DANIEL 5:23 - Khasi CL Bible (BSI)

²³ Phi la leh pyrshah ïa U Trai jong ka bneng bad phi la wallam shapoh ïa ki khuri bad ïa ki pliang kiba la shim na ka Templ jong u. Ma phi, ki rangbah donburom jong phi, ki tnga jong phi, bad ki tnga kliar jong phi ki la dih waiñ na ki bad ki la ïaroh ïa ki blei kiba la shna da ka ksiar, ka rupa, ka rnong, ka nar, ka dieng, bad u maw — ki blei ki bym lah ban ïohi lane ïohsngew bad ba kim lah ban tip ei ei. Hynrei phim shym la pyndonburom ïa U Blei uba rai la phin im ne phin ïap bad uba synshar ïa kaei kaei baroh kaba phi leh.

KA BAIBL

²³ hynrei, me la kyntiew ïa lade pyrshah ïa U Trai ka bneng; bad ki la wallam ïa ki khiew ka ïing jong U ha khmat jong me, bad me bad ki rangbah jong me, ki tnga jong me bad ki tnga kliar jong me, phi la ïadih Waiñ da kita; bad me la ïaroh ïa ki blei kiba da ka rupa, bad da ka ksiar, da ka rnong, da u nar, da ka dieng, bad da u maw, ki bymïohi, lymne ïohsngew, lymne tip: bad ïa U Blei uba ha ka kti jong u ka jingring mynsiem jong me ka don, bad uba ki lynti jong me baroh ki long ki jong u, mem shym la pyndonburom.

DANIEL 5:23 ပူးပေါင်းရင်းမြစ်များ

JENESIS 14:19

u la kyrkhu ïa u, bad u ong, “To U Blei Bahakhlieh Tam Eh, u nongthaw ïa ka bneng bad ïa ka khyndew, un kyrkhu ïa u Abram!

JENESIS 2:7

Nangta U Trai U Blei u la shim katto katne ka dewmet na ka khyndew bad thaw ïa u briew na ka; u la pyrsad ka jingpyrsad ba ai jingim ha ki thliew khmut jong u bad uta u briew u la kylla long u jingthaw ba-im.

2 SYIEM 14:10

Mynta ko Amasaïah, me la jop ïa ki Edom, bad me dap da ka jingsarong. To sngewhun bad la ka nam bad shong khop ha ïing. Balei me pynkynroi jingkulmar ka ban wanrah tang ïa ka jingpynjot ha me bad ha ki briew jong me?”

Ka Kitab U Job 12:10

Dei U Blei uba pynïaid ïa ka jingim jong ki jingthaw jong u; ka jingim jong uwei pa uwei ka don hapoh ka bor jong u.

Ka Kitab U Job 31:4

U Blei u tip ïa kiei kiei baroh ba nga leh; u ïohi man ka sien jam ba nga jam.

SALM 104:29

Haba me phai noh na ki, ki sheptieng, haba me pynphai noh ïa ka jingpyrsad jong me, ki ïap bad ki phai pat sha ka khyndew na kaba ki la wan.

SALM 115:16

Ka bneng ka long ka jong U Trai hi, hynrei u ai ïa ka pyrthei ha u bynriew.

SALM 139:3

Me ïohi ïa nga, haba nga trei ne shongthait; me tip ïa ki jingleh jong nga baroh.

SALM 146:4

Haba kin ïap, kin leit phai pat sha ka khyndew; ha kata ka sngi baroh ki jingthmu jong ki kin sa kut noh.

PROBERB 20:24

U Trai u la thmu ïa ka lynti jong ngi; kumno te uno uno u lah ban sngewthuh ïa ka phang ba ka jingim jong u ka thew?

ISAÏAH 13:11

U Trai u ong, “Ngan wallam ka jingpynjot halor ka pyrthei bad ngan pynshitom ïa ki riewbymman baroh namar ki pop jong ki. Ngan pyndem ïa uno uno uba sarong bad ngan pynshitom ïa uno uno uba sngewmeng bad uba runar.

ISAÏAH 14:13

Me la kut jingmut ban kiew shaduh bneng bad ban buh ïa ka khet jong me halor ki khlur kiba hajrong tam. Me la pyrkhat ba men shong kum u syiem halor uta u lumbah ha ka phang bashatei ha kaba ki blei ki ïalumlang.

ISAÏAH 2:12

Ha kata ka sngi U Trai Badonbor Baroh un pynpoh ïa uwei pa uwei uba khrawbor, ïa uwei pa uwei uba sarong bad uba sngewmeng.

ISAÏAH 33:10

U Trai u ong ha ki jaitbynriew, “Mynta ngan leh ïa la ka kam. Ngan pyn-i katno nga long uba donbor.

ISAÏAH 37:19

bad ki la thang lut ïa ki blei jong ki — ki bym long satia ki blei, tang ki dur jong u dieng bad u maw ba la shna da ki kti briew.

ISAÏAH 37:23

Ïano ba me pyrkhat ba me la ñiewbeiñ bad rkhiebeiñ? Me la long uba khlem burom ïa nga, U Blei bakhuid jong ki Israel.

ISAÏAH 42:5

U Blei u thaw ïa ki bneng bad u pynpyiar ïa ki; u pynwandur ïa ka pyrthei bad ïa baroh kiba shong ha ka; u ai jingim bad u pyrsad mynsiem ïa la ki briew baroh. Bad mynta U Trai U Blei u ong ha la u shakri,

JEREMAÏAH 10:23

A Trai, nga tip ba ym don uno uno uba long u kynrad ïa la ka lawei jong u hi; ym don uno uno u briew uba bat synshar ïa ka jingim jong u hi.

JEREMAÏAH 48:26

U Trai u ong, “To pynbuaid ïa ka Moab, namar ka la ïaleh pyrshah ïa nga. Ka Moab kan syntuid ha la ka prie, bad ki briew kin rkhie.

JEREMAÏAH 50:28

(Ki nongphetwir ki la lait phet na Babilonia bad wan sha Jerusalem, bad ki ïathuh kumno U Trai U Blei jong ngi u siew kylliang na ka bynta kaei kaba ki nong Babilonia ki la leh ïa ka Templ jong u.)

JEREMAÏAH 50:29

“To ong ïa ki nongsiatkhnam ban tur ïaleh ïa ka Babilon. Phah ïa baroh kiba nang ban pyndonkam ïa ka ryntieh bad ïa u khnam. Kerkut ïa ka nongbah bad wat ai ba yn don ba lait phet. Siew kylliang pat ïa kiei kiei baroh ba ka la leh, bad leh ïa ka kumba ka la leh ïa kiwei, namar ba ka la leh da ka jingsarong pyrshah ïa nga, U Bakhuid ki Israel.

ESEKIEL 28:17

Me la sngewsarong ba me long uba bhabriew, bad ka nam jong me ka la pynlong ïa me ban leh kum u bieit. Namar kane nga la bret ïa me sha khyndew bad ieh ïa me kum ka jingmaham ïa kiwei pat ki syiem.

ESEKIEL 28:2

“Ko khun u briew,” u la ong, “ïathuh ïa u nongsynshar ka Tyros kaei kaba ma nga, U Trai Nongsynshar, nga ong ha u: Ba la pynhieng da ka jingsarong, me kam ba me dei U Blei. Me ong ba kum U Blei me shong ha ka khet, ba la ker sawdong da ki duriaw. Me lah ban leh mynleh kum U Blei, hynrei, em, me long uba kynja briew, ym uba kynja blei.

ESEKIEL 28:5

Me la pynlong ka jingkhaïi bastad bad me ïai pynïohnong. Katno uba sarong me long ïa ka spah jong me!

ESEKIEL 31:10

“Mynta te, ma nga U Trai Nongsynshar ngan ïathuh ha me ïa kaei ka ban jia ïa uta u dieng uba la san haduh ba u la kot ïa ki lyoh. Katba u nang san kham jrong u la nang sngewsarong,

DANIEL 11:12

Un sngewsarong ïa la ka jingjop bad ïa ki shipai kiba bun kiba u la lah pynïap, hynrei un ym neh sah ban jop.

DANIEL 4:37

“Bad mynta, ma nga, u Nebukhadnessar, nga ïaroh, nga pyndon burom, bad nga ai burom ïa U Syiem jong ka Bneng. Kaei kaei baroh kaba u leh ka long kaba dei bad kaba hok, bad u lah ban pynhiar ïa uno uno uba leh sarong.”

DANIEL 8:11

Ka la kyntait ban kohnguh wat ïa U Khun syiem jong ka kynhun shipai ba kynja bneng, ka la pynsangeh ïa ki jingkñia ba man ka sngi ba la ai sha u, bad ka la pyntngit ïa ka Templ.

HABAKKUK 2:4

Bad kane ka dei ka khubor: ‘Kito kiba bymman kin ym lait im, hynrei kito kiba hok kin im namar ki long kiba ïaineh ha U Blei.’”

KI KAM 17:25

Lymne ba u donkam ei ei kaba ngi lah ban ai da kaba trei na ka bynta jong u, namar ba u long ma u hi uba ai ka jingim bad ka jingpyrsad mynsiem bad ïa kaei kaei baroh ha uwei pa uwei.

1 KORINTH 8:4

Kumta te, shaphang kaba bam ïa ka jingbam kaba la kñia sha ki bleithaw: Ngi tip ba ka bleithaw ka ïeng na ka bynta kano kano ka bym don ei ei shisha; ngi tip ba don tang uwei U Blei.

1 TIMOTHI 3:6

U dei ban long uba la rangbah bha ha ka jingngeit, khnang ba un ym kylla sngewmeng bad yn ïoh pynrem, kumba u Ksuid u la long.

HEBRU 4:13

Ym don kaei kaei ïa kaba lah ban buhrieh na U Blei; ïa kiei kiei kiba don ha ki jingthaw baroh la pynpaw bad pyn-i shynna ha ki khmat jong u. Bad ka dei sha u ba ngi dei ban ai jingkheiñ ïa lade.

JINGPYNPAW 9:20

Kiba sah na u bynriew, baroh kito kiba ym shym la pynïap noh da kine ki jingïapthem, kim shym la phai noh na kaei kaba ki hi ki la pynlong. Kim shym la sangeh ban mane ïa ki ksuid, lane ïa ki blei ba la thaw da ka ksiar, ka rupa, ka rnong, u maw, bad da ka dieng, ki bym lah ban ïohi, ne ïohsngew, ne ïaid.

NONGBISHAR 16:23

Ki syiem Philistia ki ïalumlang ban ïaleh sngewbha bad ban ai ïa ka jingainguh kaba khraw ïa u Dagon u blei jong ki. Ki ïarwai, “U blei jong ngi u la ai ha ngi ka jingjop ïa u Samson u nongshun jong ngi.”

1 SAMUEL 17:26

U Dabid u kylli ïa ki rangbah kiba ïeng hajan jong u, “Un ïoh aïu uta u briew uba pynïap ïa une u Philistia bad uba pyllait ïa ki Israel na kane ka jingjahburom? Nalor kata, uei une u Philistia bymngeit uba ñiewbeiñ ïa ka kynhun ïapom jong U Blei uba im?”

1 SAMUEL 17:36

Nga la pynïap ïa ki sing bad ki dngiem, bad ngan leh kumjuh ïa une u Philistia ba mane blei thala, uba ñiewbeiñ ïa ka kynhun ïapom jong U Blei uba im.