DANIEL 4:7 - Khasi CL Bible (BSI)

⁷ Te la wallam shapoh ïa baroh ki nongbatai kupar, ki nongleh myntor, ki nongleh byrtong, bad ki nongpeit kti, bad nga la ïathuh ha ki ïa ka jingphohsniew jong nga, hynrei kim lah ban batai ïa ka ha nga.

KA BAIBL

⁷ Ynda kumta, la wan hapoh ki riewstad, ki nongleh byrtong, ki Khaldi, bad ki nongkren shwar: bad nga la ïathuh ïa ka jingphohsniew ha khmat jong ki; hynrei, kim shym pyntip ha nga ïa ka jingbatai jong ka.

DANIEL 4:7 ပူးပေါင်းရင်းမြစ်များ

JENESIS 41:24

Nga la ïathuh ïa ki jingphohsniew ha ki nongleh myntor, hynrei ym don uwei ruh na ki uba lah ban batai ïa ki ha nga.”

JENESIS 41:8

Ynda mynstep u la sngewkhuslai; kumta u phah khot ïa ki nongleh myntor bad ïa ki riewstad baroh jong ka ri Ijipt. U ïathuh ha ki ïa la ki jingphohsniew, hynrei ym don uwei ruh uba lah ban batai ïa ki ha u.

SALM 37:35

Shisien nga la tip ïa u briew bymman ba u leh donbor, ba u ïeng pynwit ïa baroh kum u dieng Kedar ka Lebanon.

ISAÏAH 44:25

Nga pynpaw bieit ïa ki nongpeit kti bad pynkulmar ïa ki jingïathuh lypa ki nongbatai kupar. Ki ktien jong kiba stad nga kyntait bad pyn-i ba ka jingstad jong ki ka long ka jingbieit.

ESEKIEL 31:3

Me long kum u dieng Kedar ka Lebanon, lem bad ki tnat kiba itynnat bad ba kah syrngiew, u dieng uba jrong katta katta uba kot haduh ki lyoh.

DANIEL 1:4

Ki dei ban long kiba bhabriew, kiba nep jingmut, kiba la ïoh jinghikai bha, kiba stet ban nang, bad kiba lait na ka jinganna, ba kumta kin lah ban long kiba bit ban shakri ha ka ïingbishar jong u syiem. U Ashpenas u dei ban hikai ïa ki ban pule bad ban thoh ïa ka ktien ki nong Babilonia.

DANIEL 2:10

Ki nongai jingmut ki la jubab, “Ym don mano mano ha sla pyrthei kiba lah ban ïathuh ïa u Syiem Kynrad ïa kaei kaba phi kwah ban tip. Ym don u syiem, ym don wat uba khraw tam bad uba donbor tam, uba la pynlong kum kane ka jingdawa na ki nongbatai kupar, ki nongleh myntor bad ki nongleh byrtong.

DANIEL 2:27

U Daniel u la jubab, “Ko Syiem Kynrad, ym don uno uno u nongleh byrtong, u nongleh myntor, u nongbatai kupar, lane u nongkhmih khlur uba lah ban ïathuh ha phi ïa kata.

DANIEL 2:7

Ki la jubab biang ïa u syiem, “Lada u Syiem Kynrad un shu ïathuh ïa ngi ïa ka jingphohsniew, ngin batai ïa ka.”

DANIEL 3:8

Ka dei ha kata ba katto katne ki nong Babilonia ki la shim kabu ban kren pyrshah ïa ki Jiw.

DANIEL 4:18

“Kane ka long ka jingphohsniew kaba nga la ïoh,” ong u syiem Nebukhadnessar. “Mynta, ko Belteshassar, ïathuh ïa nga kaei ka jingmut jong ka. Ym don man mano na ki nongai jingmut na ka ïingsyiem jong nga kiba lah ban ïathuh ha nga, hynrei me lah, namar ba u mynsiem jong ki blei bakhuid u don hapoh jong me.”

DANIEL 5:7

U la pyrta ïano ïano ban wallam shapoh ïa ki nongleh myntor, ki nongleh byrtong, bad ki nongpeit kti. Haba ki la ïawan shapoh, u syiem u la ong ha ki, “Ïa uno uno uba lah ban pule ïa kane ka jingthoh bad ïathuh ïa nga ïa ka jingmut jong ka yn pynphong ha ki jaiñkup syiem kiba sawbthuh, un deng u kynjri ksiar ka jingpyndonburom sawdong ka ryndang jong u, bad un long uba lai ha ka bor hapoh ka hima.”

DANIEL 5:8

Ki nongai jingmut jong u syiem ki la ïawan sha khmat, hynrei ym don uwei ruh na ki uba lah ban pule ïa ka jingthoh lane ïathuh ha u syiem aïu ka kit jingmut.