DANIEL 5:12 - Khasi CL Bible (BSI)

¹² U la don ka jinglah kaba kham pher bad u long uba stad bad uba tbit ha kaba batai ïa ki jingphohsniew, uba ai jubab ïa ki jingkyntip, bad batai ïa ki jingmaïan; kumta to phah khot ïa une u briew, u Daniel, ïa uba u syiem u la ai kyrteng u Belteshassar, bad un ïathuh ïa phi aïu kane baroh ka kit jingmut.”

KA BAIBL

¹² namar ïa ka mynsiem ka babha eh, bad ïa ka jingtip, bad ïa ka jingshemphang, ïa ka jingbatai ki jingphohsniew, bad ïa kaba pynpaw ïa ki jingong kiba dum, bad ïa kaba pynshai ïa ki jingeh, la shem ha une hi u Daniel, ïa uba u syiem u la kyrteng ‘u Belteshassar’. Mynta, to ai ba yn khot ïa u Daniel, bad un pyni ïa kata ka jingbatai.”

DANIEL 5:12 ပူးပေါင်းရင်းမြစ်များ

SALM 16:3

Katno kiba bha palat ki long ki briew kiba ïaineh ha U Trai! ka jingsngewbha kaba khraw tam jong nga ka long ban ïadon bad ki.

PROBERB 12:26

U briew uba hok u long ka jingkdew lynti ïa la u paralok, hynrei ka lynti jong u bymman ka ïalam bakla ïa ki.

PROBERB 17:27

Uba sngewskhem ha lade um kren ha ki por baroh. Ki briew kiba long jai jai ki don ka jingïohi jngai da shisha.

ESEKIEL 28:3

Me pyrkhat ba me kham stad ban ïa u Daniel, ba ym don ka barieh ba lah ban buhrieh na me.

DANIEL 1:17

U Blei u la ai ha ki saw ngut ki samla shynrang ïa ka jingtip bad ka jingtbit ha ka thoh ka tar bad ha ka saiñpyrkhat. Nalor kane, u la ai ha u Daniel ka jingtbit ban batai ïa ki jingïohipaw bad ïa ki jingphohsniew.

DANIEL 1:7

U rangbah synshar bahakhlieh duh u la ai kyrteng thymmai ïa ki: u Belteshassar, u Shadrakh, u Meshakh, bad u Abednego.

DANIEL 2:26

U syiem u la ong ha u Daniel (ïa uba la khot ruh u Belteshassar), “Hato me lah ban ïathuh ha nga ïa kaei kaba nga phohsniew bad aïu ka kit jingmut?”

DANIEL 4:19

Ha kane, u Daniel, ïa uba la khot ruh u Belteshassar, u la sngewsheptieng katta katta ba um lah ban ong ei ei. U syiem u la ong ha u, “Ko Belteshassar, wat ai ba ka jingphohsniew bad ka khubor jong ka kin pynsheptieng ïa me.” U Belteshassar u la phai ktien, “Ko Syiem Kynrad, nga kwah ba ka jingphohsniew bad ka jingbatai ïa ka kan dei ïa ki nongshun jong phi bad ym ïa phi.

DANIEL 4:8

Te u Daniel u la wan shapoh. (La khot ruh ïa u, u Belteshassar, ha ka kyrteng u blei jong nga.) U mynsiem jong ki blei bakhuid u don hapoh jong u, kumta nga la ïathuh ha u ïa kaei kaba nga la phohsniew. Nga la ong ha u:

DANIEL 5:14

Nga la ïohsngew ba u mynsiem jong ki blei bakhuid u don hapoh jong me bad ba me long uba tbit bad me don ka jingtip bad ka jingstad.

DANIEL 5:16

Mynta nga la ïohsngew ba me lah ban shem ïa ki jingmut barieh bad batai ïa ki jingmaïan. Lada me lah ban pule ïa kane ka jingthoh bad ïathuh ïa nga aïu ka kit jingmut, yn pynkup ïa me ha ki jaiñkup syiem ba sawbthuh, yn pyndeng ha me ïa u kynjri ksiar jong ka jingpyndonburom sawdong ka ryndang jong me, bad men long uba lai ha ka bor hapoh ka hima.”

DANIEL 6:3

Tang katto katne por, u Daniel u la pyn-i ba u lah ban treikam kham bha ban ïa kiwei pat ki nongpynïaidkam lane ki lat. Namar ba u long uba kham paw, u syiem u la pyrkhat ban buh ïa u ban khmih ïa ka hima baroh kawei.

DANIEL 6:4

Te kiwei pat ki nongpynïaid bad ki lat ki la ïapyrshang ban shem kaei kaei kaba bakla bad ka rukom kaba u Daniel u pynïaid ïa ka hima, hynrei kim lah, namar ba u Daniel u long uba lah ban shaniah, bad um shym leh kano kano kaba bakla lane ka jingbymhok.

KOLOSSAI 1:29

Ban pyndep ïa kane nga ïaleh tyngeh bad nga ïaksaid, da kaba pyndonkam ïa ka jingkhlaiñ badonbor kaba U Khrist u ai bad kaba treikam hapoh jong nga.