jingaiei ka ban ïarap ïa ngi ha ka por ba ngi donkam ïa ka.

JINGPYNPAW 2:10

Wat sheptieng ïa kaei kaei ruh kaba phan sa shahshitom. Shahshkor! U Soitan un buh ïa pha ha ka jingtynjuh ha kaba ïa ki katto katne ngut kiba don hapdeng jong pha, yn bret shapoh ka ïingbyndi, bad ki jingjynjar jong pha kin neh shiphew sngi. Ïaineh ha nga, wat la kan long ka jingïap, bad ngan ai ha pha ïa ka jingim kum ka bainong jong ka jingjop.

JINGPYNPAW 2:13

Nga tip hangno pha shong, hangta ha kaba u Soitan u don ka khet jong u. Pha long kaba shisha ha nga, bad pham shym la phai dien noh na ka jingngeit jong pha na nga wat ha ka por mynba u Antipas, u sakhi baïaineh jong nga, u la shah pynïap hangta ha ka jaka ba u Soitan u shong u sah.