DANIEL 4:32 - Khasi CL Bible (BSI)

³² Ïa me yn beh noh na ka imlang ka sahlang u bynriew, men shong men sah bad ki mradkhlaw, bad bam phlang kum u masi dab haduh hynñiew snem. Nangta men pdiang ba U Blei Bahakhlieh Tam Eh u don ka bor halor baroh ki hima ki briew bad ba u lah ban ai ïa ki ha uno uno uba u jied.”

KA BAIBL

³² Bad yn beh noh ïa me na ki briew, bad ka jaka shong jong me kan long ryngkat bad ki mrad khlaw; bad yn pynbam phlang ïa me kum ki masi dab, bad hynñiew ki aïom kin lut ha me; tad ynda me la tip ba U Bahakhlieh Tam Eh u synshar ha ka hima jong ki briew, bad ba u ai ïa ka ha uba u mon hi.”

DANIEL 4:32 ပူးပေါင်းရင်းမြစ်များ

2 KHRONIKL 33:13

U Blei u pdiang ïa ka jingduwai u Manasseh bad jubab ïa ka da kaba pynlah ïa u ban leit phai sha Jerusalem bad synshar pat. Kane ka pynskhem ïa u Manasseh ba U Trai u long U Blei.

Ka Kitab U Job 42:2

Nga tip, A Trai, ba me long uba khrawbor tam; ba me lah ban leh ïa kaei kaei baroh kaba me kwah.

Ka Kitab U Job 9:12

U shim kaei kaba u kwah, bad ym don ba lah ban khang ïa u. Ym don uba nud ban kylli ïa u, “Me leh aïu?”

SALM 115:3

U Blei jong ngi u don ha bneng; u leh ïa kano kano kaba u mon.

SALM 135:6

U leh ïa kat kaba u mon ha bneng bad ha pyrthei, ha ki duriaw bad ha ki jingjylliew bashapoh.

EKSODOS 8:10

U Pharaoh u jubab, “Duwai na ka bynta jong nga la shai.” U Moses u ong, “Ngan leh kumba phi ong, ba phin ïoh tip ba ym don mano mano ruh uba kum U Trai U Blei jong ngi.

EKSODOS 9:14

Naba ha kane ka kynti ngan pynshitom ym tang ïa ki rangbah synshar bad ïa ki briew jong me, hynrei ïa me hi ruh, khnang ba men ïoh tip ba ym don uba kum ma nga ha ka pyrthei baroh.

EKSODOS 9:29

U Moses u ong ha u, “Nga tang shu poi shabar kane ka shnong, ngan duwai ha U Trai. U pyrthat un sangeh, bad u phria un ym hap shuh, ba phin ïoh tip ba ka pyrthei ka long ka jong U Trai.

ISAÏAH 37:20

Mynta, A Trai U Blei jong ngi, pyllait im ïa ngi na ki Assyria, kumta ba baroh ki jaitbynriew jong ka pyrthei kin tip ba tang ma me hi me long U Blei.”

ISAÏAH 40:15

Ha U Trai ki jaitbynriew kim long ei ei, ym don wat tang shi jaw ka um; ki dewlynnong ba sha jngai ki sting kum u pui pui.

ISAÏAH 40:17

Ki jaitbynriew kim long ei ei satia ha u.

ISAÏAH 45:3

Ngan ai ïa me ki jingkynshew na ki jaka ba-dum, bakynjah; te men tip ba nga long U Trai, bad ba U Blei ki Israel u la khot ïa me da ka kyrteng.

JEREMAÏAH 27:5

“Da ka bor bakhraw bad ka jingkhlaiñ jong nga, nga la thaw ïa ka pyrthei, ïa u khunbynriew, bad ïa baroh ki mrad kiba im ha ka khyndew; bad nga ai ïa ka ha uno uno uba nga jied.

DANIEL 2:21

U bat synshar ïa ki por bad ki aïom; u pynlong bad u weng ïa ki syiem; long ma u, uba ai ka jingstad bad ka jingshemphang.

DANIEL 4:31

Ha shuwa ba ki kyntien kin mih shabar na ka shyntur jong u, ka sur ka la kren na bneng, “Ko syiem Nebukhadnessar, to shahshkor ïa kaei kaba nga ong! Ïa ka bor ba kynja syiem jong me la shim noh mynta na me.

DANIEL 5:21

La beh noh ïa u na ka imlang ka sahlang u bynriew, bad ka jingmut jingpyrkhat jong u ka la long kum u mrad. U la shong la sah bad ki kada khlaw, u la bam phlang kum u masi dab bad u la thiah ha ka jaka bym don jingkah khlem kano kano ka ban ïada ïa u na ka umjer. Ha kaba khatduh u la pdiang ba U Blei Bahakhlieh Tam Eh u synshar ïa baroh ki hima ki briew bad u lah ban ai ïa ki ha uno uno uba u jied.

JOSHUA 4:24

Namar kane, uwei pa uwei ha ka pyrthei un tip haduh katno ka bor jong U Trai ka long kaba khraw, bad ba phin burom ïa U Trai U Blei jong phi junom.”