DANIEL 5:11 - Khasi CL Bible (BSI)

¹¹ U don u briew ha ka hima jong phi uba don ïa u mynsiem jong ki blei bakhuid hapoh jong u. Mynba u kpa jong phi u long syiem, une u briew u la pyn-i ka jingmut kaba bha, ka jingtip, bad ka jingstad kum ka jingstad jong ki blei. Bad u syiem Nebukhadnessar, u kpa jong phi, u la pynlong ïa u, u khlieh duh jong ki nongbatai kupar, ki nongleh myntor, ki nongleh byrtong, bad ki nongpeit kti.

KA BAIBL

¹¹ don u briew ha ka hima jong me, ha uba don ka mynsiem jong kita ki blei bakhuid; bad ha ki sngi u kpa jong me, ïa ka jingshai bad ïa ka jingshemphang bad ïa ka jingstad, kum ka jingstad ki blei, la shem ha u: bad u Nebukhadnessar syiem, u kpa jong me, uta u syiem, u kpa jong me keiñ, u la pynlong rangbah ïa u halor ki riewstad, ki nongkren byrtong, ki Khaldi, bad ki nongkren shwar;

DANIEL 5:11 ပူးပေါင်းရင်းမြစ်များ

JENESIS 41:38

“Ngim lah ban shem u briew uba kham bit ban ïa u Joseph, u briew uba don U Mynsiem U Blei.”

2 SAMUEL 14:17

Nga la ong ha lade ba ki kular jong phi, ko Kynrad, kin pynshngain ïa nga, namar ba u syiem u long kum u angel jong U Blei bad u lah ban pynïapher ïa kaba bha na kaba sniew. To U Trai U Blei jong phi un long lem bad phi!”

ESEKIEL 28:3

Me pyrkhat ba me kham stad ban ïa u Daniel, ba ym don ka barieh ba lah ban buhrieh na me.

ESEKIEL 28:4

Ka jingstad bad ka jingtbit jong me ka la pynriewspah ïa me da ki jingkynshew ksiar bad rupa.

DANIEL 1:4

Ki dei ban long kiba bhabriew, kiba nep jingmut, kiba la ïoh jinghikai bha, kiba stet ban nang, bad kiba lait na ka jinganna, ba kumta kin lah ban long kiba bit ban shakri ha ka ïingbishar jong u syiem. U Ashpenas u dei ban hikai ïa ki ban pule bad ban thoh ïa ka ktien ki nong Babilonia.

DANIEL 2:11

Kaei kaba u Syiem Kynrad u pan ka long kaba eh haduh katta katta ba ym don mano mano ba lah ban leh ïa kata lait tang ki blei, bad kim shong kim sah hapdeng ki bynriew.”

DANIEL 2:22

U pynpaw ïa kiei kiei kiba jylliew bad kiba rieh; u tip kaei kaba la buhrieh ha ka jingdum, bad ïa u hi la ker sawdong da ka jingshai.

DANIEL 4:18

“Kane ka long ka jingphohsniew kaba nga la ïoh,” ong u syiem Nebukhadnessar. “Mynta, ko Belteshassar, ïathuh ïa nga kaei ka jingmut jong ka. Ym don man mano na ki nongai jingmut na ka ïingsyiem jong nga kiba lah ban ïathuh ha nga, hynrei me lah, namar ba u mynsiem jong ki blei bakhuid u don hapoh jong me.”

DANIEL 4:5

Hynrei nga la ïoh ka jingphohsniew kaba pynsheptieng bad nga la ïohi ki jingïohipaw kiba shyrkhei mynba nga dang ïohthiah.

DANIEL 4:6

Nga la hukum ban wallam sha nga ïa baroh ki nongai jingmut jong u syiem ha Babilon khnang ba ki lah ban ïathuh ha nga kaei ka jingmut jong ka jingphohsniew.

DANIEL 5:14

Nga la ïohsngew ba u mynsiem jong ki blei bakhuid u don hapoh jong me bad ba me long uba tbit bad me don ka jingtip bad ka jingstad.

DANIEL 5:7

U la pyrta ïano ïano ban wallam shapoh ïa ki nongleh myntor, ki nongleh byrtong, bad ki nongpeit kti. Haba ki la ïawan shapoh, u syiem u la ong ha ki, “Ïa uno uno uba lah ban pule ïa kane ka jingthoh bad ïathuh ïa nga ïa ka jingmut jong ka yn pynphong ha ki jaiñkup syiem kiba sawbthuh, un deng u kynjri ksiar ka jingpyndonburom sawdong ka ryndang jong u, bad un long uba lai ha ka bor hapoh ka hima.”

KI KAM 12:22

“Ym dei u briew uba kren, hynrei u blei!” ki la pyrta.

KI KAM 14:11

Haba ki paidbah ki la ïohi ïa kaei kaba u Paul u la leh, ki la sdang ban pyrta jam ha ka ktien Lykaonia jong ki, “Ki blei ki la wan long kum ki briew bad ki la wan hiar sha ngi!”

KI KAM 16:16

Ha kawei ka sngi katba ngi dang ïaleit sha ka jaka duwai, kawei ka shakri samla kaba la don u mynsiem bymman uba la pynlah ïa ka ban ïathuh lypa ïa ka ban sa wan, ka la ïakynduh ïa ngi. Ka la kamai bun ka pisa na ka bynta ki trai jong ka da kaba batai kupar.

JINGPYNPAW 3:9

Shahshkor! Na ka bynta kato ka kynhun kaba dei ka jong u Soitan, kito kiba lamler kiba kam ba ki dei ki Jiw hynrei kim dei, ngan pynlong ïa ki ban wan bad dem khrup ha ki kjat jong pha. Baroh kin tip ba nga ieit ïa pha.