DANIEL 4:35 - Khasi CL Bible (BSI)

³⁵ U la khmih halor ki briew jong ka pyrthei kum bym long ei ei; ki angel ha bneng bad ki briew ha ka pyrthei ki don hapoh ka jingsynshar jong u. Ym don mano mano ba lah ban pyrshah ïa ka mon jong u lane kylli jingkylli ïa kaei kaba u leh.

KA BAIBL

³⁵ bad ïa ki briew baroh jong ka khyndew ym shym kheiñ ei ei: bad u leh katba u mon ha u paidbah jong ka bneng, bad hapdeng ki briew jong ka khyndew: bad ym don ba lah ban pynsangeh ïa ka kti jong u, lane ong ha u, ‘Me leh aïu?’

DANIEL 4:35 ပူးပေါင်းရင်းမြစ်များ

Ka Kitab U Job 23:13

U long u bym ju kylla. Ym don ba lah ban ïeng pyrshah ïa u lane pynsangeh ïa u na kaba leh ïa kaei kaba u kwah ban leh.

Ka Kitab U Job 34:29

Lada U Blei u rai ban nym leh ei ei ruh, ym don uno uno uba lah ban wad daw ïa u. Lada u buhrieh ïa ka khmat jong u, ki briew kin long kiba khlem ïoh jingïarap.

Ka Kitab U Job 42:2

Nga tip, A Trai, ba me long uba khrawbor tam; ba me lah ban leh ïa kaei kaei baroh kaba me kwah.

Ka Kitab U Job 9:4

U Blei u long uba stad bad uba donbor katta katta; ym don u briew uba lah ban ïeng pyrshah ïa u.

SALM 115:3

U Blei jong ngi u don ha bneng; u leh ïa kano kano kaba u mon.

SALM 135:6

U leh ïa kat kaba u mon ha bneng bad ha pyrthei, ha ki duriaw bad ha ki jingjylliew bashapoh.

SALM 33:14

Na ka jaka ba u synshar, u khmih shapoh halor baroh kiba shong ha ka pyrthei.

SALM 39:5

Katno kaba lyngkot me la pynlong ïa ka jingim jong nga! ha khmat jong me ka jingim jong nga kam long ei ei. Shisha man u briew uba im um don shuh hynrei tang ka jingpyrsad ka lyer, um don shuh hynrei tang ka syrngiew.

SALM 49:1

To sngap ïa kane, ma phi baroh! To shahshkor, baroh ki briew ha kylleng,

PROBERB 21:30

Ka jingstad briew, ka jingproh jabieng, ka jingsngewthuh — kim lah ïarap ei ei lada U Trai u long pyrshah ïa phi.

EKLESIASTIS 8:4

U syiem u trei bad ka iktiar, bad ym don uba lah ban pyrshah ïa kaei ba u leh.

ISAÏAH 19:17

Ki briew jong ka Ijipt kin sngewtriem ïa ka Judah ha man ka por ba la pynkynmaw ïa ka kupar kaba U Trai Badonbor Baroh u la khreh na ka bynta jong ki.

ISAÏAH 26:9

Mynmiet nga thrang ïa me da ka dohnud jong nga baroh; haba me bishar ïa ka pyrthei bad ki briew jong ka, baroh kin tip kaei ka long ka jingbishar hok.

ISAÏAH 43:13

Nga long U Blei bad ngan ïailong. Ym don u ban lait im na ka bor jong nga; ym don uba lah ban pynkylla ïa kaei ba nga leh.”

DANIEL 6:27

U pynim bad u pyllait im; u leh ïa ki jingphylla bad ki kambah ha bneng bad ha pyrthei. U la pynim ïa u Daniel na kaba shah pynïap ha ki sing.”

JONAH 1:14

Kumta ki la kyang sha U Trai, “A Trai, ngi duwai, to wat pynshitom ïa ngi da ka jingïap ban shim ïa ka jingim jong une u briew! Ma me, ko Trai, me kitkhlieh na ka bynta kane baroh; ka long ka jingleh jong me.”

KI KAM 11:17

Ka long kaba shai ba U Blei u la ai ïa kito ki Jentil ïa kajuh ka jingai kaba u la ai ha ngi myn haba ngi la ngeit ha U Jisu Khrist uba U Trai; nga long uei, te, ban pyrshang ban pynsangeh ïa U Blei!”

KI KAM 4:28

Ki la ïalumlang ban leh ïa kaei kaei baroh kaba ma me da ka bor bad ka mon jong me, me la lah thmu ba kan jia.

KI KAM 5:39

hynrei lada ka wan na U Blei, phim lah ban jop ïa ki. Phi lah ban shem ïa lade kiba ïaleh pyrshah ïa U Blei!” Ka Dorbar ka la kohnguh ïa ka jingai jingmut jong u Gamaliel.

KI KAM 9:5

“Me long uei, A Trai?” u la kylli. “Nga long U Jisu, ïa uba me pynshitom beiñ!” ka sur ka la ong.

1 KORINTH 10:22

Lane hato phi kwah ban pynlong ïa U Blei ba un thut shen? Hato ngi pyrkhat ba ngi kham khlaiñ ban ïa u?

1 KORINTH 2:16

Kumba ka Jingthoh Bakhuid ka ong, “Mano batip ïa ka jingmut U Trai? Mano ba lah ban ai jingmut ïa u?” Pynban, ma ngi, ngi don ïa ka jingmut U Khrist.

EPHESOS 1:11

Ïa kiei kiei baroh la leh kat kum ka jingthmu bad ka jingrai U Blei; bad U Blei u la jied ïa ngi ban long ki briew jong u hi ha U Khrist namar ka jingthmu jong u hi, ba la pynshong nongrim ha kaei kaba u la rai naduh kaba mynnyngkong.

JOSHUA 2:2

U Syiem ka Jerikho u la ïoh jingtip ba katto katne ngut ki nong Israel ki la wan ha kata ka miet ban syntiat ïa ka ri,

1 SAMUEL 3:18

Kumta u Samuel u ïathuh ha u nadong shadong; um shym buhrieh ei ei shuh na u. U Eli u ong, “U long U Trai; ieh un leh katba u sngewbit ïa u.”