DANIEL 5:7 - Khasi CL Bible (BSI)

⁷ U la pyrta ïano ïano ban wallam shapoh ïa ki nongleh myntor, ki nongleh byrtong, bad ki nongpeit kti. Haba ki la ïawan shapoh, u syiem u la ong ha ki, “Ïa uno uno uba lah ban pule ïa kane ka jingthoh bad ïathuh ïa nga ïa ka jingmut jong ka yn pynphong ha ki jaiñkup syiem kiba sawbthuh, un deng u kynjri ksiar ka jingpyndonburom sawdong ka ryndang jong u, bad un long uba lai ha ka bor hapoh ka hima.”

KA BAIBL

⁷ U syiem u la pyrta jam ban wallam hapoh ïa ki nongkren byrtong, ki Khaldi, bad ïa ki nongkren shwar, u syiem u la kren bad u la ong ïa ki riewstad jong ka Babilon, “Uno uno u ban pule ïa kane ka jingthoh, bad u ban pyni ha nga ïa ka jingbatai jong ka ruh, yn pynkup ïa u da ki jaiñ basaw bthuh, bad un ïoh u kynjri ksiar ha ka ryndang jong u, bad un ïoh long u nongsynshar u balai ha ka hima.”

DANIEL 5:7 ပူးပေါင်းရင်းမြစ်များ

JENESIS 41:8

Ynda mynstep u la sngewkhuslai; kumta u phah khot ïa ki nongleh myntor bad ïa ki riewstad baroh jong ka ri Ijipt. U ïathuh ha ki ïa la ki jingphohsniew, hynrei ym don uwei ruh uba lah ban batai ïa ki ha u.

ESTHER 3:1

Hadien katto katne por u syiem Serksis u la pynkiew kyrdan ïa u briew uba kyrteng u Haman sha ka kyrdan myntri rangbah. U Haman u dei u khun jong u Hammedatha, uba hiarpateng na u Agag.

EKSODOS 7:11

Nangta u Pharaoh u phah khot ïa ki riewstad bad ïa ki nongleh myntor jong u, bad ki ruh ki leh kumjuh da ka myntor jong ki.

PROBERB 1:9

Ki jinghikai jong ki kin pynbha ïa ka jinglong jong phi kum ka jaiñspong kaba ishongkhia ha ka khlieh jong phi, lane kum u jingdeng uba pyniphuh ïa ka dur jong phi.

JINGRWAI SOLOMON 1:10

U shñiuh jong phi u itynnat halor ki ngab jong phi, bad u noh rymphum ha ka ryndang jong phi kum ki mawkordor.

ISAÏAH 47:13

Pha long kaba khlem bor wat la pha ïoh ïa ka jingai jingmut. To ai ba ki nongbatai kupar kin wan sha khmat ban pyllait im ïa pha — kito ki briew kiba wad jingtip shaphang ki khlur, kiba pruid dak ïa ki bynta jong ki bneng bad ïathuh ïa pha na uwei u bnai sha uwei pat kaei ka ban jia ïa pha.

JEREMAÏAH 50:35

U Trai u ong, “Ka Jingïap ïa ka Babilonia! Ka Jingïap ïa ki briew jong ka, ïa ki nongsynshar jong ka, ïa ki rangbah bastad jong ka.

ESEKIEL 16:11

Nga buh ki mawlynnai ha pha — ki khadu bad ki kpieng.

DANIEL 1:20

Kam pher kaei ka jingkylli ba u syiem u la kylli, lane kano ka jingeh kaba u pynpaw, kine ki saw ngut ki la kham tip shiphew shah ban ïa uno uno u nongbatai kupar lane u nongleh myntor ha ka hima jong u baroh kawei.

DANIEL 1:4

Ki dei ban long kiba bhabriew, kiba nep jingmut, kiba la ïoh jinghikai bha, kiba stet ban nang, bad kiba lait na ka jinganna, ba kumta kin lah ban long kiba bit ban shakri ha ka ïingbishar jong u syiem. U Ashpenas u dei ban hikai ïa ki ban pule bad ban thoh ïa ka ktien ki nong Babilonia.

DANIEL 2:2

kumta u la phah khot ïa ki nongbatai kupar, ki nongleh myntor, ki nongkheiñ ksuid bad ki nongleh byrtong ban ïawan bad batai ïa ka jingphohsniew ha u. Haba ki la ïawan bad ïeng ha khmat u syiem,

DANIEL 2:27

U Daniel u la jubab, “Ko Syiem Kynrad, ym don uno uno u nongleh byrtong, u nongleh myntor, u nongbatai kupar, lane u nongkhmih khlur uba lah ban ïathuh ha phi ïa kata.

DANIEL 2:48

Te u la ai ha u Daniel ka kyrdan kaba halor, u la ai sngewbha ïa u da ki jingai kiba kynsai tam, u la buh ïa u ban khmih ïa ka probins jong ka Babilon, bad u la pynlong ïa u, u khlieh jong baroh ki nongai jingmut ïa u syiem.

DANIEL 2:6

Hynrei lada phi lah ban ïathuh ha nga ïa baroh ar, ka jingphohsniew bad ïa ka jingmut jong ka, ngan ainong ïa phi da ki jingai sngewbha bad ka jingpyndonburom kaba khraw. Te mynta, ïathuh ha nga ïa ka jingphohsniew bad kaei ka jingmut jong ka.”

DANIEL 4:14

U la pynbna ha ka sur bajam, ‘Pom ïa u dieng bad khet noh ïa ki tnat jong u; sloit ïa ki sla jong u bad pynsaphriang ïa ki soh jong u. Beh noh ïa ki mrad napoh jong u bad ïa ki sim na ki tnat jong u.

DANIEL 5:11

U don u briew ha ka hima jong phi uba don ïa u mynsiem jong ki blei bakhuid hapoh jong u. Mynba u kpa jong phi u long syiem, une u briew u la pyn-i ka jingmut kaba bha, ka jingtip, bad ka jingstad kum ka jingstad jong ki blei. Bad u syiem Nebukhadnessar, u kpa jong phi, u la pynlong ïa u, u khlieh duh jong ki nongbatai kupar, ki nongleh myntor, ki nongleh byrtong, bad ki nongpeit kti.

DANIEL 5:15

Ïa ki nongai jingmut bad ki nongleh myntor la wallam shapoh ban pule ïa kane ka jingthoh bad ban ïathuh ha nga aïu ka kit jingmut, hynrei kim shym lah ban shem ïa ka jingmut.

DANIEL 5:16

Mynta nga la ïohsngew ba me lah ban shem ïa ki jingmut barieh bad batai ïa ki jingmaïan. Lada me lah ban pule ïa kane ka jingthoh bad ïathuh ïa nga aïu ka kit jingmut, yn pynkup ïa me ha ki jaiñkup syiem ba sawbthuh, yn pyndeng ha me ïa u kynjri ksiar jong ka jingpyndonburom sawdong ka ryndang jong me, bad men long uba lai ha ka bor hapoh ka hima.”

DANIEL 5:29

Mar kumta hi u Belshassar u la ai hukum ïa ki shakri jong u ban pynphong ïa u Daniel ha ka jaiñkup syiem kaba sawbthuh bad ban pyndeng u kynjri ksiar ka jingpyndonburom sawdong ka ryndang jong u. Bad u la pynlong ïa u, uba lai ha ka bor hapoh ka hima.

JINGKHEIÑ 22:17

Ngan ai ïa phi da ka jingai burom kaba khraw bad leh ïa kano kano kaba phi ong. Sngewbha wan bad tim ïa kine ki briew na ka bynta jong nga.”

JINGKHEIÑ 22:7

Kumta ki nongïalam jong ki Moab bad ki Midian ki rah bad ki ïa ka jingsiew na ka bynta ka jingtim, ki la leit sha u Balaam bad ki ai ha u ïa ka khubor na u Balak.

JINGKHEIÑ 24:11

Khie leit noh mynta sha la ïing! Nga la kular ban ai bainong ïa me, hynrei U Trai u la khang ïa me ban ïoh ïa kata ka bainong.”

1 SAMUEL 17:25

“Peit ïa une u briew” ki ïakren para ma ki. “Sngap ïa ki jingkob jong u. U syiem Saul un ai ka nong kaba khraw ïa u briew u ban pynïap ïa u; u syiem un ai ruh ban shongkurim ïa ka khun kynthei jong u bad ka ïing u kpa jong u kam donkam ban siew khajna.”