DANIEL 5:21 - Khasi CL Bible (BSI)

²¹ La beh noh ïa u na ka imlang ka sahlang u bynriew, bad ka jingmut jingpyrkhat jong u ka la long kum u mrad. U la shong la sah bad ki kada khlaw, u la bam phlang kum u masi dab bad u la thiah ha ka jaka bym don jingkah khlem kano kano ka ban ïada ïa u na ka umjer. Ha kaba khatduh u la pdiang ba U Blei Bahakhlieh Tam Eh u synshar ïa baroh ki hima ki briew bad u lah ban ai ïa ki ha uno uno uba u jied.

KA BAIBL

²¹ bad la beh ïa u na u khun bynriew; bad la pynlong ïa ka dohnud jong u kum ki mrad, bad ka jaka shong jong u ka la long ryngkat bad ki kadda khlaw; la pynbam phlang ïa u kum ki masi dab, bad ka met jong u ka la jhieh da ka umjer bneng: tad ynda u la tip ba U Blei U Bahakhlieh Tam Eh u synshar ha ka hima ki briew, bad ba u buh halor jong ka ïa uba u mon hi.

DANIEL 5:21 ပူးပေါင်းရင်းမြစ်များ

Ka Kitab U Job 39:5

Mano ba ai ha ki kada khlaw ïa ka jinglaitluid jong ki? Mano ba pyllait lan ïa ki bad shah ïa ki ban shang?

ESEKIEL 17:24

Baroh ki dieng kin tip ba nga long U Trai. Nga khet ïa ki dieng bajrong bad nga pynlong ïa ki dieng rit ban san jrong. Nga pynïap stai ïa ki dieng bajyrngam bad pynlong ïa ki dieng ba-tyrkhong ban kylla jyrngam. Ma nga, U Trai, nga la kren. Ngan leh ïa kaei kaba nga la ong ba ngan leh.”

DANIEL 4:14

U la pynbna ha ka sur bajam, ‘Pom ïa u dieng bad khet noh ïa ki tnat jong u; sloit ïa ki sla jong u bad pynsaphriang ïa ki soh jong u. Beh noh ïa ki mrad napoh jong u bad ïa ki sim na ki tnat jong u.

DANIEL 4:17

Kane ka dei ka jingrai jong ki angel kiba la kloi bad kiba peitngor. Kumta te, shah ba ki briew baroh ha kylleng ban tip ba U Blei Bahakhlieh Tam Eh u don ka bor halor jong ki hima ki briew bad ba u lah ban ai ïa ki ha uno uno uba u jied — wat ha ki bym da paw eh na ki briew.’

DANIEL 4:22

“Ko Syiem Kynrad, phi long u dieng, uba jrong bad uba khlaiñ. Phi la long khraw haduh katta kat ban kynjoh ïa ka sahit bneng, bad ka bor jong phi ka ïar halor ka pyrthei baroh kawei.

DANIEL 4:25

Yn beh noh ïa phi na ka imlang ka sahlang u bynriew bad phin shong phin sah bad ki mradkhlaw. Hynñiew snem phin bam phlang kum u masi dab, bad thiah ha bym don jingkah ei ei, ha kaba ka umjer kan hap halor jong phi. Te phin pdiang ba U Blei Bahakhlieh Tam Eh u bat synshar ïa baroh ki hima ki briew, bad ba u lah ban ai ïa ki ha uno uno uba u jied.

DANIEL 4:26

U angel u la ai hukum ban iehnoh ïa ka dyngkhong ha ka khyndew. Kane ka mut ba phin sa long syiem pat haba phi pdiang ba U Blei u synshar ïa ka pyrthei baroh kawei.

DANIEL 4:34

“Haba ki hynñiew snem ki la leit,” la ong u syiem, “Nga la khmih shajrong sha sahit bneng, bad ka jingtipbriew jong nga ka la wan phai. Nga la ïaroh ïa U Blei Bahakhlieh Tam Eh bad nga la ai ka jingpyndonburom bad ka burom ïa uta uba im junom. “Un synshar junom, bad ka hima jong u kan neh ha ki por baroh.

DANIEL 4:35

U la khmih halor ki briew jong ka pyrthei kum bym long ei ei; ki angel ha bneng bad ki briew ha ka pyrthei ki don hapoh ka jingsynshar jong u. Ym don mano mano ba lah ban pyrshah ïa ka mon jong u lane kylli jingkylli ïa kaei kaba u leh.

DANIEL 4:37

“Bad mynta, ma nga, u Nebukhadnessar, nga ïaroh, nga pyndon burom, bad nga ai burom ïa U Syiem jong ka Bneng. Kaei kaei baroh kaba u leh ka long kaba dei bad kaba hok, bad u lah ban pynhiar ïa uno uno uba leh sarong.”

DANIEL 5:18

“U Blei Bahakhlieh Tam Eh u la pynlong ïa u Nebukhadnessar, u kpa jong me, u syiem uba khraw bad ai ha u ka burom bad ka jinglong syiem.