DANIEL 4:33 - Khasi CL Bible (BSI)

³³ Ki kyntien ki wan urlong shisha mar kumta hi. Ïa u Nebukhadnessar la beh noh na ka imlang ka sahlang u bynriew bad u la bam phlang kum u masi dab. Ka umjer ka la hap halor ka met jong u, bad u shñiuh jong u, u la san jrong kum ki sner jong ki pukni bad ki tyrsim jong u ki jrong kum ki tnaw jong ki sim.

KA BAIBL

³³ Ha kata hi ka por, la pyndep ïa kata ha u Nebukhadnessar; bad la beh noh ïa u na ki briew bad u la bam phlang kum ki masi dab bad ka met jong u ka la jhieh da ka umjer bneng, tad ynda u shñiuh jong u, u la san kum ki 'ner pukni, bad ki tyrsim jong u kum ki tyrsim sim.

DANIEL 4:33 ပူးပေါင်းရင်းမြစ်များ

Ka Kitab U Job 20:5

ym don u briew uba sniew uba kmen slem.

ISAÏAH 30:14

Phin sa pra kum u khra, uba la phret jin haduh ba ym don shuh ka lyngkhot, da kaba yn lah ban khat ïa ki rnga bakhluit, lane tong um na ka pung-um.”

DANIEL 4:25

Yn beh noh ïa phi na ka imlang ka sahlang u bynriew bad phin shong phin sah bad ki mradkhlaw. Hynñiew snem phin bam phlang kum u masi dab, bad thiah ha bym don jingkah ei ei, ha kaba ka umjer kan hap halor jong phi. Te phin pdiang ba U Blei Bahakhlieh Tam Eh u bat synshar ïa baroh ki hima ki briew, bad ba u lah ban ai ïa ki ha uno uno uba u jied.

DANIEL 4:32

Ïa me yn beh noh na ka imlang ka sahlang u bynriew, men shong men sah bad ki mradkhlaw, bad bam phlang kum u masi dab haduh hynñiew snem. Nangta men pdiang ba U Blei Bahakhlieh Tam Eh u don ka bor halor baroh ki hima ki briew bad ba u lah ban ai ïa ki ha uno uno uba u jied.”

DANIEL 5:21

La beh noh ïa u na ka imlang ka sahlang u bynriew, bad ka jingmut jingpyrkhat jong u ka la long kum u mrad. U la shong la sah bad ki kada khlaw, u la bam phlang kum u masi dab bad u la thiah ha ka jaka bym don jingkah khlem kano kano ka ban ïada ïa u na ka umjer. Ha kaba khatduh u la pdiang ba U Blei Bahakhlieh Tam Eh u synshar ïa baroh ki hima ki briew bad u lah ban ai ïa ki ha uno uno uba u jied.

DANIEL 5:5

Kynsan kynsan la mihpaw ka kti briew bad ka la sdang ban thoh ha ka kynroh ba la astor jong ka ïingsyiem, ha kaba ka jingshai na ki sharak ka shai phyrnai eh. Bad u syiem u la ïohi ïa ka kti katba ka dang thoh.

1 THESSALONI 5:2

Naba phi hi da lade phi tip bha ba ka Sngi jong U Trai kan wan kum u nongtuh mynmiet.