DANIEL 5:1 - Khasi CL Bible (BSI)

¹ Ha kawei ka miet u syiem Belshassar u la khot sngewbha shihajar ngut ki rangbah donburom sha ka jingkhawai kaba khraw, bad ki la ïadih waiñ lang.

KA BAIBL

¹ U Belshassar syiem u la thaw ïa ka jingkhawai bakhraw ïa ki shi hajar na ki rangbah jong u, bad u la dih Waiñ ha khmat jong kita ki shi hajar.

DANIEL 5:1 ပူးပေါင်းရင်းမြစ်များ

JENESIS 40:20

Hadien lai sngi, ha ka lyngkhuh sngi kha jong u, u syiem u pynlong ka jingkhawai ïa ki rangbah synshar jong u baroh; u la pyllait noh ïa u nongrah khuri bad ïa u nongshet kpu rangbah jong u, bad u la wallam ïa ki ha khmat ki rangbah synshar jong u.

ESTHER 1:3

Ha ka snem kaba lai jong ka jingsynshar jong u, u la pynlong ka jingkhawai na ka bynta ki rangbah synshar bad ki nongpynïaidkam. Ki kynhun shipai ka Persia bad ka Media ki la ïadon lang, kumjuh ruh ki lat bad ki riewpawkhmat jong ki jylla.

ISAÏAH 22:12

U Trai U Nongsynshar Badonbor Baroh u la khot ïa phi ha kato ka por ban ïam bad ïam pangnud, ban khi ïa ki khlieh jong phi bad ban phong ki jaiñ khain.

ISAÏAH 22:14

U Trai U Nongsynshar Badonbor Baroh da lade hi u la kren ha nga bad ong, “Ïa kane kaba sniew jong ki yn ym map da lei lei katba ki dang im. Ma nga, U Trai U Nongsynshar Badonbor Baroh nga la kren.”

JEREMAÏAH 50:35

U Trai u ong, “Ka Jingïap ïa ka Babilonia! Ka Jingïap ïa ki briew jong ka, ïa ki nongsynshar jong ka, ïa ki rangbah bastad jong ka.

JEREMAÏAH 51:39

Hato ki jlawnguid? Ngan pynkhreh ïa ki ka jingkhawai bad pynlong ïa ki ban buaid bad sngewtynnat. Kin ïohthiah bad kin ym kyndit shuh.

JEREMAÏAH 51:57

Ngan pynbuaid ïa ki nongsynshar jong ka — ki rangbah kiba stad, ki nongïalam, bad ki shipai. Kin ïohthiah bad kin ym kyndit shuh. Ma nga u syiem, nga la kren. Nga long U Trai Badonbor Baroh.

DANIEL 5:30

Ha kata kajuh ka miet ïa u Belshassar, u syiem ka Babilonia, la pynïap;

NAHUM 1:10

Kum ïa ki shiah kiba la thain bad ïa u phlangïap ba-tyrkhong, ïa phi ki nongbuaid yn thang duh!