DANIEL 5:19 - Khasi CL Bible (BSI)

¹⁹ U la long uba khraw katta katta ba ki briew jong ki hima baroh, ki jait ki kynja, bad ki ktien ki thylliej ki la sheptieng ïa u bad khynñiuh. Lada u la kwah ban pynïap ïano ïano u leh kumta; lada u kwah ban ri pynim ïano ïano, u leh kumta. U pyndonburom lane pynjahburom ïa uno uno, uba u kwah.

KA BAIBL

¹⁹ bad na ka bynta kata ka jingkhraw ba u la ai ha u, baroh ki briew, ki jaid bynriew, bad ki ktien ki la khynñiuh bad ki la sheptieng ha khmat jong u: ïa uba u mon u pynïap, bad ïa uba u mon u pynim; bad ïa uba u mon u kyntiew, bad ïa uba u mon u pynpoh.

DANIEL 5:19 ပူးပေါင်းရင်းမြစ်များ

2 SYIEM 25:28

U Ebilmerodakh u la lehsbun ïa u, bad u ai ha u ïa ka kyrdan kaba kham donburom ban ïa kaba u ai ïa kiwei pat ki syiem kiba la shah ringmraw sha Babilonia.

PROBERB 16:14

U briew uba stad un pyrshang ban ïai pynkmen ïa u syiem; lada u syiem u bitar, don uba lah ban ïap.

EKLESIASTIS 8:3

U syiem u lah ban leh ïa kano kano kaba u mon, kumta mihnoh na khmat jong u; wat shong ha kaba kum kane ka jaka ba ma.

ESEKIEL 31:11

kumta nga la kyntait noh ïa u bad ai ha u nongsynshar nongwei. Un sa ainong ïa uta u dieng ïa kaei kaba u dei ban ïoh na ka bynta ka jingbymman jong u.

DANIEL 11:12

Un sngewsarong ïa la ka jingjop bad ïa ki shipai kiba bun kiba u la lah pynïap, hynrei un ym neh sah ban jop.

DANIEL 11:16

U nonghiarthma Syria un leh ïa ki kat kaba u sngewbha, khlem kano kano ka jingïapyrshah. Un ïeng ha ka Ri ka Jingkular bad un ïoh ïa ka baroh ha ka bor jong u.

DANIEL 11:3

“Nangta u syiem bashlur un mihpaw. Un synshar halor ka hima bakhraw bad un leh ïa kaei kaei kaba u kwah.

DANIEL 11:36

“U syiem ka Syria un leh kat kaba u sngewbha. Un kob ba u long kham khraw ban ïa uno uno u blei, kham halor wat ïa U Blei Bahakhlieh Tam Eh. Un lah ban leh ïa kane tad haduh ha ka por haba U Blei un pynshitom ïa u. U Blei un leh thik ïa kaei kaba u la thmu.

DANIEL 3:29

“Te mynta nga hukum ba lada uno uno na kano kano ka hima, ka jaitbynriew, lane ka ktien uba kren khlem burom ïa U Blei jong u Shadrakh, u Meshakh, bad u Abednego, dei ban tar ïa u na ka kti bad kjat, bad ïa ka ïing jong u dei ban pynlong ka kynton ki jingpra. Ym don uno uno u blei uba lah ban pyllait im kumne.”

DANIEL 3:4

u sangot u la pynbna ha ka sur bajam, “Ko ki briew jong ki ri baroh, ki jaitbynriew bad ki jait ktien!

DANIEL 3:6

Ïa uno uno u bym dem ngon bad mane yn bret kloi lan ha ka lawar ding baklang.”

DANIEL 4:17

Kane ka dei ka jingrai jong ki angel kiba la kloi bad kiba peitngor. Kumta te, shah ba ki briew baroh ha kylleng ban tip ba U Blei Bahakhlieh Tam Eh u don ka bor halor jong ki hima ki briew bad ba u lah ban ai ïa ki ha uno uno uba u jied — wat ha ki bym da paw eh na ki briew.’

DANIEL 4:19

Ha kane, u Daniel, ïa uba la khot ruh u Belteshassar, u la sngewsheptieng katta katta ba um lah ban ong ei ei. U syiem u la ong ha u, “Ko Belteshassar, wat ai ba ka jingphohsniew bad ka khubor jong ka kin pynsheptieng ïa me.” U Belteshassar u la phai ktien, “Ko Syiem Kynrad, nga kwah ba ka jingphohsniew bad ka jingbatai ïa ka kan dei ïa ki nongshun jong phi bad ym ïa phi.

DANIEL 4:22

“Ko Syiem Kynrad, phi long u dieng, uba jrong bad uba khlaiñ. Phi la long khraw haduh katta kat ban kynjoh ïa ka sahit bneng, bad ka bor jong phi ka ïar halor ka pyrthei baroh kawei.

HABAKKUK 2:5

Ka spah ka long kaba shukor. Ki briew kiba lalot ki long kiba sarong bad bym lah ban shong khop — kum ka jingïap hi da lei lei kim ju hun. Namarkata ki jop ïa kawei ka hima hadien kawei pat na ka bynta ïa lade.

ÏOANNIS 19:11

U Jisu u la jubab, “Me don ka bor halor jong nga tang namar ba la ai ha me da U Blei. Kumta u briew uba aiti noh ïa nga ha me u long uba la rem na ka pop kaba kham khraw.”

Ka Shithi U Paul Sha Ki Nong Rom 13:1

Uwei pa uwei u dei ban kohnguh ïa ki bor synshar, namar ym don ka bor khlem ka jingaibor jong U Blei, bad ïa ki bor synshar kiba don mynta la buh hangta da U Blei.

JINGPYNPAW 5:9

Ki la rwai ka jingrwai bathymmai: “Me long uba dei hok ban shim ïa ka kot kli bad ban pynpait ïa ki jingpyndait jong ka. Naba la pynïap ïa me, bad da ka jingïap ba aiti lut jong me me la siew kuna na ka bynta ki briew jong U Blei na kawei pa kawei ka jait, ka jait ktien, ka hima bad ka jaitbynriew.