DANIEL 4:34 - Khasi CL Bible (BSI)

³⁴ “Haba ki hynñiew snem ki la leit,” la ong u syiem, “Nga la khmih shajrong sha sahit bneng, bad ka jingtipbriew jong nga ka la wan phai. Nga la ïaroh ïa U Blei Bahakhlieh Tam Eh bad nga la ai ka jingpyndonburom bad ka burom ïa uta uba im junom. “Un synshar junom, bad ka hima jong u kan neh ha ki por baroh.

KA BAIBL

³⁴ “Te ha ka bakut kita ki sngi, nga, u Nebukhadnessar, nga la khmied la ki khmat sha bneng, bad ka jingshemphang jong nga ka la wan phai pat sha nga, bad nga la kyrkhu ïa U Bahakhlieh Tam Eh, bad nga la ïaroh bad nga la pyndonburom ïa uta u ba-im junom; “namar ka jingsynshar jong u ka long ka jingsynshar bymjukut, bad ka hima jong u pateng la pateng bynriew:

DANIEL 4:34 ပူးပေါင်းရင်းမြစ်များ

2 SAMUEL 22:31

Une U Blei — ki kam jong u ki long kiba janai; ki ktien jong u kiba lah ban shaniah! U long kum ka stieh ïa baroh kiba wad jingïada jong u.

1 KHRONIKL 29:10

Hangta ha khmat uta u paidbah baroh, u syiem Dabid u ïaroh ïa U Trai. U ong “A Trai U Blei jong ki kpa tymmen jong ngi, ai ba yn ïaroh ïa me junom la junom!

1 KHRONIKL 29:13

Mynta ko Blei jong ngi, ngi ainguh ïa me, bad ngi ïaroh ïa ka kyrteng kaba donburom jong me.

Ka Kitab U Job 1:21

U ong, “La kha ïa nga lyngkhuit khlem don ei ei bad ngan ïap lyngkhuit khlem don ei ei. U Trai u la ai, bad mynta u la shim noh. To ai ba yn ïaroh ïa ka kyrteng jong u!”

SALM 10:16

U Trai u long u syiem junom la junom. Kito kiba mane ïa kiwei pat ki blei kin jah noh na ka ri jong u.

SALM 102:24

A Blei, wat shim noh ïa nga mynta shuwa ba ngan long tymmen. A Trai, me im junom;

SALM 107:15

Ki dei ban sngewnguh ïa U Trai na ka bynta ka jingieit baneh jong u, na ka bynta kiei kiei kiba phylla kiba u la leh na ka bynta jong ki.

SALM 107:22

Ki dei ban sngewnguh ïa u da ki jingkñia, bad da ki jingrwai jong ka jingkmen ki dei ban ïathuh ïa baroh kaba u la leh.

SALM 107:31

Ki dei ban sngewnguh ïa U Trai na ka bynta ka jingieit baneh jong u, na ka bynta kiei kiei kiba phylla kiba u la leh ïa ki.

SALM 107:8

Ki dei ban sngewnguh ïa U Trai na ka bynta ka jingieit baneh jong u, na ka bynta kiei kiei kiba phylla kiba u la leh ïa ki.

SALM 111:7

Ha baroh kaba u leh u long uba ïaineh bad uba hok; ki hukum jong u baroh ki long kiba lah ban shaniah.

SALM 121:1

Nga khmied sha ki lumbah; nangno ka jingïarap jong nga kan wan?

SALM 123:1

A Trai, sha me nga khmied, sha bneng shajrong, ha kaba me synshar.

SALM 145:13

Ka jingsynshar jong me ka long bymjukut, bad me long u syiem junom. U Trai u long uba ïaineh ha ki jingkular jong u, bad uba isynei ha ki kam jong u baroh.

SALM 146:10

U Trai u long u syiem junom. U Blei jong pha, ko Seïon, un synshar baroh shi rta. To ïaroh ïa U Trai!

SALM 50:14

Ai ba ka jingai jong ka jingsngewnguh jong phi kan long ka jingkñia sha U Blei, bad to ai sha U Badonbor Baroh ïa kata baroh kaba phi la kular.

SALM 66:7

U synshar junom da ka borbah jong u bad u buh ïa la ki khmat halor ki jaitbynriew. Wat shah ïa ki nongïaleh pyrshah ban ïeng pyrshah ïa u.

SALM 7:17

Nga ainguh ïa U Trai namar ka jingbishar hok jong u, nga rwai ki jingïaroh ïa U Trai, Uba Hakhlieh Tam Eh.

SALM 9:2

Ngan rwai da ka jingkmen namar jong me, ngan rwai ka jingïaroh ïa me, ko Blei Badonbor Baroh.

SALM 92:1

Katno ka long kaba bha ban ainguh ïa me, A Trai, ban rwai ha ka burom jong me, A me Uba Hakhlieh Tam Eh;

ISAÏAH 13:11

U Trai u ong, “Ngan wallam ka jingpynjot halor ka pyrthei bad ngan pynshitom ïa ki riewbymman baroh namar ki pop jong ki. Ngan pyndem ïa uno uno uba sarong bad ngan pynshitom ïa uno uno uba sngewmeng bad uba runar.

ISAÏAH 2:11

Ka sngi kan wan ha kaba yn pynkut ïa ka jingsarong ba kynja briew bad yn pynjot thiaw ïa ka jinglehmeng ba kynja briew. Nangta tang ïa U Trai hi yn kyntiew burom.

ISAÏAH 24:15

bad kito kiba ha mihngi kin ïaroh ïa u. Ki briew kiba im harud ka duriaw kin ïaroh ïa U Trai, U Blei ki Israel.

JEREMAÏAH 10:10

Hynrei ma me, A Trai, me long U Blei bashisha, me long U Blei uba im bad u syiem bymjukut. Haba me bitar, ka pyrthei ka khynñiuh; ki jaitbynriew kim lah shah ïa ka jingbitar jong me.

SNGEWSYNEI 3:38

Kaba bha bad kaba sniew kumjuh ki jia ha ka hukum jong u.

DANIEL 12:7

U angel u la rah ïa la ki kti sha bneng bad u la pynlong ka jingkular kyntang ha ka kyrteng jong U Blei Bymjukut. Nga la ïohsngew ïa u ba u ong, “Kan long lai snem shiteng. Haba ka jingpynshitom beiñ ïa ki briew jong U Blei ka kut, kine kiei kiei baroh kin hap ban jia.”

DANIEL 2:44

Ha ka por jong kito ki nongsynshar U Blei ka bneng un seng ka hima ka ban ym kut junom. Yn ym lah ban jop ïa ka, hynrei kan pynjot thiaw ïa baroh kito ki hima, bad nangta kan neh junom.

DANIEL 4:2

To shahshkor ïa ka jingïathuh jong nga ïa ki jingphylla bad ki kambah kiba U Blei Bahakhlieh Tam Eh u la pyn-i ha nga.

DANIEL 4:26

U angel u la ai hukum ban iehnoh ïa ka dyngkhong ha ka khyndew. Kane ka mut ba phin sa long syiem pat haba phi pdiang ba U Blei u synshar ïa ka pyrthei baroh kawei.

DANIEL 4:3

“Katno kiba khraw ki long ki jingphylla jong U Blei kiba u pyn-i ha ngi! Katno kiba khrawbor ki long ki kambah kiba u leh! U Blei u long u syiem junom; un synshar ha ki por baroh.

DANIEL 4:32

Ïa me yn beh noh na ka imlang ka sahlang u bynriew, men shong men sah bad ki mradkhlaw, bad bam phlang kum u masi dab haduh hynñiew snem. Nangta men pdiang ba U Blei Bahakhlieh Tam Eh u don ka bor halor baroh ki hima ki briew bad ba u lah ban ai ïa ki ha uno uno uba u jied.”

DANIEL 4:36

“Haba ka jingtipbriew jong nga ka la wan phai, ïa ka burom jong nga, ka jinglong syiem jong nga, bad ka burom jong ka hima jong nga la ai pat ha nga. Ki rangbah synshar jong nga bad ki rangbah donburom jong nga ki la pdiang sngewbha ïa nga, bad la ai pat ha nga ïa ka bor ba kynja syiem, bad wat ka jingpyndonburom kaba kham khraw ban ïa kaba mynshuwa.

DANIEL 5:18

“U Blei Bahakhlieh Tam Eh u la pynlong ïa u Nebukhadnessar, u kpa jong me, u syiem uba khraw bad ai ha u ka burom bad ka jinglong syiem.

DANIEL 5:21

La beh noh ïa u na ka imlang ka sahlang u bynriew, bad ka jingmut jingpyrkhat jong u ka la long kum u mrad. U la shong la sah bad ki kada khlaw, u la bam phlang kum u masi dab bad u la thiah ha ka jaka bym don jingkah khlem kano kano ka ban ïada ïa u na ka umjer. Ha kaba khatduh u la pdiang ba U Blei Bahakhlieh Tam Eh u synshar ïa baroh ki hima ki briew bad u lah ban ai ïa ki ha uno uno uba u jied.

DANIEL 6:26

Nga hukum ba ha kylleng ka hima jong nga uwei pa uwei u dei ban sheptieng bad burom ïa U Blei jong u Daniel. “U long U Blei uba im bad un synshar junom. Ïa ka hima jong u yn ym pynjot lano lano ruh, bad ka bor jong u kan ym poi lano lano ruh sha ka jingkut.

DANIEL 7:14

La ai ha u ka iktiar, ka jingpyndonburom, bad ka bor ba kynja syiem, khnang ba ki briew jong ki jaitbynriew baroh, ki jait ki kynja, bad ki ktien ki thylliej kin shakri ïa u. Ka iktiar jong u kan neh junom, bad ka hima jong u kan ym kut shuh.

DANIEL 7:27

Ïa ka bor bad ka jingkhraw jong baroh ki hima ha ka pyrthei yn ai ha ki briew jong U Blei Bahakhlieh Tam Eh. Ka bor ba kynja syiem jong ki kan ym kut shuh bad ki nongsynshar baroh ha ka pyrthei kin shakri bad kohnguh ïa ki.”

DANIEL 9:14

Ma me, A Trai U Blei jong ngi, me la pynkhreh ban pynshitom ïa ngi, bad me la leh kumta, namar borabor me ju ïai leh ïa kaei kaba dei, bad ngim shym la pynshahshkor ïa me.

JONAH 1:14

Kumta ki la kyang sha U Trai, “A Trai, ngi duwai, to wat pynshitom ïa ngi da ka jingïap ban shim ïa ka jingim jong une u briew! Ma me, ko Trai, me kitkhlieh na ka bynta kane baroh; ka long ka jingleh jong me.”

MIKAH 4:7

Ki la long kiba dkoh bad jngai na ïing, hynrei ngan pynlong ka jingsdang kaba thymmai bad kito kiba sah, bad kin long ka jaitbynriew kaba khraw. Ngan synshar halor jong ki ha u lum Seïon naduh kata ka por bad junom.”

LOUKAS 1:33

bad un long u syiem jong ki khun ki ksiew u Jakob junom; ka hima jong u kan ym kut shuh da lei lei!”

LOUKAS 18:13

“Hynrei u nonglum khajna u la ïeng ha pajih bad um shym khmied la ka durkhmat sha bneng, hynrei u ïai tied ïa la ka shadem bad u la ong, ‘A Blei, to isynei ïa nga, u nongpop!’

ÏOANNIS 5:26

Kumba U Kpa da lade hi u long u tyllong jong ka jingim, ha kajuh ka rukom u la pynlong ïa U Khun jong u ban long u tyllong jong ka jingim.

DEUTERONOMI 32:4

“U Trai u long u nongïada bakhlaiñbor jong phi, ki lynti jong u ki long kiba janai, bad bahok; U Blei jong phi u long uba ïaineh bad uba shisha; u leh ïa kaba hok bad kaba beit.

1 TIMOTHI 1:17

Ha u Syiem bymjukut, u bymïap shuh bad u bym lah ban ïohi, uba tang ma u hi U Blei — ha u to long ka jingpyndonburom bad ka burom junom la junom! Amen.

1 TIMOTHI 6:16

Dei tang ma u marwei u bymïap shuh; u shong ha ka jingshai ha kaba ym don uba lah ban leit sha jan jong u. Ym don uno uno uba la ju ïohi ïa u; ym don uno uno uba lah ban ïohi ïa u. Ha u, to long ka burom bad ka borbah bymjukut! Amen.

JINGPYNPAW 10:6

bad u la smai ha ka kyrteng U Blei, uba im junom la junom, uba la thaw ïa ka bneng, ïa ka khyndew, bad ïa kata ka duriaw, bad baroh kiba don ha ki. Uta u angel u la ong, “Yn ym don jingpynslem shuh!

JINGPYNPAW 11:15

Nangta u angel uba hynñiew u la put ïa la ka turoi, bad la don ki sur kiba jam ha bneng, kiba ong, “Ka bor ban synshar halor ka pyrthei ka long mynta ka jong U Trai jong ngi bad jong U Messaïah jong u, bad un synshar junom la junom!”

JINGPYNPAW 4:10

Haba ki leh kumta, kita ki arphew saw ngut ki nongsharai balang ki la dem khrup ha khmat uta uba shong halor ka khet, bad mane ïa u, uba im junom la junom. Ki bret ïa ki pansngiat jong ki ha khmat jong ka khet bad ki ong,

JINGPYNPAW 4:9

Ki saw tylli ki jingthaw ba-im ki rwai ki jingrwai jong ka burom bad ka jingpyndonburom bad ki jingsngewnguh ïa uta uba shong ha ka khet, bad mane ïa uta uba im junom la junom.