DANIEL 4:5 - Khasi CL Bible (BSI)

⁵ Hynrei nga la ïoh ka jingphohsniew kaba pynsheptieng bad nga la ïohi ki jingïohipaw kiba shyrkhei mynba nga dang ïohthiah.

KA BAIBL

⁵ Nga la ïohi ïa ka jingphohsniew kaba la pynsheptieng ïa nga; bad ki jingpyrkhat halor ka jingthiah jong nga bad ki jingithuhpaw ka khlieh jong nga ki la pynkhuslai ïa nga.

DANIEL 4:5 ပူးပေါင်းရင်းမြစ်များ

JENESIS 41:1

Hadien ar snem kynthih, u Syiem ka ri Ijipt u la phohsniew ba u ïeng harud ka wah Nile,

DANIEL 1:7

U rangbah synshar bahakhlieh duh u la ai kyrteng thymmai ïa ki: u Belteshassar, u Shadrakh, u Meshakh, bad u Abednego.

DANIEL 2:1

Ha ka snem kaba ar ba u Nebukhadnessar u long syiem, u la ïoh ka jingphohsniew. Ka la pynkhuslai shibun eh ïa u kat haduh ba um shym ïohthiah,

DANIEL 2:3

u la ong ha ki, “Nga la khuslai shaphang ka jingphohsniew kaba nga la ïoh. Nga kwah ban tip kaei ka jingmut jong ka.”

DANIEL 4:10

“Mynba nga dang ïohthiah, nga la ïoh ka jingïohipaw ïa u dieng bakhraw ha ka pdeng jong ka pyrthei.

DANIEL 4:13

“Katba nga dang pyrkhat shaphang ka jingïohipaw, nga la ïohi ïa u angel uba wan hiar na bneng, uba la kloi bad uba peitngor.

DANIEL 4:15

Hynrei to ieh ïa ka dyngkhong jong u ha khyndew lem bad ka syrwiang nar bad rnong sawdong jong u. Iehnoh ïa u hangta ha pyntha bad u phlang. “ ‘Mynta ai ba ka umjer kan hap halor une u briew, bad shah ïa u ban im bad ki mrad bad ki jingthung.

DANIEL 4:19

Ha kane, u Daniel, ïa uba la khot ruh u Belteshassar, u la sngewsheptieng katta katta ba um lah ban ong ei ei. U syiem u la ong ha u, “Ko Belteshassar, wat ai ba ka jingphohsniew bad ka khubor jong ka kin pynsheptieng ïa me.” U Belteshassar u la phai ktien, “Ko Syiem Kynrad, nga kwah ba ka jingphohsniew bad ka jingbatai ïa ka kan dei ïa ki nongshun jong phi bad ym ïa phi.

DANIEL 5:10

Ka kmie jong u syiem ka la ïohsngew ïa ka jingsawa ba la pynmih da u syiem bad ki rangbah donburom jong u bad ka la rung sha ka kamra jingkhawai. Ka la ong, “To u syiem un im junom! Sngewbha wat da khih khuslai than bad wat da lieh blaid blaid.

DANIEL 5:11

U don u briew ha ka hima jong phi uba don ïa u mynsiem jong ki blei bakhuid hapoh jong u. Mynba u kpa jong phi u long syiem, une u briew u la pyn-i ka jingmut kaba bha, ka jingtip, bad ka jingstad kum ka jingstad jong ki blei. Bad u syiem Nebukhadnessar, u kpa jong phi, u la pynlong ïa u, u khlieh duh jong ki nongbatai kupar, ki nongleh myntor, ki nongleh byrtong, bad ki nongpeit kti.

DANIEL 7:1

Ha ka snem kaba nyngkong kaba u Belshassar u long u syiem ka Babilonia, nga la phohsniew bad nga la ïohi ka jingïohipaw ha ka por mynmiet. Nga la thoh ïa ka jingphohsniew, bad kane ka dei ka jingbuh jingkynmaw ïa kaei kaba nga la ïohi ha kata ka miet:

DANIEL 7:28

Kane ka dei kaba kut jong ka jingïathuh. Nga la sheptieng haduh katta katta ba nga la kylla lieh blaid blaid, bad ba nga la set ïa kaei kaei baroh ha lade.